Свет
(Видео) Апсења во Отава поради нелегални демонстрации
Полицијата во Отава уапси 23 лица на, како што се вели, нелегални демонстрации организирани од камионџии и други возачи кои се противат на задолжителната вакцинација против Ковид-19.
Возачите бараат укинување на задолжителните вакцини за сите што ќе ја преминат канадско-американската граница.
Канадскиот главен град сè уште е блокиран од стотици возила од таканаречениот „конвој на слободата“, кој се спротивставува на епидемиолошките мерки, додека организаторите на протестот свикаа состанок со сите федерални политички лидери, пренесуваат медиумите.
Заменик-началникот на полицијата во Отава, Стив Бел, изјави за новинарите дека полицијата имобилизирала многу тешки возила вклучени во блокадата и пронашла деца во четвртина од 418-те камиони кои протестираат во центарот на градот.
Полицијата изрази загриженост за нивната здравствена состојба поради студ, бучава, ризик од јаглерод моноксид и напад.
Во исто време, затворени се најфреквентните гранични премини меѓу Канада и Соединетите Американски Држави, бидејќи канадските камиони ги блокираа сите премини во знак на протест против ковид-мерките на владата за контрола на пандемијата на коронавирусот.
Канадскиот премиер Џастин Трудо се појави во јавноста во вторникот за првпат по повеќе од една недела откако беше заразен со коронавирусот и нареди да престанат протестите.
Тој остро ја осуди тактиката на демонстрантите, наведувајќи дека поединци се обидуваат да ја блокираат економијата на земјата и секојдневниот живот на нивните сограѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.