Свет
(Видео) Автомобили во вода, заробен маж извлечен од возилото: обилните дождови предизвикаа нови поплави и хаос во Шпанија
Само неколку дена откако катастрофалните поплави во Валенсија однесоа најмалку 217 животи, обилните дождови продолжуваат да предизвикуваат хаос во Шпанија со поплави во градовите Аликанте и Алтеа во југоисточната провинција Аликанте.
Локалните власти во Алтеа ги спроведоа првите спасувачки операции, вклучително и спасување на маж заробен во неговиот автомобил под подвозник, а локалното население и туристите беа предупредени на претпазливост и подготвеност, пренесува порталот „Јуроњуз Викли“.
#URGENTE Se registran inundaciones debido a las intensas lluvias en Altea Alicante #DANA pic.twitter.com/WO1OU999NG
— AUGC Guardia Civil 🇪🇸 (@AUGC_Comunica) November 3, 2024
Врнежите во Алтеа надминаа 28 литри на метар квадратен за само пет минути, поради што локалните власти преземаат екстремни мерки на претпазливост како забрана за пристап до области со висок ризик и апелираат до населението во Марина Баиша и Марина Алта да бидат максимално претпазливи.
This is situation in Altea #Alicante , Spain 🇪🇸 #Dana #Valencia #Inundacion pic.twitter.com/2Z4FT3ZvPd
— Weather monitor (@Weathermonitors) November 3, 2024
Лошото време во овие делови на Шпанија е продолжение на метеоролошкиот феномен „ДАНА“, кој најчесто се јавува на почетокот на есента или на крајот на пролетта како изолирана бура на високи атмосферски нивоа формирана под влијание на студениот воздух во Медитеранот.
🔴FENÓMENOS🔴
La DANA continúa provocando estragos en la Comunidad Valenciana; en esta ocasión en Altea, en Alicante. La localidad registra varias inundaciones y ya se han producido los primeros rescates.⚠️La acumulación de agua ha comenzado esta tarde, mientras la Agencia… pic.twitter.com/VDq6UcQ5X7
— Jean Suriel (@JeanSuriel) November 3, 2024
Претходно денеска, хаотично беше и во Барселона, каде што беше потопена главната зграда на аеродромот, а од таванот течеше вода додека патниците ги соблекуваа чевлите и боси одеа кон излезот.
Шпанија беше погодена од смртоносни поплави во кои загинаа најмалку 217 луѓе, а Валенсија беше најпогодена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лавров: Русија е подготвена да даде гаранции за ненапаѓање на земјите членки на НАТО и ЕУ
Рускиот министер за надворешни работи, Сергеј Лавров, изјави дека Москва е подготвена да им даде на земјите членки на НАТО и Европската унија гаранции за ненапаѓање, нагласувајќи дека Русија нема намера да нападне ниту една од нив.
„Повеќепати сме порачале дека немаме намера да нападнеме ниту една сегашна членка на НАТО или ЕУ,“ рече Лавров на Евроазискиот безбедносен форум во Минск, додавајќи дека овој став може да биде дел од идните безбедносни гаранции за регионот.
Тој ги повтори критиките кон западните земји, обвинувајќи ги дека одбиваат вистински колективни безбедносни договори со Русија.
Лавров оцени дека дијалогот со лидерите на ЕУ е невозможен, бидејќи тие не прифаќаат заеднички безбедносни гаранции „со Русија, туку само против Русија“.
Свет
(Видео) Американските сили убиле 14 лица во напад на бродови со дрога во Пацификот
Американските сили убиле 14 лица во напади на четири пловила во Пацификот за кои се сомнева дека превезувале дрога, потврди американскиот министер за одбрана Пит Хегсет. Едно лице преживеало и било спасено од мексиканските служби.
Според Би-Би-Си, нападите во источниот Пацифик се извршени во понеделник по наредба на претседателот Доналд Трамп и претставуваат ескалација во акциите против трговците со дрога.
U.S. Secretary of Defense Pete Hegseth has announced that yesterday, October 27, 2025, at the direction of President Donald J. Trump, the United States Armed Forces carried out a series of strikes against four vessels alleged to be trafficking drugs in the Eastern Pacific. As a… pic.twitter.com/P9HPfXE6UD
— OSINTdefender (@sentdefender) October 28, 2025
Хегсет изјави дека четирите бродови биле познати на разузнавачките служби и се движеле по познати рути на шверц со дрога, нарекувајќи ги убиените „нарко-терористи“.
Свет
Путин воведе нови правила за мобилизација
Државната дума во последното читање усвои закон со кој драстично се менува системот на воена регрутација, воведувајќи целогодишна регрутација наместо претходните два брана – пролет и есен. Измените на законите „За воена регрутација и воена служба“ и „За алтернативна државна служба“ го предвидуваат овој премин, објавува рускиот инфо24.
Според новите правила, регрутирањето на граѓани за задолжителна воена служба ќе се врши од 1 јануари до 31 декември.
И покрај ова, како што пишуваат руските медиуми, испраќањето регрути во единиците ќе задржи сезонски карактер и ќе се одвива двапати годишно: од април до јули и од октомври до декември. Законодавците наведуваат дека целта на овие мерки е рамномерно да се распредели товарот врз воените служби и да се подобри квалитетот на кампањата за регрутирање.
Законот, исто така, предвидува дека регрутот мора да се јави во воената канцеларија во рок од 30 дена од објавувањето на повикот во регистарот. Усвоените измени стапуваат во сила веднаш по нивното официјално објавување.
Оваа промена доаѓа во време кога есенската регрутација оваа година, во која беа регрутирани околу 160 илјади луѓе, е најголема во последните девет години.
Андреј Картаполов, претседател на Комитетот за одбрана на Државната дума, објасни дека причината за ова е недостатокот на регрути собрани за време на пролетниот циклус.

