Свет
Венецуелски опозиционер одржал разговори со Ердоган без знаење на Хуан Гваидо

Венецуелскиот опозиционер Енрике Каприлес јавно призна во вторникот дека водел разговори со администрацијата на турскиот претседател Реџеп Таип Ердоган, пренесува „Ел насионал“.
Каприлес, кој е поранешен гувернер на Миранда и истакнат лидер во централно-левичарската партија „Прво правдата“, рече дека иако немало официјални преговори меѓу него и венецуелската опозиција со Ердоган, соодветно е да разговараат со сите што ги носат до веродостојно решение“.
Каприлес двапати неуспешно се кандидираше за претседател, прво против покојниот Уго Чавез, а подоцна и против сегашниот претседател Николас Мадуро. Тој во моментов не извршува никаква избрана функција и не работи во администрацијата на опозиционерот Хуан Гуаидо во какво било официјално својство.
Ниту еден извештај не објасни како Каприлес се претставил пред владата на Ердоган или што разговарале турските власти со него, а разговорите биле водени без одобрение од Гваидо.
„Ги информираме Венецуелците и меѓународната заедница дека никој не знаеше за разговорите што се водат меѓу режимот на Ердоган и Енрике Каприлес. Овие активности беа изведени без знаење или овластување од привремената влада, Националното собрание, нашите меѓународни сојузници или унитарниот договор постигнат и објавен од 27 политички организации кои ги обединуваат нашите демократски сили“, рече тој во коминике.
Во услови на критики за овој потег, имајќи го предвид „досието“ на Ердоган за кршење на човековите права и постојаната поддршка за режимот на Мадуро, Каприлес на Твитер тврдеше дека ќе разговара со која било влада или режим за да помогне во обезбедувањето на решение за политичката, економската и хуманитарна криза.
Hablar con un miembro de la comunidad internacional es lo normal cuando crees en la política y en la democracia. Para la muestra un botón.
Tengan claro: con chinos, con rusos, con europeos, hablaremos con todo el que sea necesario para sacar a los venezolanos de esta crisis. pic.twitter.com/LZugEcYPmK
— Henrique Capriles R. (@hcapriles) September 2, 2020
„Разговорот со член на меѓународната заедница е нормално кога верувате во политика и во демократија. Да бидеме јасни: со Кинезите, со Русите, со Европејците, ќе разговараме со сите што е потребно за да се извлечат Венецуелците од оваа криза “, напиша Каприлес.
Каприлес на својата изјава додаде и фотографија од средбата на претседателот Доналд Трамп со Ердоган. Турција и САД се сојузници во НАТО и двајцата се шефови на држави, затоа ваквите состаноци се очекувани и неопходни. Каприлес не појасни како таква средба се споредува со неговата одлука да се обрати на Турција како обичен граѓанин.
Каприлес си ги припиша и заслугите за помилување на повеќе од 100 политички затвореници од страна на Мадуро и покрај шпекулациите дека станува збор за политичка претстава наменета за создавање чувство за легитимитет околу парламентарните избори што Мадуро ги закажа во декември.
„Денес, благодарение на моите лични напори, задоволни сме со ослободувањето на 110 политички затвореници. Единствениот интерес ми е да ги бранам Венецуелците и да извојувам слобода за Венецуела. Нема да се повлечеме, исто како што нема да се повлече ниту еден Венецуелец додека не ја видиме промената во земјата“, се пофали тој.
Легитимизирање на претстојните избори исто така може да е цел на Каприлес, кој во понеделникот се сретна со Гваидо за да разговара за можноста за формирање изборен пакт. Според Гваидо, формирањето таков пакт би помогнало да се избегне парламентарна измама и да се обезбеди механизам за масовно учество на граѓаните.
Другите лидери на опозицијата ја отфрлија идејата, повикувајќи се на фактот дека сите избори во изминатата деценија беа насилно наместени во корист на Обединетата социјалистичка партија на Венецуела (ПСУВ). Меѓу критичарите е и лидерката на „Венте Венецуела“, Марија Корина Мачадо, единствената фигура десно од центарот во венецуелската мејнстрим политика.
Carta dirigida al presidente interino, @jguaido: https://t.co/eSoqkDenoY pic.twitter.com/81ht3guF2h
— María Corina Machado (@MariaCorinaYA) August 29, 2020
Во остро писмо испратено до Гваидо по нивниот состанок викендот, Мачадо го обвини дека не ја исполнил својата должност да стори сé што е можно за да го отстрани Мадуро од власт и да покрене транзиција кон демократија по инаугурацијата за претседател минатиот јануари.
Ова е мислење што го дели мнозинството од венецуелската јавност како и претседателот Доналд Трамп, кој наводно ја изгубил довербата во раководството на Гваидо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
СЗО бара зголемување на цените на алкохолот, тутунот и безалкохолните пијалоци за 50 проценти

Светската здравствена организација (СЗО) вчера ги повика земјите да ги зголемат цените на алкохолот, тутунот и безалкохолните пијалоци за 50 проценти во следните десет години преку даноци за да помогнат во борбата против хроничните болести.
СЗО истакна дека ова ќе помогне да се намали потрошувачката на овие производи, кои придонесуваат за болести како што се дијабетес и некои видови рак, и да се соберат пари во време кога помошта за развој се намалува, а јавниот долг расте.
„Даноците за здравство се едни од најефикасните алатки што ги имаме“, рече помошникот генерален директор на СЗО за промоција на здравјето и превенција и контрола на болести, Џереми Фарар.
„Време е да се дејствува“, додаде тој.
СЗО започна иницијатива наречена „3 до 35“ на Конференцијата на ОН за финансирање на развојот во Севиља. Иницијативата би можела да собере 1 трилион американски долари до 2035 година.
СЗО со децении ги поддржува даноците на тутунот и зголемувањето на цените, а во последниве години повикува на даноци на алкохолот и безалкохолните пијалоци, но ова е прв пат да предложи специфични зголемувања на цените за сите три производи.
Генералниот директор на СЗО, Тедрос Аданом Гебрејесус, на конференцијата изјави дека даноците би можеле да им помогнат на владите „да се прилагодат на новата реалност“ и да ги зајакнат своите здравствени системи со зголемени приходи. Речиси 140 земји веќе ги зголемија даноците и цените на тутунот за просечно повеќе од 50 проценти од 2012 до 2022 година, забележа СЗО.
СЗО разгледува други даночни препораки, вклучително и оние за ултра-преработена храна, и ја финализира дефиницијата за тој вид храна во наредните месеци. Иницијативата е поддржана од Bloomberg Philanthropies, Светската банка (СБ) и OECD и вклучува поддршка за земјите кои сакаат да дејствуваат.
Свет
Топлотен бран во Европа: 8 загинати, стотици хоспитализирани, дискусии во Франција

Силен топлински бран го погоди големиот дел од Европа, при што досега се пријавени осум смртни случаи — четворица во Шпанија, двојца во Франција и двојца во Италија. Стотици лица се хоспитализирани, а температурите достигнаа и до 40°C во некои региони.
Во Шпанија, шумски пожари предизвикаа загуби на животи и штети на земјоделски површини. Во Франција, министерството за здравство предупредува на висок ризик особено за ранливите групи, а земјата е поделена поради дебатата за потребата од климатизација во јавните објекти. Крајно десничарскиот политичар Марин Ле Пен ја користи кризата за кампања, додека владата ја критикува таквата политика како штетна за климата.
Поради топлинскиот бран, некои региони се соочуваат и со опасност од силни невремиња, додека еден од нуклеарните реактори во Швајцарија беше привремено исклучен поради високите температури на водата за ладење.
Економски анализи предупредуваат дека екстремните температури може да го забават економскиот раст во Европа, додека научниците потенцираат дека климатските промени се главен фактор зад овие екстреми.
Свет
Хамас одговори на предлогот на Трамп: „Израел мора да се повлече од Газа“

Хамас соопшти дека ја разгледува понудата за примирје во Газа, која американскиот претседател Доналд Трамп ја нарече „финална“, но истовремено бара Израел целосно да се повлече од палестинската енклава.
Трамп изјави дека Израел се согласил со условите за конечен договор за 60-дневно примирје со Хамас, по „долги и продуктивни“ разговори меѓу неговите претставници и израелската страна.
Хамас нагласува дека тежнее кон договор кој ќе значи целосно запирање на војната и повлекување на Израел од Газа.
Од друга страна, израелскиот премиер Бенјамин Нетанјаху во првото обраќање по најавата на Трамп повика на целосно елиминирање на Хамас, изјавувајќи: „Нема да има Хамас. Нема да има Хамастан. Не се враќаме назад.“
Двете страни го повторуваат своето долгорочно ставови, што ја намалува веројатноста за компромис.
Во Газа владее надеж дека ќе се постигне барем краткотраен прекин на конфликтот. Камал, жител на Газа, изјави дека се надева дека овој пат ќе успее, што би спасило илјадници невини животи.
Нетанјаху се соочува со растечки притисок да обезбеди траен мир и да стави крај на речиси двегодишната војна, но неговата екстремно десничарска коалиција е против договор. Истовремено, притисокот врз Хамас расте, особено по американските и израелските напади врз нуклеарните постројки во Иран.