Свет
Вашингтон не гледа докази за геноцид во Газа

Портпаролот на американскиот Стејт департмент, Метју Милер, изјави дека Соединетите Американски Држави сметаат дека ниедна акција во Газа не е геноцид коментирајќи го почнатиот судски процес на Јужна Африка против Израел пред Меѓународниот суд на правдата, кои го обвинуваат Израел за геноцид во Појасот Газа.
Милер рече на редовната прес-конференција: „Овие тврдења мора внимателно да се проверат. Не гледаме никакви активности што претставуваат геноцид. Тоа е она што го утврди Стејт департментот“.
Белата куќа исто така ја смета тужбата на Јужна Африка пред Меѓународниот суд на правдата, во која го обвинува Израел за геноцид врз Палестинците во Појасот Газа за „неоснована“ и „контрапродуктивна“.
Портпаролот на Советот за национална безбедност на САД, Џон Кирби, рече: „Оваа тужба не се заснова на никакви факти“.
Судот соопшти дека ќе одржи јавни сослушувања на 11 и 12 јануари на барање на Јужна Африка, а Израел рече дека ќе се брани од обвиненијата.
Тековната израелска агресија врз Газа резултира со убиство на повеќе од 22.000 Палестинци, главно жени и деца, и уништување голем дел од Појасот и предизвика хуманитарна катастрофа за 2,3 милиона жители.
Меѓународниот суд на правдата е основан по Втората светска војна и е највисокото правосудно тело на Обединетите нации, кое им суди на државите во меѓусебни спорови. Иако одлуките на судот се правно обврзувачки, тој нема големи овластувања да ги спроведе во пракса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пукањето во Белград на само 300 метри од куќата на Мирослав Илиќ, пејачот се огласи: „Боже господе, што се случува“

Во пукањето во Вишњичка бања се повредени пет лица, меѓу нив и една жена за чијшто живот се борат лекарите.
Според неофицијални информации, на пукањето му претходела тепачка, а сè се случило на нешто повеќе од 300 метри од куќата на познатиот пејач на народна музика, Мирослав Илиќ, пишува „Блиц“.
Илиќ по повод настанот се огласи за домашните медиуми.
„Живеам во мирна улица, во мирен крај. Чувај Боже што се случува. Не сум гледал вести и не сакам да знам“, изјави Мирослав за Телеграф.
Иако првичните информации укажуваа дека една жена починала, докторите во Ургентниот центар успеале да ја оживеат.
Неофицијално, повеќе вооружени лица излегле од бело комбе и почнале да пукаат. Овие информации засега не се официјално потврдени, а во тек е полициска потера по напаѓачите.
Очевидци опишале дека од белото комбе излегле неколку лица и почнале да пукаат насекаде.
Регион
(Видео) Полицијата се’ уште трага по напаѓачите по пукањето во кафулето во Белград

Пет лица беа ранети во пукање во кафуле во белградската населба Вишњичка бања, а едно лице е во животна опасност. Напаѓачите, кои пристигнале со бело комбе, влегле во локалот и отвориле оган по гостите.
Повредените – две жени и три мажи – се пренесени во Ургентниот центар. Полицијата покрена акција и сè уште трага по сторителите, јавува „Н1“.
Очевидци раскажаа дека на автобуската станица во близина имало голем број деца кои се разбегале уплашени, а пристигнувањето на итната помош се чекало долго. Жителите потсетуваат дека веќе подолг период имаат проблеми со навивачки групи во оваа населба.
Свет
(Видео) Ураган ја потопи Ибица

Ураганот „Габриел“, кој со денови пустоши над Атлантикот, денеска ја погоди Ибица и Форментера, предизвикувајќи поплави и голема материјална штета.
Видео-снимки од социјалните мрежи покажуваат автомобили, мотори и контејнери како ги носи надојдената вода, а улиците се претворени во реки од кал и дожд.
Flooding due to heavy rain on the island of Ibiza, Spain 🇪🇸 (30.09.2025) pic.twitter.com/4gM7xFwDVW
— Disaster News (@Top_Disaster) September 30, 2025
Туристи биле принудени да се симнат од брод во вода до колена.
Jeeze! Passengers step off the sea ferry in Ibiza directly into floodwaters 😳
Bizarre!pic.twitter.com/eH7tE9TLnk
— Volcaholic 🌋 (@volcaholic1) September 30, 2025
Пожарникарите на Ибица интервенирале на повеќе од 20 повици само утринава. Затворени се неколку патишта, меѓу нив и пристапот до аеродромот. Во близина на аеродромот за неколку часа наврнале 74 милиметри дожд, а има и прекини во снабдувањето со струја.
👀 This is on the Spanish Island of Ibiza before the mobile phone warning was sent out. There is a RED warning in place = Danger to life.
📹 @BailoAndrespic.twitter.com/BdXDlvFZF0
— Volcaholic 🌋 (@volcaholic1) September 30, 2025
Силното невреме предизвика проблеми и на Мајорка, каде што северниот дел на планинскиот венец Трамунтана бил најтешко погоден, како и во регионот Валенсија и Мурсија.