Свет
(Видео) Бајден положи заклетва: Победи демократијата

„Ова е ден на Америка, ден на демократија. Денес го славиме триумфот не на кандидатот, туку на пораката. Се слушна волјата на народот, надвладеа демократијата“, порача новиот претседател на САД, Џо Бајден на инаугурацијата. Тој вечерва положи заклетва, со што стана новиот претсeдaтал на САД. Претходно положи заклетва и Камала Харис, која стана првата жена потпретседател во историјата на САД.
„Тука, каде насилството се обиде да преовлада пред неколку недели, победи демократијата, порача Бајден. Според него, многу работи треба да се направат и многу работи треба да се поправат. „Вирусот однесе повеќе американски животи за една година отколку целата Втора светска војна. Економијата е во криза, изгубени се милиони работни места“, порача тој.
HISTORY MADE: Kamala Harris, the child of immigrants, takes the oath of office to serve as Vice President of the United States — becoming the first woman, first Black American, and first South Asian American to do so pic.twitter.com/1tcsAEeKtb
— NowThis (@nowthisnews) January 20, 2021
„Ние мора да се бориме против домашниот тероризам, супрематизмот на белите … Мојата душа е целосно посветена на обединување на нашиот народ, во обединување на нашата Америка, во борба против целиот екстремизам. Знам дека силите што се обидуваат да нè разделат се вистински и силни. Но, знам дека нашата нација отсекогаш била пред искушение, битката е вечна и победата никогаш не е сигурна. Но, нашите ‘подобри ангели’ отсекогаш победувале. Можеме тоа да го направиме и сега, заедно. Можеме да се гледаме едни со други не како противници, туку како соседи“, додаде тој. Според Бајден, без единство нема нација, само состојба на хаос.
Летовите за Вашингтон беа прекинати сè додека Бајден не положи заклетва. Ова е прва церемонија во поновата историја на која не присуствуваа претседателот и првата дама во заминување.
Бајден положи заклетва како 46-ти претседател на САД. За разлика од претходните церемонии, традиционални говори и настапи, годинава инаугурацијата поради пандемијата со Ковид-19 и безбедносните предизвици, се одржа пред пред мала и физички оддалечена публика, со заштитни маски и во буквално затворен град, со огромни присуство на полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Трамп: Путин не беше задоволен што дојде во САД, тоа беше неговата голема отстапка, му благодарам

Американскиот претседател Доналд Трамп денес на прес-конференцијата во Белата куќа изјави дека рускиот лидер Владимир Путин не е задоволен што доаѓа во САД, но дека потегот е голема отстапка. „Путин не беше задоволен што дојде во САД. Тоа беше голема отстапка и му се заблагодарувам за тоа“, рече Трамп.
Тој додаде дека ги продолжил разговорите со рускиот претседател по состанокот во Алјаска.
President Trump:
Putin wasn't happy about coming to the United States. That was a big concession, and I appreciate the fact that he did. pic.twitter.com/OGD1LG8aVV
— Anton Gerashchenko (@Gerashchenko_en) August 25, 2025
„Да, сум го направил тоа“, одговори тој кога новинарите го прашаа дали повторно го контактирал Путин.
„Секој разговор со него е добар разговор. А потоа, за жал, бомба паѓа врз Киев или некаде на друго место и многу се лутам“, рече Трамп.
Потпретседателот на САД, Џ.Д. Венс, вчера изјави дека Русија направила „значајни отстапки“ кон евентуален мировен договор.
„Тие препознаа дека нема да можат да инсталираат марионетски режим во Киев“, рече Венс во емисијата „Meet the Press“ на NBC. Тој додаде дека Москва, исто така, ја прифатила идејата за безбедносни гаранции за Украина од идна агресија.
И покрај ова, извори минатата недела за Ројтерс изјавиле дека Путин сè уште бара Украина да го предаде целиот Донбас, да се откаже од членството во НАТО, да остане неутрална и да не дозволи западни трупи да бидат распоредени на нејзина територија, во замена за прекин на офанзивата. Рускиот министер за надворешни работи Сергеј Лавров рече дека безбедносните гаранции треба да бидат надгледувани од група земји, вклучувајќи ги и постојаните членки на Советот за безбедност на ОН.
Минатиот петок, по разговорите со Путин во Алјаска и самитот во Белата куќа со Зеленски и европските лидери, Трамп се закани со нови санкции против Русија ако не се постигне напредок во рок од две недели.
„Тој се обидува јасно да стави до знаење дека Русија може да се врати во светската економија ако го запре убивањето, но ќе продолжи да биде изолирана ако не го стори тоа“, рече Венс.
Потпретседателот ја наведе како пример неодамнешната одлука на Трамп да воведе дополнителни тарифи од 25 проценти на индиските стоки за купување руска нафта, истакнувајќи дека тоа е модел на економска моќ што може да се користи и против Москва.
Фото: принтскрин
Свет
Макрон: Израелските напади врз болница во Газа не можат да се толерираат

Францускиот претседател Емануел Макрон денес изјави дека израелските напади врз болница во Газа, кои предизвикаа смрт на цивили и новинари, се неприфатливи.
Макрон напиша на платформа X дека цивилите и новинарите мора да бидат заштитени во сите околности.
„Медиумите мора да можат слободно и независно да ја извршуваат својата мисија да известуваат за конфликти“, рече Макрон, повикувајќи го Израел да го почитува меѓународното право.
Тој истакна дека целта е да се постигне траен прекин на огнот во Појасот Газа, ослободување на сите преостанати заложници што ги држи Хамас и разоружување на таа палестинска милитантна група, како и испорака на хуманитарна помош во Газа.
Палестинските здравствени претставници објавија дека најмалку 20 лица се убиени во израелскиот напад врз болницата Насер, вклучувајќи пет новинари, спасувачи и здравствени работници, пренесува Танјуг.
Фото: принтскрин
Свет
Сакс: Европа треба да ги нормализира односите со Русија

Европските земји треба да ги нормализираат односите со Русија, што е во согласност со нивните национални интереси, изјави Џефри Сакс, директор на Центарот за одржлив развој на Универзитетот Колумбија во Њујорк.
„Ѝ реков на Европа: обединете се дипломатски и водете нормална дипломатија со Русија. Разговарајте, преговарајте и не зависете од САД, кои имаат сосема различни интереси, во овој поглед“, рече Сакс во интервју за „Хиндустан Тајмс“.
Сакс истакна дека Европа, особено Германија, има успешно искуство во економските односи со Русија.
„По 1991 година, Русија ја снабдуваше Германија со јаглеводороди, што му овозможи на Берлин да ја изгради својата тешка индустрија. Сепак, германската енергија повеќе не е во предност“, рече Сакс.
Според него, постојат бројни причини за европската политика на конфликт со Москва, од кои главната е што САД активно манипулираа со политичката средина во Европа со децении и сакаа да ја ограничат соработката на европските земји со Русија.
„Вториот фактор е моменталната русофобија. Сите мислат дека Русија ќе ја нападне Европа, што е најапсурдна идеја“, вели Сакс.
Тој додаде дека ваквите загрижености само ја зголемуваат зависноста на европските земји од американската воена помош.
Претседателот на Финска, Александар Стуб, претходно изјави дека во Европа се водат преговори за потенцијално продолжување на комуникацијата со Русија.
Унгарскиот премиер Виктор Орбан ги покани лидерите на европските земји, првенствено Германија и Франција, да одржат самит со Русија.
Министерот за надворешни работи на Шпанија, Хозе Мануел Албарес, призна дека Европа ја разбира потребата од обновување на односите со Москва.
Фото: принтскрин