Свет
(Видео) Бајден одржа говор за состојбата на нацијата: Путин нема да застане на Украина
Американскиот претседател Џо Бајден синоќа изјави дека демократијата е загрозена и го нарече ставот на поранешниот претседател Доналд Трамп за НАТО неприфатлив, во обраќањето за состојбата на Унијата дизајнирано да ја спротивстави неговата визија за Америка и светот со онаа што ја застапуваше неговиот претходник и најверојатно противник во ноември на претседателски избори.
Бајден (81), говорејќи на заедничката седница на Претставничкиот дом и Сенатот, го започна своето обраќање со директно критикување на Трамп за неговиот повик до рускиот претседател Владимир Путин да ги нападне земјите од НАТО кои не трошат доволно за одбрана.
„Сега мојот претходник, поранешен републикански претседател, му вели на рускиот претседател Владимир Путин, цитирам: „Прави што сакаш“, рече Бајден. „Мислам дека тоа е безобразно, опасно и неприфатливо“.
Бајден ги истакна заканите за демократијата што ги поставува Трамп додека поранешниот претседател повторува лажни тврдења за неговата загуба на изборите во 2020 година. Доналд Трамп вети дека ќе се „одмазди“ за неговиот пораз во 2020 година, кој никогаш не го признал, а правните дејствија против него се натрупуваат.
Поранешниот претседател најави дека во живо ќе ги коригира зборовите на Бајден.
Во својот говор за состојбата на Унијата, Џо Бајден рече дека „слободата и демократијата се загрозени“. „Никогаш нашата слобода и демократија не биле во таква опасност во нашата земја како што се денес“, рече тој.
Бајден и Трамп победија на прелиминарните избори на нивните партии за претседателските кандидати во „Супер вторник“, па извесен е историски реванш на изборите на 5 ноември и покрај ниското ниво на поддршка за двајцата кандидати.
Анкетите на јавното мислење покажуваат дека Бајден (81) и Трамп (77) се во многу тесна трка.
Во говорот, Бајден повторно побара од Конгресот да ја поддржи Украина да го „запре Путин“ во неговата инвазија, обвинувајќи го Трамп дека „му се покорува“.
„Можам да ве уверам дека Путин нема да застане на Украина. Но, Украина може да го запре Путин ако ја поддржиме и го обезбедиме оружјето што и е потребно за да се одбрани“, рече тој, повикувајќи го Конгресот да дозволи помош за Киев, која е замрзната со месеци поради партиски судири меѓу демократите и републиканците.
„Тоа е сè што бара Украина. Таа не бара американски војници“, нагласи тој, мислејќи на неодамнешните зборови на францускиот претседател Емануел Макрон за евентуалното распоредување на војници.
Тој нагласи дека во Украина нема американски војници и „ве уверувам дека така ќе остане“. Макрон неодамна изјави дека западните сојузници не треба да исклучат каква било опција за спречување на руската победа во Украина, иако истакна дека сè уште нема консензус за тоа. „Историјата не набљудува“, рече Бајден повеќе пати.
Официјалното обраќање пред двата дома на американскиот Конгрес традиционално му дава можност на американскиот претседател да зборува за состојбата на земјата и приоритетите за иднината.
Бајден ги истакна неговите разлики со Трамп за демократијата, правата на абортусот, имигрантите и економијата за време на говорот што демократите го гледаат како главна можност за претседателот да добие поддршка за втор мандат пред телевизиската публика од милиони Американци.
Зборувајќи за тековната војна во Газа, Бајден повика на итен шестнеделен прекин на огнот и го предупреди Израел дека прашањето за хуманитарната помош за Газа „не може да биде второстепено прашање или договор за преговарање“.
Тој, исто така, го информираше Конгресот дека и наредил на американската војска да основа вештачко пристаниште во Газа за да испорача поголема хуманитарна помош на опколената палестинска територија.
Бајден, исто така, го поздрави приемот на Шведска во НАТО, „најсилниот воен сојуз што светот некогаш го видел“.
Шведска се приклучи на НАТО вчера во Вашингтон, две години откако руската инвазија на Украина ја принуди да ја преиспита својата национална безбедносна политика и да заклучи дека влезот во НАТО е подобар гарант за безбедноста од традиционалната политика на неутралност.
Шведскиот премиер Улф Кристерсон, кој беше присутен на говорот на Бајден, вчера и ја предаде конечната документација на американската влада, што беше последен чекор во долгиот процес за влез во НАТО, кој требаше да биде одобрен од сите членки на воената алијанса.
Претседателот Бајден, исто така, го осуди укинувањето на федералната гаранција за абортус, ветувајќи дека ќе ја врати таа заштита доколку Американците изберат Конгрес со „право на избор“.
Тој, исто така, рече дека „нема да ги демонизира“ мигрантите како што тоа го направи Трамп, повикувајќи го Конгресот да усвои нацрт-закон за контрола на границите.
„Нема да ги демонизирам мигрантите велејќи дека ја ’трујат крвта на нашата земја’“, нагласи тој, осврнувајќи се на неодамнешните изјави на Доналд Трамп, но не именувајќи го. „Можеме да разговараме за границата или можеме да го решиме проблемот“, рече тој.
Одговарајќи на критиките на гласачите поради неговата возраст, Бајден рече: „На моја возраст, некои работи стануваат појасни од кога било“.
Во говорот што траеше нешто повеќе од еден час, Џо Бајден рече дека под негово водство, Америка го доживеа „најголемото закрепнување“ по пандемијата на Ковид-19, која ја фрли на колена најголемата светска економија.
„Наследив економија која беше на работ на колапс. Сега на нашата економија буквално ѝ завидува целиот свет. За три години се отворени 15 милиони работни места, тоа е рекорд. А стапката на невработеност е најниска во последните 50 години“, рече тој и заклучи дека тоа ја оцртува „иднината полна со ветувања“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мистеријата за претепаната Украинка: Полицијата тврди дека паднала, но постојат сомнежи дека била на настрана забава за ултра богати
Голем број на влијателни лица и уметници објавија дека се обиделе да бидат намамени на забави со сексуални активности
Расте загриженоста за ‘porta potty‘ забавите откако украинската манекенка oд „Онли фанс“ беше пронајдена фрлена на страна од патот во Дубаи со ужасни повреди, пишува „Мејл Онлајн“.
Марија Ковалчук (20) на пријателите им кажала дека на 9 март била поканета на забава во хотелот пред да исчезне. Десет дена по нејзиното исчезнување, покрај патот била пронајдена претепаната и крвава со скршени екстремитети и кичма.
Се верува дека Марија, која подоцна била итно пренесена во болница и подложена на низа операции, наводно присуствувала на забава наречена ‘porta potty‘, пишува „Мирор“. Ова е таканаречечен настан каде што женските инфлуенсерки се енормно платени да вршат понижувачки сексуални дејствија. Интернет гласините за влијателни луѓе кои летаат во Дубаи за да присуствуваат на овие бизарни забави кружат повеќе од една година. Форуми на „Редит“ се отворени на оваа тема, со корисници кои разговараат за наводните настани, вклучително и гласини дека учесниците мораат да потпишат договори за тајност. Според „Њујорк Пост“, на интернет ѕвездите, моделите и актерките може да им се платат дури 100.000 долари за исполнување на желбите на ултрабогатите мажи.
Марија била на забавата со двајца мажи кои се претставиле како претставници на манекенскиот бизнис, пишуваат украинските медиуми. Според она што е познато, организаторите привлекуваат влијателни лица на такви забави.
„Добивме голем број поплаки од инфлуенсери и уметници кои беа поканети во Дубаи на настапи и настани само за да бидат намамени на забави каде што се очекувало да се вклучат во сексуални активности“, вели Стирлинг, извршен директор на компанија која им помага на клиентите да се движат низ правниот систем на Обединетите Арапски Емирати. Таа, исто така, објасни дека законите за секс надвор од брак во Обединетите Арапски Емирати биле олабавени во 2022 година, а некои поединци ја користат оваа промена.
„Жените треба да бидат свесни дека можат да се соочат со тешки, па дури и опасни ситуации, а ако се работи за оженет маж, може да бидат обвинети за прељуба“, рече таа. Откако беше пронајдена Марија, нејзината мајка Ана долетала од Норвешка и изјавила дека девојката се лекува и дека се ќе биде во ред.
Во исто време, како што пренесува „Мејл Онлајн“, полицијата во Дубаи соопшти дека обемната истрага открила дека Марија претрпела сериозни повреди откако сама влегла на забрането градилиште и паднала од височина. Рускиот весник „Шот“ објави дека семејството на несреќната девојка ја оспорило полициската изјава бидејќи сметаат дека информациите за нејзиното паѓање од градилиштето се лажни. Друг руски медиум, објави дека Марија била во неразбирлива хистерија пред нејзиното исчезнување. Во моментот на нејзиното исчезнување, Марија требало да биде на забава со двајца мажи кои се претставиле како вработени во манекенскиот бизнис, пишуваат неколку украински медиуми. Таа и рекла на мајка си дека ќе преноќи со нив, но потоа исчезнала. Бидејќи резервирала лет за Тајланд кој тргнал од Дубаи на 11 март, но не се појавила на аеродромот, нејзиното семејство и пријатели ја известиле полицијата.
„Постои претпоставка дека отишла на забава. Но, промоторот што ги организирал тие забави не ја видел. Марија на крајот беше пронајдена во болница во тешка состојба. Таа нема документи, нема телефон, ништо. Таа претрпе четири операции и не може да зборува“, рече нејзината мајка.
Пријателката на Марија, руската манекенка Анџелина Дорошенкова (31) изјави дека сите се надеваат на најдоброто и дека се многу благодарни на сите што учествувале во потрагата и помогнале со информации. Анџелина поминувала време со Ковалчук во Дубаи и наводно била поканета на истата забава на 9 март, но на крајот одлучила да се врати во Русија неколку дена порано.
Свет
(Видео) Хорор на Флорида: Возач на автобус се расправал со патниците, па почнал да пука, има мртви
Пукање се случи утрово во автобус за транзит на округот Мајами-Дејд пред трговски центар.
Службениците добиле повик од службата за брза помош околу 3 часот по полноќ.
Инспекторите соопштија дека возачот на автобусот влегол во вербална расправија со патниците.
За време на расправијата, возачот извадил пиштол и застрелал двајца патници, кои биле пренесени во болница во критична состојба, па починале од повредите.
Shooting on Miami-Dade Transit bus in Miami Gardens kills 2. #Florida
Driver argued with passengers, opened fire around 3 a.m. Sunday.
Victims died at hospital. Driver detained, charges unclear.
Investigation ongoing at shopping plaza crime scene. Motive and passenger… pic.twitter.com/M1ZwaIJDZn
— GeoTechWar (@geotechwar) March 30, 2025
Сè уште не е јасно што ја предизвикало расправијата што довела до пукањето.
Возачот на автобусот е приведен во полиција.
Свет
(Видео) Чистач на прозорци виси од облакодер кога удира земјотресот, се излева и вода од базенот
Разорниот земјотрес со јачина од 7,7 степени според Рихтеровата скала го погоди Мјанмар пред два дена, а беше почувствуван и во Тајланд.
На интернет кружат различни видеа од тие области, а едно од нив го покажува можеби најголемиот страв што човек може да го доживее.
Снимката покажува човек како ги чисти прозорците на облакодер кога земјотресот го погодува Бангкок.
Ситуацијата дополнително се влошила кога поради потресите почнала да се излева вода од базенот на врвот на облакодерот.
OMG, we are living in a movie!
This was in Bangkok during yesterdays M7.7 earthquake that hit Myanmar.
That poor window cleaner 😱
I thought it was Ai but apparently it isn’t. pic.twitter.com/fqhPF6pAVH
— Volcaholic 🌋 (@volcaholic1) March 29, 2025
Сигурно ги доживеа најтешките секунди од животот кои никогаш нема да ги заборави. За среќа, зградата не е урната.
На интернет вирално е уште едно видео, на кое пак може да се види базен кој почнува да се излева за време на потресот.
Иако епицентарот бил во Мјанмар, земјотресот бил толку силен што облакодер во Тајланд се урнал за неколку секунди.
Американскиот геолошки институт предвидува дека бројот на загинати од овој земјотрес би можел да надмине 10.000.
Владата на Мјанмар прогласи вонредна состојба во шест региони и апелираше за меѓународна помош. Земјите како Кина, Русија и Индија, како и организации како Обединетите нации, веќе ветија поддршка за напорите за спасување и обнова.
Христијан Стојанов е уште едно младо момче што влезе во „Пулс“ за да спасува луѓе: „Обезбедувањето ни помогна многу“
Осумнаесетгодишниот Христијан Стојанов е уште еден херој од трагедијата во дискотеката „Пулс“ во Кочани, кој не размислувајќи за сопствениот живот...
Подобрена е состојбата кај двајца пациенти кои се лекуваат во Солун, од интензивна нега преместени се на пластика
Министерството за здравство информира дека нема промени во бројот на хоспитализирани пациенти од вчера, во Скопје вкупно се лекуваат 16...
Oсмани и Адеми во посета на семејството на Бектеши за Бајрам: „Неправедно е обвинет, ја имате нашата поддршка“
Поранешниот министер за здравство Бујар Османи и портпаролот на ДУИ, Арбер Адеми, за Рамазан Бајрам го посетија семејството на ексминистерот...
„Не пројдоа ни 40 дена од трагедијата“ – Мицкоски смета дека е рано да се размислува за градоначалник на Кочани
Премиерот Христијан Мицкоски смета дека рано е да се размислува за заеднички кандидат за градоначалник на Кочани, по информациите дека...
Планинарката Ивона која загина во пожарот е ќерка на единствената пожарникарка во Кочани, колегите тагуваат
Дваесет и едногодишната Ивона Антова – планинарка која загина во дискотеката „Пулс“ во Кочани, е ќерка на единствената жена пожарникар...
Прво сведоштво на Костадинов за пожарот: Се измокрив со црево и влегов низ прозорецот кај билетите, ги вадевме луѓето еден по еден
Со маса го скршив прозорецот и со цревото прскавме вода внатре. Вака 19 годишниот Јован Костадинов кој спаси 21 живот...
Попладнево пороен дожд, грмежи и ветер, најавија метеоролозите
Времето денес ќе биде променливо облачно со повремени врнежи од дожд. Попладне, наместа ќе биде нестабилно со пороен дожд, појава...
Деца од Битола принудувале врснички сексуално да ги задоволуваат, имале компромитирачки материјали
Деца од Битола принудувале врснички полово да ги задоволуваат, заканувајќи им се со компромитирачки материјали кои ги поседувале. Случајот во...
(Видео) Кочани, Кочани… емоции на првиот фудбалски натпревар во градот по трагедијата
Денеска беше одигран првиот фудбалски натпревар во Кочани по трагедијата со пожарот во дискотеката „Пулс“. Мечот се одигра помеѓу тимот на...
Влошена е состојбата кај двајца критични пациенти кои се лекуваат по пожарот, информира Таравари
Влошена е состојбата кај двајца пациенти кои се лекуваат по пожарот во дискотеката „Пулс“ во Кочани. Вкупно четворица се во...
(Видео) Пиротехниката во затворен простор ќе се најде пред пратениците, се менува Законот
Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред...
Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата
Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра...
(Видео) Шукова: Можеби храната што ја јадеме е под ризик порди излевањето во Крива Река
Се’ што се продава на пазарите во Скопје, Куманово, Паланка, Велес и другите градови, се наводнува од Вардар, Пчиња, Крива...
Филип беше ураган од љубов – во Штип се одржа комеморација за музичарот Стевановски кој загина во пожарот
Во Штип се одржа комеморацијата за директорот на штипскиот центар за култура „Ацо Шопов“, Филип Стевановски, кој тагично го загуби...
Утре еден час помалку спиење – во два по полноќ почнува летното сметање на времето
Вечерва, сабота кон недела, почнува летното сметање на времето. Тоа значи дека стрелките на часовникот во два часот наутро на...
Зеленски: Американците целосно го сменија договорот, чекаме правна анализа
Украинскиот претседател, Володимир Зеленски, рече дека Украина нема да прифати никаков договор за минералните суровини што ќе ја загрози нејзината...
OJO: Поднесено обвинение за тешката сообраќајна несреќа со смртни последици на „Партизанска“
По целосно спроведена истражна постапка, Основното јавно обвинителство Скопје поднесе обвинителен акт против едно лице што се товари за тешки...
Четворицата лидери на „Влен“ вечерва ќе одат на ифтарска вечера кај Аљбин Курти, Таравари вели дека ќе разговараат и за локалните избори
За претстојните локални избори, како и за сите актуелни теми во земјата и во регионот, вечерва, на ифтарска вечера кај...
Денес, осум пациенти од Скопје се пуштаат дома, од странство се враќаат уште девет
Министерот за здравство, Арбен Таравари, информира дека во моментот во установите во Скопје се хоспитализирани 22 пациенти, сите стабилни и...
Измамници оштетија струшко семејство: им понудиле донации за болниот син, па подигале брзи кредити
Двајца измамници излажале сопружници од Струга дека ќе собираат пари за лекување на нивниот болен син и им ги зеле...
