Свет
(Видео) Авион падна на железнички пруги, па во него удри воз – секунди претходно спасен пилотот

Авион падна на железничка пруга во Калифорнија, по што во него удри воз.
Полицијата во Лос Анџелес го извлекла пилотот од урнатиот авион „цесна“ неколку секунди пред во него да удри воз.
Plane hit by train after crashing on train tracks in California https://t.co/pzGAlhwmk9 pic.twitter.com/4YKErVDDeE
— Reuters (@Reuters) January 10, 2022
На драматично видео се гледа како неколку полицајци ослободуваат маж од соборениот авион, кој се урна веднаш по полетувањето во населбата Пакоима, објавија локалните медиуми.
Foothill Division Officers displayed heroism and quick action by saving the life of a pilot who made an emergency landing on the railroad tracks at San Fernando Rd. and Osborne St., just before an oncoming train collided with the aircraft. pic.twitter.com/DDxtGGIIMo
— LAPD HQ (@LAPDHQ) January 10, 2022
Полицијата и пилотот биле на само неколку метри од пругата кога налетал возот кој го уништил авионот, јавува „Ројтерс“.
„Авионот не успеа да полета и слета на железничката пруга на популарна раскрсница“, изјави Луис Хименез, 21-годишен композитор кој го снимил видеото.
„Само неколку секунди пред ударот, полицијата го спаси пилотот, а едно парче од остатоците за малку ќе ме погодеше“, рече тој.
Пилотот е хоспитализиран поради исеченици и модринки и е во стабилна состојба, јавуваат локалните медиуми.
Во возот нема повредени, јавуваат локалните медиуми.
Полицијата во Лос Анџелес објави видео на Твитер, на кое се гледа како полицајци извлекуваат раскрвавен пилот од авион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран: Одмаздата против Израел почна

Иран потврди дека почнал да се одмаздува против Израел, јавува државната новинска агенција ИРНА.
Иран истрела стотици различни балистички ракети кон Израел, што Техеран го опишува како почеток на својата разорна одмазда за израелските напади.
„Пред неколку моменти, со лансирање на стотици различни балистички ракети кон окупираните територии, започна операцијата на решителен одговор на варварскиот напад на ционистичкиот режим“, објави официјалната иранска новинска агенција ИРНА.
Како што јави Хаарец, израелската армија најави дека ќе се огласат сирени за воздушен напад низ целата земја и ги повика граѓаните веднаш да одат во засолништата. Тие додаваат дека повеќе од 100 ракети биле лансирани од Иран, а сирените се огласиле низ Израел.
Главниот дописник на Гардијан за Блискиот Исток, Ема Греам-Харисон, известува од Тел Авив дека над градот се слушаат бројни пресретнувања на ракети. Eксплозии одекнаа во Ерусалим, јавува „Си-ен-ен“.
Огромни облаци од чад се издигнуваат над Тел Авив, видливи над облакодерите во центарот на градот.
Чадот е толку густ што целосно се надвива над високите згради околу него.
Израелските одбранбени сили (ИДФ) потврдија дека бран ракети бил лансиран кон Израел.
„Нападот е во тек“, се вели во објавата.
Телевизијата Канал 13 известува за пожар во близина на седиштето на израелското Министерство за одбрана во Тел Авив, додека Израел Хајом јавува дека ракети паднале на седум различни локации во централниот дел на земјата.
Свет
Израел до Иран: Ако ги нападнете нашите градови, ќе возвратиме на рафинериите и лидерите на режимот

Израел му порача на Иран дека, во случај на напад на балистичка ракета врз израелски населби и цивилни цели, ќе одговори со гаѓање на иранските рафинерии и лидерите на режимот.
Како што изјави за „Канал 12“ висок израелски безбедносен функционер, Израел јасно му ставил до знаење на Техеран дека нема да толерира напади врз цивили и дека во тој случај цели ќе бидат стратешката инфраструктура и политичкото раководство на Иран.
Свет
Ројтерс: Луѓето на Трамп го предупредија Катар и неговите сојузници неколку часа пред израелскиот напад

Американскиот Стејт департмент однапред информирал неколку регионални сојузници на Блискиот Исток за планираниот израелски напад врз Иран, неколку часа пред почетокот на операцијата, тврдат тројца извори запознаени со ситуацијата, пренесува Ројтерс.
Во дипломатската нота испратена во четвртокот попладне, Стејт департментот потврдил дека израелскиот напад ќе се случи доцна во ноќта. Катар бил меѓу земјите кои го добиле предупредувањето.
Во пораката се наведува дека Вашингтон не учествувал во израелската операција ниту дал каква било поддршка. Се истакнува и дека претседателот Доналд Трамп јасно ја изразил својата желба за мир во регионот, но и цврстиот став дека на Техеран не смее да му се дозволи да развива нуклеарно оружје.
За потсетување, Израел започна бран воздушни напади низ Иран ноќта меѓу четвртокот кон петокот, тврдејќи дека погодил нуклеарни локации, ракетни фабрики и високи воени команданти, што може да биде долготрајна операција чија цел е да се спречи Иран да развие атомска бомба.
Стејт департментот не одговори веднаш на барањето за коментар.