Свет
(Видео) Американците тестираа проектил кој може да стигне до Москва и Пекинг за 30 минути

Соединетите Американски Држави лансираа невооружена интерконтинентална балистичка ракета вчера рано наутро од вселенската база Ванденберг во Калифорнија. Тоа е првото од двете пробни лансирања планирани за оваа недела, пренесува Си-би-ес.
Командата на воздухопловните сили објави видео и фотографии од ракетата Minuteman III додека лета на небото северно од Санта Барбара.
Во соопштението за печатот се наведува дека пробната програма за лансирање е дизајнирана да ја „потврди безбедноста, ефективноста и подготвеноста на системот за оружје“. Minuteman III патувал преку 6.400 километри со брзина поголема од 24.000 километри на час до Маршалските Острови во централниот дел на Пацификот.
Air Force Global Strike Command launched an unarmed Minuteman III intercontinental ballistic missile to “showcase the readiness of U.S. nuclear forces” 👀
I haven’t seen this video narrated by U.S. Space Force Senior Airman Kadielle Shaw shared much — but it’s very well done: pic.twitter.com/M3j1JOJiB6
— Ian Ellis (@ianellisjones) June 5, 2024
„Ова пробно лансирање го означува почетокот на несекојдневната недела за нашите воздухопловци во Ванденберг, со две планирани пробни лансирања од западниот полигон“, рече полковникот Брајан Титус, заменик-командант на воената единица Space Launch Delta 30.
„Овие тестови се од огромно значење не само за одбраната на нашата нација туку служат и како клучен момент во прикажувањето на исклучителните способности и експертиза на нашиот посветен тим“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Детали за пукањето во училиштето во Грац: најмалку осум загинати, телото на напаѓачот пронајдено во тоалетот

Најмалку осум лица се убиени во пукотница во училиште во австрискиот град Грац.
Тамошните медиуми јавуваат дека бројни полициски единици, вклучувајќи ја и специјалната единица „Кобра“, биле распоредени на местото на пукотницата, која започнала околу 10 часот наутро.
Телото на напаѓачот е пронајдено во тоалетот
Graz:🕯Zahl der Toten steigt auf 11
Wie die 16-jährige Schülerin AUF1 exklusiv mitteilte, ist die Zahl der Toten auf elf gestiegen, so ein Rettungssanitäter gegenüber dem Mädchen. Schwerverletzte werden per Rettungshubschrauber in umliegende Krankenhäuser gebracht. Laut Polizei… pic.twitter.com/n2vGn8cLAb
— AUF1 (@AUF1TV) June 10, 2025
Ранетите се евакуираат со полициски хеликоптери.
Една наставничка се забарикадирала со своите ученици во училницата за да ги спаси, пишуваат медиумите во Австрија.
Според австрискиот „Курир“, напаѓачот си го одзел животот, а неговото тело е пронајдено во училишниот тоалет.
Полицијата не ја исклучува можноста друг напаѓач да учествувал во масакрот. Штаерската полиција потврди дека во нападот биле употребени неколку оружја, но деталите засега не се познати.
Јавноста е предупредена дека областа на училиштето не е безбедна.
Денешната пукотница се случи во пресрет на десетгодишнината од пукотницата во Грац на 20 јуни 2015 година. Тогаш беа убиени три лица.
Свет
(Видео) Пукање во училиште во Грац, има загинати: напаѓачот пукал во две училници

Грац, Австрија, моментално е под опсада по пукање во училиште, јавуваат светските агенции.
Локалните медиуми јавуваат дека има загинати.
BREAKING – The death toll has climbed to 8 in the school shooting in Graz, Austria, according to a report by Kronen Zeitung. https://t.co/RRHYhJJcn5 pic.twitter.com/3HHwHyLCf9
— Vanguard Intel Group 🛡 (@vanguardintel) June 10, 2025
Во Грац моментално е во тек голема полициска операција по нападот во училиште во градскиот округ Ленд. Досега се потврдени пет смртни случаи, јавува Krone.
Австриската станица ORF објави дека речиси еден час е во тек голема полициска операција, по пукањето.
Портпаролот на полицијата, Фриц Грундниг, изјави за ORF дека може да има жртви, додека ORF, исто така, јавува дека се верува дека осомничениот напаѓач извршил самоубиство.
Според полицијата, акцијата започнала околу 10 часот наутро. Наводно се слушнале истрели во училиштето, што полицијата го потврди. Потоа е вклучен алармот. Зградата моментално темелно се пребарува, според написите во светските медиуми.
Регион
Пожар во затвор во Сплит, неколку затвореници хоспитализирани

Неколку затвореници се повредени во пожарот во сплитскиот затвор Билице, кој е изгаснат, соопшти денес Сплитскиот противпожарен оперативен центар.
Како што е наведено, затворскиот персонал го изгаснал пожарот што избувнал синоќа, а пожарникарите ги евакуирале затворениците, од кои неколку побарале медицинска помош поради вдишување чад и биле пренесени во сплитската болница.
„Добивме дојава за пожар во една од ќелиите на затворот околу 21:30 часот, а по пристигнувањето на пожарникарите затворскиот персонал веќе го изгаснал пожарот во најголем дел, а пожарникарите веднаш ги евакуирале затворениците“, изјавиле за Хина од Противпожарниот центар.