Свет
(Видео) Бајден се изгуби на сцената на ОН, го изнервира бразилскиот претседател: „Ме слушаш ли?!“

Американскиот претседател Џо Бајден залута од сцената на ОН без да се ракува со бразилскиот претседател Лула да Силва откако двајцата претседатели зборувале.
Лула бил видно иритиран по разговорот со американскиот претседател за напорите за подобрување на правата на работниците во двете земји, пренесуваат медиумите во регионот.
Attention and respect: Biden, after negotiations with Brazilian President Lula, tripped over the Brazilian flag and did not shake Lula’s hand.#source @Slavyangrad pic.twitter.com/qyYxjDWFi4
— Zlatti71 (@djuric_zlatko) September 21, 2023
Според написите, дипломатската средба уште на самиот почеток ја одбележале тешкотии затоа што Бајден, излегувајќи на сцената, најпрвин се забил во бразилското знаме, а на крајот, излегувајќи од сцената, заборавил да се ракува со својот колега.
Бајден, според медиумите, одржал малку некохерентен говор за „економска визија, според која економијата треба да се гради од средината надолу“, додека Лула гледал и слушал зачудено.
Додека претседателот на Бразил зборувал, Бајден се занимавал со слушалките преку кои го слушал преводот на говорот на Лула.
„Можете ли да ме слушнете, претседателе Бајден? Ова е историски момент за Бразил и за САД“, рекол Лула на почетокот на својот говор.
„Претседателе Бајден, дали ме слушаш?“, прашал повторно изнервиран Лула. „Дали ме слушаш? Добро, добро“.
По ова, на двајцата претседатели на сцената им се придружил и генералниот директор на Меѓународната организација на трудот, Гилберт Хонгбо, а кога завршиле презентациите, Бајден се ракувал само со него, а заборавил на бразилскиот претседател.
Лула замавнал со раката кон сите и се оддалечил од бината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.