Свет
(Видео) Полицијата растури масовна божиќна забава на плажа во Сиднеј
Австралиската интервентна полиција во Сиднеј била повикана на популарната плажа Бронте во градот за да ја запре масовната божикна забава, пренесува „Ченел 9“.
Голема толпа народ се собрала во источното предградие на Сиднеј на божикна забава. Малкумина од присутните носеле маски и не одржувале социјална дистанца, како што се гледа на снимките објавени на социјалните мрежи на австралиските медиуми.
#BREAKING: The riot squad has just been called in to break up a party on Bronte Beach, after hundreds flocked to celebrate at the location with little social distancing in sight. #9News pic.twitter.com/CUKZkkybxE
— 9News Sydney (@9NewsSyd) December 25, 2020
Областа се наоѓа на само неколку километри од северните плажи, каде што илјадници луѓе беа принудени да останат во карантин и да ги откажат своите божикни планови поради зголемениот број случаи на коронавирус.
Австралискиот ТВ-водител Џош Холт упати остри критики кон оние што учествувале во забавата и ги обвини т.н. божикни журкаџии за себичност.
I just don't get it………
Bronte Beach in Sydney today.
How can some people be this selfish when so many others are doing the right thing and sacrificing so much?
Makes me sad. pic.twitter.com/ZMY55rMruo— Josh Holt (@JoshHoltTEN) December 25, 2020
Според Министерството за здравство, Австралија регистрирала вкупно 28.262 случаи на Ковид-19 од избувнувањето на пандемијата. Бројот на починати сега изнесува 908. Земјата воведе голем број мерки за спречување на ширењето нови случаи на коронавируси, вклучувајќи социјално дистанцирање, делумен режим на ограничено движење и забрани за патување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Кина и помага на Русија да ги заобиколи санкциите
Украинскиот претседател Володимир Зеленски изјави дека Кина префрла машини за производство на оружје во Русија, повикувајќи го Пекинг да престане со таквата поддршка и да го искористи своето влијание за да ја охрабри Москва да склучи мир.
Зборувајќи на состанокот во Киев со холандскиот министер за надворешни работи Давид ван Вил, Зеленски потсети дека претходно добил уверенија од кинескиот претседател Шји Џјинпинг дека Кина нема да испорача оружје на Русија.
„Моите пораки се многу едноставни. Имавме телефонски разговори со Џјинпинг. Тој ме увери дека оружјето нема да им се продава на Русите. Сепак, гледаме дека Кина и обезбедила машини за производство на оружје на Руската Федерација.
Гледаме дека Кина помага да се заобиколат санкциите. Гледаме дека има кинески платеници кои се бореле против украинската армија“, го цитираше Зеленски украинската државна новинска агенција Укринформ.
Зеленски нагласи дека Пекинг треба да изврши притисок врз Москва да ја запре својата агресија, наместо да ги поддржува напорите што ја продолжуваат војната.
Коментарите дојдоа откако американскиот претседател Доналд Трамп изјави дека планира да разговара за војната на Русија против Украина со Џјинпинг за време на нивниот претстоен состанок во Јужна Кореја на 30 октомври.
Трамп рече дека Шји би можел да има значително влијание врз рускиот претседател Владимир Путин и додаде дека ќе го повика кинескиот лидер да престане да купува руска нафта.
Кина негираше дека ѝ обезбедува таква помош на Русија, но се соочува со зголемен надзор од Западот поради нејзината улога во снабдувањето со технологии за двојна употреба поради тековните санкции.
Фото: принтскрин
Свет
(Видео) Ураганот „Мелиса“ ја погоди Јамајка, жителите добиваат драматична порака: „Последна шанса за бегство“
Ураганот „Мелиса“, вториот најмоќен ураган во историјата на Атлантикот, ја погоди Јамајка, носејќи катастрофални ветрови и обилни врнежи од дожд. Националниот центар за урагани (NHC) издаде драматични предупредувања до жителите, повикувајќи ги веднаш да побараат засолниште.
„Мелиса“ е ураган од категорија 5, со ветрови што достигнуваат брзина од 300 км/ч и централен притисок од 892 милибари. Островот го погоди во утринските часови, а метеоролозите предупредуваат дека дождот ќе се спушти по планините како „воден лизгач“, предизвикувајќи сериозни поплави во градовите и местата.
Catastrophic flooding and storm surge from #HurricaneMelissa in Alligator Pond, Manchester, Jamaica. pic.twitter.com/GD6aOY4YGB
— Joint Cyclone Center (@JointCyclone) October 28, 2025
Јамајканската влада веќе евакуираше околу илјада луѓе и ги смести во засолништа бидејќи земјата се соочува со директен удар од една од најмоќните бури во својата историја. Министерката во кабинетот на премиерот Абка Фиц-Хенли нагласи дека се очекува значителна штета на инфраструктурата.
🌪️ 🇯🇲Impactantes imágenes desde Kingston, Jamaica muestran los estragos del huracán Melisa , que avanza por el Caribe con fuerza devastadora.
🙏 Solidaridad con las familias afectadas.#Huracan #Melissa
pic.twitter.com/JTjQQVIBdQ— Mónica Saade (@MonicaSaadeX) October 28, 2025
На жителите им беше советувано да се држат подалеку од брегот и да бараат засолниште во цврсти згради, подалеку од дрвја и надворешни ѕидови, и доколку е можно да ги заштитат главите со душек или кацига.
Првичните снимки што се појавија на социјалните мрежи покажуваат разорни налети на ветер и обилни дождови додека ураганот минува покрај копното на Јамајка. Метеоролозите предупредуваат дека ефектите од бурата ќе траат со денови, а жителите се повикуваат да бидат исклучително внимателни.
„Мелиса“ се засили и продолжува да се движи кон североисток, што значи дека другите карипски земји би можеле да го почувствуваат влијанието на ураганот во наредните часови.
Свет
Франција распореди нова верзија на интерконтинентални ракети на подморници за нуклеарно одвраќање
Франција распореди нова верзија на интерконтинентални ракети на подморници, за таканаречено нуклеарно одвраќање, објавија денес Министерството за вооружени сили и ArianeGroup.
„Третата верзија на стратешката балистичка ракета M51 (M51.3), која е лансирана од морето, влезе во оперативна употреба, што претставува голем чекор во модернизацијата на океанската компонента на француското нуклеарно одвраќање“, се вели во соопштението на министерството.
Таа ракета е опремена со нови нуклеарни боеви глави (TNO-2).
Со ова пуштање во употреба, завршува речиси 12-годишниот процес на модернизација.
„Таа ракета е поефикасна во однос на дострелот, прецизноста и способноста за пенетрација“, се додава во соопштението.
Тие ќе бидат распоредени на сите четири француски подморници со балистички ракети, од кои барем едната е сè уште скриена на дното на океанот.
Фото: принтскрин

