Свет
Венецуелската опозиција ќе испрати делегација во Италија
Лидерот на венецуелската опозиција, Хуан Гуаидо, ќе испрати делегација во Италија чија влада е една од неколкуте земји од Европската Унија кои не го поддржуваат самопрогласениот привремен претседател, пренесува „Локал“.
Италијанскиот министер за внатрешни работи, Матео Салвини, изјави дека ќе се состане со тимот во понеделник откако Гуаидо испрати писмо со барање што е можно побрзо да го претстави акциониот план за враќање на демократијата во Венецуела преку слободни и фер избори.
Велика Британија, Франција, Германија и Шпанија се меѓу 20-те земји членки на ЕУ кои застанаа на страната на Гуаидо откако Мадуро ги игнорираше нивните барања да распише нови претседателски избори до 3 февруари.
Но, обидот да се засили заедничката позиција на ЕУ доби вето од Италија, а коалициската влада во Рим е поделена околу тоа како да се справи со кризата во Венецуела.
Салвини, кој ја предводи десничарската популистичка партија Лига, повика на нови избори во Венецуела бидејќи, според него, „сите комунистички режими мора да бидат избришани од земјата”. Но, коалицискиот партнер Движењето пет ѕвезди не сака да го поддржи Гуаидо.
„Количеството демократија што луѓето се обидуваат да го извезат во некоја земја секогаш е директно пропорционално на тоа колку нафта има во таа земја … човек мора да биде силен за да остане неутрален”, изјави високиот член на M5С, Алесандро ди Батисти.
Гуаидо испрати барање и за разговори со лидерот на М5С, Луиџи ди Мајо, но тој не одговори веднаш на барањето. Италијанскиот претседател, Серхио Матарела, во понеделникот ја повика Италија да покаже одговорност и јасност во заедничката позиција со сојузниците и партнерите од Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.