Европа
(Видео) Белоруски демонстрантки им ги симнуваа маските на полицајците
Белорусите не престанаа да протестираат против победата на долгогодишниот претседател Александар Лукашенко за кого тврдат дека уште еднаш ја лажирал својата победа повеќе од еден месец по претседателските избори.
Ова е петти викенд по ред како Белорусите протестираат масовно и покрај бруталната полициска и воена репресија и киднапирањата и протерувањето на опозициските лидери од земјата. Полицијата вчера уапси и повеќе од 400 лица.
Важна улога на протестите во Белорусија имаат жените, кои организираа посебен „Марш на жените“. Снимките на кои жените се спротивставуваат на маскираните полицајци што се обидуваат да ги растераат или да ги приведат кружат на социјалните мрежи последниве денови.
Демонстрантките на овие снимки им ги симнуваат маските од лицето на полицијата и демонстрантите, како и на непознати лица во цивилна облека, за да го откријат нивниот идентитет.
#URGENT Meanwhile brutal arrests of women in #Minsk #Belarus continue, we can once again see the mistreatment of 73 year old #NinaBaginskaya and the riot police who are no longer scared of press attention. pic.twitter.com/BzY0zdp3ke
— Belarus Free Theatre (@BFreeTheatre) September 12, 2020
„Бруталното апсење во Минск продолжува и уште еднаш може да се види злоупотребата на 73-годишната Нина Багинскаја.
„Именувањето и засрамувањето е најефективната тактика на ненасилен отпор. Лесно е да се парализира интервентен полицаец – само ќе му ја симнете маската. „Безбедносните службеници стравуваат дека ќе завршат на каналот ‘Телеграм’ – ’Црна книга на Белорусија’ и дека подоцна ќе се појават на (странскиот) список со санкции“, напиша белорускиот новинар Франак Вијачорка на видео на „Твитер“ објаснувајќи ги тактиките на демонстрантите.
Belarus women are fighters ✊ pic.twitter.com/26IC0uCuRi
— Franak Viačorka (@franakviacorka) September 12, 2020
„Белоруските жени се борци“, напиша тој заедно со фотографии од туркањто на полицијата и демонстрантите, кои исто така ги објави.
Please, retweet. Watch how riot police were detaining peaceful protesters in Minsk today. I am wondering if the EU/US will be brave enough to impose individual sanctions against all those involved in the violent crackdown on non-violent protesters in Belarus. pic.twitter.com/KDIMDbyFHe
— Franak Viačorka (@franakviacorka) September 13, 2020
Вијачорка, меѓу другото, објави видео на кое полициски службеници за интервенција ги соборуваат мирните демонстранти и ги приведуваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Масакр во Донецк: Русите погубија пет цивили, застрелаа жена во вилицата, таа преживеа
Руски војници погубија пет цивили во селото Жвановка во Донецката област, објави канцеларијата на регионалниот обвинител. Злосторството, кое се случи на 20 октомври, беше опишано како семеен масакр што потсетува на методите на Гестапо, објавува „Киев пост“.
Според извештајот, двојката и нивниот постар син се криеле во подрумот на нивната семејна куќа, додека помладиот син отишол да донесе вода од соседот. Руските војници влегле во куќата, го пронашле скривалиштето и почнале да го испрашуваат семејството за позициите на украинските бранители. Кога не ги добиле информациите што ги барале, војниците си заминале, велат обвинителите.
Но, набргу потоа, еден од војниците се вратил и отворил оган врз семејството со автоматско оружје. Убеден дека сите се мртви, тој го напуштил местото на злосторството. Сепак, мајката, која претрпела прострелна рана во вилицата, преживеала.
И покрај сериозните повреди и загриженоста за помладиот син, жената отишла во куќата на соседката. Таму, го пронашла безживотното тело на својот син во подрумот, покрај телата на нејзината соседка (62) и нејзиниот 30-годишен син. Преживеаната успеала да стигне до територијата контролирана од Украина, каде што била хоспитализирана. Таму, таа дала изјава за воениот злостор извршен од руските сили.
Селото Жванивка, кое се наоѓа на околу триесет километри од Бахмут, е на фронтовската линија речиси од почетокот на руската инвазија во февруари 2022 година. Во јуни истата година, селото беше цел на артилериски и ракетни напади врз цивилни цели. Во јуни 2023 година, осум жители беа повредени во нападите врз Жванивка и околните градови.
фото: принтскрин
Европа
(Видео) Дрон удри во зграда во Московската област: станот е целосно уништен, петмина повредени
Пет лица, меѓу кои и едно дете, се повредени во напад со беспилотно летало врз станбена зграда во Красногорск, Московска област, соопшти регионалниот гувернер Андреј Воробјов.
A Ukrainian drone crashed into an apartment in Krasnogorsk
The impact hit the 14th floor, injuring five people.
Local residents say the explosion was so powerful that fragments of the building’s facade and shattered glass were scattered all over the courtyard. pic.twitter.com/A2asEfNUOP
— NEXTA (@nexta_tv) October 24, 2025
„Станбена зграда во Красногорск е оштетена во напад со беспилотно летало. Дронот се урна во стан на 14-тиот кат. Пет лица се повредени, меѓу кои и едно дете. Четворица се веднаш однесени во болници, каде што добиваат потребна медицинска помош“, напиша Воробјов на својот телеграм-канал.
Тој истакна дека детето претрпело полесни повреди на долниот дел од ногата и исчанчено колено, а другите повредени лица имаат трауматски повреди на мозокот, фрактури и рани од шрапнели.

Инцидентот оштети и делумно уништи три стана. Фрагменти од облогата на зградата и стаклените прозорци беа расфрлани на растојание од 100-ина метри. Станарите на зградата изјавија за руската државна новинска агенција „Тасс“ дека експлозијата била многу моќна.
фото: принтскрин
Европа
Захарова ја нападна Полска: „Сакаат да ги вовлечат САД во опасен потфат“
Русија верува дека одредени членки на НАТО, со акцент на Полска, сакаат да се откажат од ограничувањата поврзани со распоредувањето нуклеарно оружје на нивна територија, што би ги влошило „стратешките ризици“ и дополнително би ги зголемило тензиите, изјави портпаролката на руското Министерство за надворешни работи, Марија Захарова.
Захарова истакна дека полските претставници веќе се обратиле до Соединетите Држави „во обид да го вклучат Вашингтон во обврска поврзана со распоредувањето американско нуклеарно оружје на полска територија“.
„Со прибегнување кон вакви потези, формално ненуклеарните членки на НАТО повторно го покажуваат своето пркосно непочитување на Договорот за неширење на нуклеарно оружје“, рече таа на брифингот, како што објави руската државна новинска агенција ТАСС. Таа додаде дека не може да се исклучи можноста некои од овие земји, кои сè уште се придржуваат кон националните ограничувања, целосно да ги напуштат овие обврски во иднина.
Захарова, исто така, ја нарече овогодишната вежба на НАТО за нуклеарно одвраќање, „Steadfast Noon“, во која учествуваат 14 земји-членки и до 60 авиони, „длабоко дестабилизирачка“. Таа тврди дека „оваа шема и соодветните капацитети на земјите-членки на НАТО“ ќе доведат до „понатамошно влошување на стратешките ризици и зголемени тензии“.
Нејзините коментари доаѓаат во време на зголемени тензии околу Украина и пропаѓање на договорите за контрола на оружјето, поттикнувајќи стравувања од нова трка во вооружување. На ова предупреди и рускиот заменик-министер за надворешни работи Сергеј Рјабков, кој во среда изјави дека „непријателските политики на земјите-членки на НАТО“ би можеле „да доведат до директна конфронтација меѓу нуклеарните сили“.
Ситуацијата е дополнително комплицирана од фактот дека американскиот претседател Трамп ја одложи средбата со рускиот претседател Владимир Путин оваа недела, додека Путин надгледуваше голема нуклеарна вежба со интерконтинентални балистички ракети.
фото: принтскрин

