Свет
(Видео) Разнесена клучна брана кај Херсон, го снабдува Крим со вода: наредена итна евакуација

Украинската јужна оперативна команда рано утринава извести дека руските сили ја разнеле хидроцентралата „Каховка“. На социјалните мрежи се споделуваат видеа од наводната експлозија и масата на вода што се прелева над остатоците од браната.
Руските власти ја демантираат информацијата и тврдат дека видеата се лажни.
„Сѐ е тивко и мирно. Ништо не се случува“, изјави за „РИА новости“ градоначалникот на Нова Каховка, Владимир Леонтиев.
#BREAKING: The moment that the Nova Kakhovka dam was blown up was purportedly captured on video. If this footage is real, it would certainly refute claims that there was no explosion. pic.twitter.com/GMaarExZEn
— Ukraine Front Lines (@EuromaidanPR) June 6, 2023
Подоцна, пак, рече дека од гранатирањето бил уништен само горниот дел од хидроцентралата, но дека браната на акумулацијата не е уништена.
„По уривањето на хидроцентралата низводно, нивото на водата порасна 2,5 метри, службите се на терен“, додаде тој.
Хидроцентралата „Каховка“ се наоѓа на пет километри од Нова Каховка во регионот Херсон. Уништувањето на браната може да резултира со смрт на илјадници луѓе, пишува руската државна агенција РИА.
Ukraine’s Southern Operational Command reported early on June 6 that Russian forces blew up the Kakhovka Hydroelectric Power Plant.
“The scale of the destruction, the speed and volumes of water, and the likely areas of inundation are being clarified,” the military said on their… pic.twitter.com/xIAEivrOTq
— The Kyiv Independent (@KyivIndependent) June 6, 2023
Леонтиев тврдеше дека евакуацијата на населението од градот не е неопходна, но дека можеби ќе треба да ги евакуираат населбите лоцирани низводно – Корсунки и Днепар, како што прецизира.
„Ќе бидеме подготвени, доколку треба, да извлечеме луѓе. Но, нема да има катастрофа“, увери тој.
Браната висока 30 метри и долга 3,2 километри е изградена во 1956 година на реката Днепар како дел од хидроцентралата „Каховка“. Содржи резервоар што го снабдува со вода Крим, кој Русија го анектира во 2014 година, и нуклеарната централа „Запорожје“, која исто така е под руска контрола.
Украинскиот претседател Володимир Зеленски ќе одржи итен состанок, објави на „Твитер“ секретарот на украинскиот Совет за национална безбедност и одбрана, Олексеј Данилов.
Руската новинска агенција „Тас“, повикувајќи се на итните служби, јавува дека 80 населени места би можеле да бидат погодени од поплави.
Оштетувањето на браната може да доведе до проблеми со снабдувањето на Крим, изјави прорускиот градоначалник на Нова Каховка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Пукање во Шведска, најмалку тројца убиени

Најмалку три лица се убиени во пукотница во фризерски салон во градот Упсала, потврди шведската полиција. Полицијата соопшти дека добила повеќе пријави од граѓани кои пријавиле истрели во близина на плоштадот Ваксала во центарот на градот.
Пукањето се случило во пресрет на Валпургиската ноќ, традиционален пролетен фестивал кој привлекува голем број луѓе на улиците секоја година. Според полицијата, неколку лица биле пронајдени со повреди што укажуваат на прострелни рани.
Shocking news from Uppsala-Sweden
Multiple fatalities in a shooting at Vaksala Square. Police confirm several injured, TV4 reports more victims deceased. Serious incident unfolding. #UppsalaShooting pic.twitter.com/nGPTd05Tmw— Niyak Ghorbani (نیاک) (@GhorbaniiNiyak) April 29, 2025
Шведските медиуми јавуваат дека маскираниот убиец избегал со електричен скутер и дека е во тек голема потрага, вклучувајќи го и учеството на полициски хеликоптер.
Голем дел од областа е ограден, а истрагата е во тек. Портпаролот на полицијата, Магнус Јансон Кларин, за локалните медиуми изјави дека добиле повеќе пријави за истрели во областа.
Идентитетите на жртвите и напаѓачот засега не се познати, ниту пак мотивот за нападот.
Европа
Пациент во Полска уби лекар среде болница, бил незадоволен од третманот

Пациент во болница во Полска, незадоволен од начинот на кој бил лекуван таму, избодел лекар кој подоцна им подлегнал на повредите, соопшти денес Министерството за здравство. Полицијата извести дека осомничениот утрината упаднал на Одделот за ортопедија на Универзитетската болница во Краков и влегол во ординацијата каде што биле докторот и неговиот пациент.
Мажот неколку пати со остар предмет го избодел лекарот, ортопедски хирург, во стомакот. Иако повеќе од 20 колеги и медицински сестри веднаш се обиделе да му пружат помош на докторот, тој им подлегнал на тешките повреди.
Обезбедувањето на болницата го совладало напаѓачот, а потоа тој е приведен.
Директорот на болницата, Марцин Једриховски, за новинската агенција ПАП изјави дека пациентот нападнал лекар во болницата каде што претходно бил лекуван бидејќи не бил задоволен од третманот, а претходно поднел жалба против болницата до омбудсманот за права на пациентите.
Сепак, инспекцијата не открила никакви грешки во методот на лекување. Полската министерка за здравство Изабела Лешчина изјави дека е згрозена од нападот.
Свет
Трамп по 100 дена: Јас ја водам земјата и светот, се забавувам одлично

По 100 дена хаос и гнев, поради што неговиот рејтинг на анкетите опадна, американскиот претседател Доналд Трамп се надева дека ќе го врати безусловното восхитување на своите поддржувачи на денешниот митинг.
За да ги одбележи симболичните 100 дена од неговиот втор мандат, републиканскиот претседател се упати кон местото на еден од неговите последни предизборни митинзи, градот Ворен во Мичиген, кој го освои на своја страна на изборите на 5 ноември.
„Првиот пат морав да направам две работи: да ја водам земјата и да преживеам. Ги имав сите тие измамници околу мене“, им рече Трамп на новинарите, осврнувајќи се на бројните министри и советници за време на неговиот прв мандат од 2017 до 2021 година. „Втор пат ја водам земјата и светот“, рече тој, уверувајќи ги новинарите на месечното списание The Atlantic дека „се забавува одлично“.
Многу од неговите гласачи му остануваат лојални. „Тој знае што прави“, изјави за АФП Карен Мајнер, раководител на винска визба во Рино, Невада.
„Досега сум многу задоволен од неговата работа“, рече Френк Туоти, пензиониран градежен работник од Њу Хемпшир, но додаде дека е „малку загрижен за економијата“. На американскиот претседател „му нема рамен, дури ни блиску“, им рече на новинарите Том Хоман, задолжен за спроведување на владината програма за масовна депортација, која, според неговите противници, ги крши основните човекови права и поделбата на властите.
Доналд Трамп, овој пат опкружен исклучиво со посветени лојални луѓе, работи речиси непречено од 20 јануари кога станува збор за царини, надворешна политика и политичка одмазда.
Портретот на поранешниот претседател Барак Обама во Белата куќа е заменет со слика што прикажува обид за атентат врз Трамп. Познат по својот раскошен вкус, Трамп натрупа позлатени украси во Овалната соба. Тестирајќи ги границите на претседателските овластувања, републиканецот досега потпиша повеќе од 140 извршни наредби.
Преку нив го доведе во прашање правото на стекнување државјанство со раѓање на територијата на САД, ги нападна универзитетите и адвокатските канцеларии, ги поништи политиките за животна средина, му го довери на својот сојузник Илон Маск намалувањето на федералната бирократија и започна протекционистичка политика, која подоцна делумно ја запре. Многу од декретите беа блокирани од судиите, со кои извршната власт влезе во невиден конфликт.
Доналд Трамп, чија политичка кариера е изградена врз продлабочувачки поделби, пишува АФП, не ја доби релативната милост што е непишано правило за првите 100 дена од претседателскиот мандат. Напротив, анкетите на јавното мислење покажуваат особено остар пад на поддршката за Трамп, поттикнат од загриженоста за царините, но и од неговите напади врз институционалниот поредок.
Според анкета објавена во неделата од „Вашингтон пост“ и „Еј-Би-Си њуз“, само 39 проценти од Американците го „одобруваат“ начинот на кој Доналд Трамп ги извршува своите претседателски должности. Шеесет и четири проценти од испитаниците веруваат дека тој отишол „предалеку“ во својот обид да ги прошири претседателските овластувања.
Невозможно е да се предвиди колку долго Трамп, кој на 78-годишна возраст стана најстариот избран претседател на Америка, ќе го одржува ова енергично темпо. Републиканецот покажува знаци на нетрпение, особено кога станува збор за дипломатски прашања, со оглед на тоа што претпочита брзи договори.
Што се однесува до војната во Украина, тој очигледно не успеа да го исполни своето предизборно ветување да го заврши конфликтот во рок од еден ден по враќањето на власт. Кога списанието „Тајм“ го праша за тоа, Трамп рече: „Луѓето многу добро знаат дека тоа беше шега“.