Свет
(Видео) Американец мислел дека ќе умре, ги затворил очите и предизвикал страотен верижен судир
Рогел Лазаро Агилера Медерос мислел дека ќе умре и ги затворил очите пред неговиот камион да удри во колона возила, со што предизвикал верижен судир во Колорадо во кој загинале четири лица, соопштија локалните власти, а пренесе Си-ен-ен.
Камионот на 26 април предизвикал верижен судир во кој учествувале околу 28 автомобили и камиони долж автопат во близина на Денвер.
Агилера-Медерос (23) сега се суди по четири точки за убиство предизвикано во сообраќајна несреќа. Тој се појави на суд во саботата, кога беше овозможена кауција од 400 илјади долари.
Инспекторите од случајот изјавија дека Агилера-Медерос кажал оти возел со брзина од 137 километри на час, во моментот кога откажале сопирачките на камионот. Се обидел да сврти настрана за да ја избегне колоната возила, но таму веќе имало друг камион.
„Агилера-Медерос мислел дека со сигурност ќе умре и ги затворил очите пред да удри во колоната возила“, се вели во извештајот на полицијата.
Во трагичната сообраќајна несреќа загинаа: Харисон Дојл (61), Вилијам Бејли (67), Мигел Анхел Ламас Арелањо (24) и Стенли Политано (69).
Властите соопштија дека нема докази оти Агилера-Медерос за време на несреќата бил под влијание на дрога или алкохол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.