Свет
(Видео)Пукање во Џексонвил: Изгубил на турнир за видео игри, по што убил две лица и се самоубил
Две лица загинаа, а деветмина се повредени во оружен напад што се случи на турнирот за играње видео игри во Џексонвил, во американската сојузна држава Флорида. Полицијата информираше дека осомничениот за нападот е мртов. Станува збор за 24-годишениот Дејвид Кац од Балтимор, кој учествувал на турнирот.
Според очевидци, напаѓачот откако изгубил на една од игрите отворил оган врз учесниците на турнирот, а потоа се самоубил. На местото на инцидентот е пронајден пиштол.
Турнирот во играње видео игри „Madden NFL 2019“ бил пренесуван во живо преку интернет, а откако се слушнале истрели, преносот е прекинат.
Congrats to David Katz, the Madden 17 Bills Championship winner!
Thanks for following along, Bills fans. https://t.co/YHJHzlFElc pic.twitter.com/incdEhLxkT
— Buffalo Bills (@buffalobills) February 27, 2017
Пукањето се случило за време на турнир во видео игри што се одржал во комплексот Џексонвил Лендинг. Станува збор за голем компмелкс за забава и шопинг сместен во центарот на градот.
Twitch livestream of Madden NFL tournament qualifier in Jacksonville broadcasts mass shooting, horrific aftermath https://t.co/kKcpNuGFRi pic.twitter.com/98FwkWMfOp
— Timothy Burke (@bubbaprog) August 26, 2018
На социјалните мрежи веќе беа објавени видео снимки на кои се слушаат рафали.
,,Турнирот е прекинат поради пукање. Заминувам и повеќе не се враќам. Имав среќа. Куршум ме погоди во палецот. Најлош ден во мојот живот”, напишал Дрини Џонг на Твитер.
До пукањето дошло во GLHF Game Bar, каде се одигрувал турнир во “Maden 19”. Еден од играчите на турнирот, Џонг Дрини, бил ранет во раката па изнесен на безбедно, соопштиле организаторите на турнирот.
Многу луѓе поради безбедност биле заклучени во ресторан, а шерифот препорачал ова подрачје да се избегнува.
DEVELOPING: Aerials show the Jacksonville Landing section of the city in Florida after authorities say multiple fatalities were reported in a mass shooting that erupted Sunday afternoon at a Madden NFL e-games tournament with one suspect dead at the scene. https://t.co/fbp4wenNXo pic.twitter.com/IbO9uMIQZ3
— World News Tonight (@ABCWorldNews) August 26, 2018
Последниве години во оваа федерална држава се случија неколку вакви инциденти. меѓу кои и пукањето во ноќниот клуб во Орландо во 2016 година и во училиштето Маџори Стонман Даглас во Паркленд во февруари оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.