Европа
Венеција воведува такса за влез во градот, кој се ќе треба да плаќа
Венеција лансираше онлајн платформа која им овозможува на посетителите да ја платат многу дебатираната такса за влез во градот, која ќе стапи на сила на крајот на април и ќе се применува во одредени денови кога се очекува градот да има најмногу луѓе. Лансирана во јануари, онлајн платформата за резервирање и плаќање билети им овозможува на посетителите да преземат QR код кој гарантира дека ја платиле таксата.
Станува збор за такса за која се уште бурно се дебатира, а треба да се применува во деновите кога во Венеција има најмногу луѓе. Тој ќе биде на сила 29 дена, од 25 април до 5 мај, како што најави градоначалникот на Венеција, Луиџи Бруњаро на крајот на ноември. Потоа ќе важи за сите викенди до средината на јули, со исклучок на 1 и 2 јуни.
Надоместокот може да се плати на веб-страницата: cda.veneziaunica.it. Откако ќе платат 5 евра, туристите добиваат QR код и го преземаат на својот мобилен телефон. Шемата не важи за гостите кои ноќеваат во градот, за локалните жители или за луѓето кои секојдневно патуваат во Венеција поради работа.
Исклучени се и деца помлади од 14 години. Сите оние кои ќе решат да дојдат во Венеција без да платат такса, ризикуваат казна од 50 до 300 евра. Целта на таксата, која официјално беше воведена во септември по долги години дискусија, е да се спречи масовниот туризам да и нанесе уште поголема штета на Венеција од претходно.
Задоцнет и неколкукратно намален, таксата од 5 евра во одредени денови беше намалена од сумата од 10 евра што претходно ја предложија некои функционери, барајќи ваквото правило да важи во текот на целата година.
Треба да се знае дека повеќе од пет милиони луѓе ја посетуваат Венеција секоја година. Во шпицот на туристичката сезона, честопати во градот во секое време има повеќе од 100.000 туристи, кои се побројни од населението за најмалку 50 проценти.
Некои експерти со скептицизам гледаат на воведувањето на таксата и сметаат дека тоа нема значително да го намали приливот на туристи во Венеција. Сметаат дека туристите не треба да ги одврати да дојдат во Венеција со такса од 5 евра, со оглед на тоа што веќе решиле да потрошат стотици евра за патување и престој во градот.
На пример, таксата е мала во споредба со официјалната такса за получасовно вечерно возење со гондола, која сега е 100 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.