Свет
(Видео) Бајден се сопнал неколкупати додека се шетал со првата дама Џил на плажата во Делавер

Претседателот на Соединетите Американски Држави, Џозеф Бајден, се сопнал неколкупати додека се шетал со првата дама Џил Бајден на песочната плажа во американската држава Делавер, објавија американските медиуми.
Бајден (81) се сопнал неколкупати, па дури била потребна и помош од првата дама додека шетал на песочната плажа во близина на неговиот дом во Делавер во неделата, според американската телевизиска мрежа CSPAN, објави „Њујорк тајмс“.
Joe Biden ha difficoltà a camminare sulla sabbia a Rehoboth Beach in Delaware. pic.twitter.com/gMIq46gekK
— Daniele Angrisani (@putino) November 11, 2024
Според написите, американскиот претседател во заминување изгубил рамнотежа неколкупати додека се движел по нестабилниот песок на плажата во неделата попладне.
Бајден потоа го забрзал своето темпо додека новинарите го прашувале што ќе разговара со новоизбраниот претседател Доналд Трамп на состанокот во Белата куќа во средата, а тој не одговорал на ниедно од прашањата на медиумите.
„Бајден моментно се бори со песокот во неговата куќа на плажата во Делавер. Песокот победува“, се вели во објавата на Х на Републиканскиот национален комитет.
Бајден се откажа од својата кандидатура за реизбор во јули по серијата критики за неговите ментални и физички способности и ја поддржа американската потпретседател Камала Харис да биде демократски претседателски кандидат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Емиратите го притискаат Нетанјаху да го прифати планoт на Трамп за Газа

Обединетите Арапски Емирати го повикаа израелскиот премиер Бенјамин Нетанјаху да ја поддржи мировната иницијатива на американскиот претседател Доналд Трамп за Газа и да се откаже од плановите за анексија на Западниот Брег, јави „Ројтерс“ повикувајќи се на дипломатски извори.
Емиратите, кои ги нормализираа односите со Израел во рамки на Абрахамските договори, предупредија дека евентуална анексија би ја блокирала можноста за понатамошна нормализација со водечките арапски и муслимански држави, вклучително и Саудиска Арабија и Индонезија.
Ставот на Абу Даби му бил пренесен на Нетанјаху од шефот на дипломатијата на Емиратите, шеик Абдулах бин Зајед, на средба во Њујорк за време на Генералното собрание на ОН.
Во меѓувреме, Нетанјаху престојува во Вашингтон, каде што денеска има средби со Трамп. Се очекува двајцата лидери да разговараат за нов мировен предлог од 21 точка за Газа, а подоцна е најавена и заедничка прес-конференција.
Свет
(Видео) Иранската ТВ ги цензурираше колената на финската и шведската министерка

Иранската државна телевизија изврши цензура на снимки од министерката за надворешни работи на Финска, Елина Валтонен, и нејзината шведска колешка, Марија Малмер Стенергард, замаглувајќи ги нивните голи колена за време на извештај од дипломатски средби на Генералното собрание на Обединетите нации (ОН) во Њујорк.
Иранската активистка и новинарка Масих Алинеџад на платформата „X“ ја сподели снимката, опишувајќи ја цензурата како симптом на пошироките ограничувања на женските слободи во Иран.
On Iranian TV the knees of Finland’s and Sweden’s foreign ministers were blurred — so as not to “disturb” local viewers🙈
🇫🇮🇸🇪This week, Iran’s IRIB channel aired a report on Foreign Minister Abbas Araghchi’s meeting with Elina Valtonen and Maria Malmer Stenergard in New York… pic.twitter.com/MCHDEYqNqU
— NEXTA (@nexta_tv) September 29, 2025
Валтонен, во интервју за финскиот „Хелсингин Саномат“, истакна дека не ја прилагодува својата облека според тоа со кого се среќава:
„Имам политика да не присуствувам на настани каде е задолжително покривање на косата или лицето. Овој извештај е тажен и ја отсликува положбата на жените во Иран“, изјави таа.
Иранските државни медиуми редовно менуваат меѓународни снимки со жени кои не ги следат локалните исламски правила за облекување, а замаглувањето на делови од телото е дел од вообичаена практика.
Состанокот меѓу Валтонен, Стенергард и иранскиот министер за надворешни работи Абас Арагчи се одржал на маргините на Генералното собрание на ОН, при што темите вклучувале регионална стабилност, човекови права и улогата на жените во дипломатијата.
Свет
Трамп воведува 100 проценти царина на сите филмови направени надвор од САД

САД ќе воведат 100 проценти царина на сите филмови направени надвор од земјата, објави денес американскиот претседател Доналд Трамп во објава на социјалната мрежа Truth Social.
„Нашата филмска индустрија е киднапирана од други земји, исто како што крадат бомбони од деца. Калифорнија, со својот слаб и некомпетентен гувернер, е особено силно погодена! Затоа, за да го решам овој долгогодишен и бесконечен проблем, ќе воведам 100 проценти царина на сите филмови направени надвор од Соединетите Американски Држави. Ви благодарам за вашето внимание“, објави тој.
Според „Ројтерс“, Трамп се заканил дека ќе воведе такви тарифи во мај, но понудил малку детали, што довело до забуна кај лидерите во индустријата за забава.
Акциите на Netflix и Warner Bros Discovery паднаа за 1,4 проценти и 0,6 проценти, соодветно, во претпазарното тргување.
Фото: ЕПА