Свет
Ватикан ќе отвори стари гробници во обид да разреши мистриозен случај од пред 36 години

Ватикан нареди да бидат отворени две гробници со цел да се разреши мистериозно исчезнување на тинејџерка пред 36 години. Емануела Орланди имала 15 години кога исчезнала без трага во летото 1983 година. Ќерката на истакнат вработен во Институтот религиски дела, познат како Ватиканска банка, последен пат била видена на часови по музика во базиликата Sant’Apollinare во Рим.
Џан Пјеро Милано, застапник на правдата во Ватикан, вчера одобри две ексхумации како одговор на петицијата што ја покрена семејството на тинејџерката, кое верува дека нејзиното тело е погребано на гробиштата во Ватикан. Мајката и братот на Орланди сè уште живеат во Ватикан и продолжија да вршат притисок изминативе години да се истражи нејзиниот случај. Адвокатот на семејството минатото лето добил анонимна порака која сигерирала дека ,,треба да бараат каде што ангелот покажува”, објави италијанската новинска агенција АНСА.
Тоа го одвело семејството до ѕид на гробишта каде има што има нацртано ангел. Гробниците ќе бидат отворени в четврток, на 11 јули, објави портпаролот на Ватикан, Алесандро Гизоти.
Гизоти го опиша случајот како ,,долг и болен”, но исто така тој изрази надеж дека наскоро би можел да се разреши. Коските коишто ќе бидат пронајдени за време на ексхумацијата ќе бидат дадени на ДНК-анализа во лабораторија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.