Свет
(Видео) Берни Сандерс: Трамп застана на страната на еден од најбруталните диктатори во светот

Американскиот сенатор Берни Сандерс го обвини претседателот Доналд Трамп и неговите сојузници дека се на страната на рускиот претседател Владимир Путин, предупредувајќи дека таквиот сојуз ги загрозува демократските вредности и меѓународните сојузи.
„Трамп и неговите американски олигарси сега отворено се усогласуваат со Путин и неговите руски олигарси“, рече Сандерс во објавата на Икс.
„Овој сојуз меѓу Путин и Трамп значи напуштање на нашите сојузници, поддршка на авторитаризмот и поткопување на нашата демократска традиција“.
„Трамп застана на страната на еден од најбруталните диктатори во светот, се закани на независноста на Украина и ги напушти нашите повеќедецениски европски сојузници“, рече Сандерс.
We are witnessing a very sad moment in American history.
The President of the United States is aligning himself with the dictator of Russia, Vladimir Putin, to undermine the independence of Ukraine and its democracy.
Here are my thoughts: pic.twitter.com/mfogfnQxSK
— Bernie Sanders (@SenSanders) February 20, 2025
„Ова е тажен ден во американската историја“, додаде тој.
Коментарот на Сандерс, еден од најистакнатите демократски прогресивни политичари, дојде откако Трамп остро го критикуваше својот украински колега Володимир Зеленски како „диктатор без избори“.
„Диктатор без избори, Зеленски подобро да побрза или нема да му остане ништо од неговата земја. Во меѓувреме, успешно преговараме за крај на војната со Русија, нешто што сите признаваат дека може да го направи само администрацијата на Трамп“, напиша американскиот претседател на неговата социјална мрежа.
Зеленски му рече на Трамп дека е фатен во „простор на дезинформации“, велејќи дека се надева оти тимот на Трамп подобро ќе ја разбере „вистината за Украина“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во сообраќајка загина поранешен хрватски фудбалски репрезентативец и играч на фудбалскиот клуб Динамо

Во тешка сообраќајна несреќа, што се случи во Карловац, загинаа 2 лица, меѓу кои и поранешниот хрватски фудбалски репрезентативец и играч на фудбалскиот клуб Динамо, Никола Покривач, јавуваат хрватските медиуми.
Полицијата во краткото соопштение наведува дека несреќата се случила на обиколницата Турањ и дека во неа учествувале 4 патнички возила.
Три лица се пренесени на лекување во медицинска установа.
Свет
Русија и Украина денеска треба да разменат затвореници

Русија и Украина денеска треба да разменат затвореници, а посредник во договорот повторно се Обединетите Арапски Емирати, соопштил извор запознаен со преговорите.
Ќе бидат разменети вкупно 492 војници – 246 од двете страни, како и уште 46 ранети украински војници.
За време на војната Русија и Украина со посредство на ОАЕ веќе разменија вкупно 3.233 воени заробеници
Свет
„Вие сте глупави луѓе“: Трамп за Путин и Зеленски доколку ги отфрлат преговорите за прекин на огнот

Американскиот претседател Доналд Трамп ги потврди зборовите на американскиот државен секретар Марко Рубио во врска со повлекувањето од преговорите доколку руската и украинската страна не постигнат договор наскоро.
Трамп понуди помек пристап, велејќи дека Рубио бил „во право“, но во исто време покажа поголем оптимизам во врска со изгледите за постигнување договор.
На прашањето за временската рамка во која САД би можеле да се повлечат, Трамп одговори:
– Нема конкретен број на денови, но сакаме брзо да го завршиме. Ако, поради некоја причина, една од двете страни го отежни тоа многу, ние само ќе кажеме: „Вие сте глупави, вие сте глупави. Вие сте ужасни луѓе“ и едноставно ќе се откажеме. Но се надевам дека нема да мораме“, продолжи тој.
Трамп не сакаше да каже дали е подготвен целосно да ги напушти преговорите или дали ќе продолжи воено да ја поддржува Украина доколку преговорите не успеат.
На прашањето каков напредок би требало да види за да ги продолжи преговорите, Трамп рече дека „ќе мора да види ентузијазам за заклучок“ од двете страни, предвидувајќи дека ќе знае „наскоро“.
– Мислам дека имаме навистина добри шанси да го постигнеме тоа. „Сега сè завршува“, рече тој.
Претходно американскиот државен секретар Марко Рубио изјави дека ако не е можно да се стави крај на војната во Украина, Соединетите Американски Држави треба да се откажат од своите напори и да продолжат понатаму, според написите во светските медиуми.