Свет
(Видео) „Вака лажат месарите“ – инфлуенсер покажа како се манипулира со вагата и направи хаос на социјалните мрежи

Аргентинскиот инфлуенсер, Марито Лоренс, познат по своите совети за купување месо, реши да ги предупреди луѓето за подмолниот трик што го користат одредени месари.
Оваа измама, како што тврди, се извршува за неколку секунди, а на клиентите им „вади“ повеќе пари од џебот.
Марито, по професија месар, објаснува дека муштериите „лесно се мамат“ затоа што обично гледаат во телефоните или прават други работи, наместо да внимаваат на вагата.
„Техниката е едноставна и ефикасна“, рече тој.
Додека месарот го известува купувачот за вредноста на месото, тој дискретно ја влече торбата во еден агол и на тој начин ја зголемува вкупната тежина, пренесува Lakalle Blu Radio.
Ваквата измама лесно можете да ја избегнете ако погледнете што прави месарот, наместо да гледате во телефонот“, нагласи младиот човек.
Видеото предизвика гнев кај корисниците на социјалните мрежи, а многумина истакнаа дека ова (непријатно) искуство го доживеале и претходно.
„Не сум изненаден, нешто слично веќе ми се случи“, напиша една личност, а друга продолжи: „Отсега нема да го тргам погледот од вагата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин го осуди израелскиот напад врз Иран

Рускиот претседател, Владимир Путин, во одвоени телефонски разговори му рекол на иранскиот претседател дека Москва ги осудува акциите на Израел против Техеран и му рекол на израелскиот премиер дека прашањата поврзани со иранската нуклеарна програма може да се решат само дипломатски.
Во соопштението за печатот на Кремљ се наведува дека Путин му рекол на иранскиот претседател Масуд Пезешкијан дека Русија „ги осудува акциите на Израел кои ја прекршуваат Повелбата на Обединетите нации“ и изразил сочувство за загинатите.
Се известува дека Путин во разговор со израелскиот премиер Бенјамин Нетанјаху „ја истакнал важноста од враќање на преговарачкиот процес и решавање на сите прашања поврзани со иранската нуклеарна програма преку политички и дипломатски средства“.
Во соопштението на Кремљ се наведува дека Русија останува во близок контакт со Иран и Израел.
Свет
Иран: Одмаздата против Израел почна

Иран потврди дека почнал да се одмаздува против Израел, јавува државната новинска агенција ИРНА.
Иран истрела стотици различни балистички ракети кон Израел, што Техеран го опишува како почеток на својата разорна одмазда за израелските напади.
„Пред неколку моменти, со лансирање на стотици различни балистички ракети кон окупираните територии, започна операцијата на решителен одговор на варварскиот напад на ционистичкиот режим“, објави официјалната иранска новинска агенција ИРНА.
Како што јави Хаарец, израелската армија најави дека ќе се огласат сирени за воздушен напад низ целата земја и ги повика граѓаните веднаш да одат во засолништата. Тие додаваат дека повеќе од 100 ракети биле лансирани од Иран, а сирените се огласиле низ Израел.
Главниот дописник на Гардијан за Блискиот Исток, Ема Греам-Харисон, известува од Тел Авив дека над градот се слушаат бројни пресретнувања на ракети. Eксплозии одекнаа во Ерусалим, јавува „Си-ен-ен“.
Огромни облаци од чад се издигнуваат над Тел Авив, видливи над облакодерите во центарот на градот.
Чадот е толку густ што целосно се надвива над високите згради околу него.
Израелските одбранбени сили (ИДФ) потврдија дека бран ракети бил лансиран кон Израел.
„Нападот е во тек“, се вели во објавата.
Телевизијата Канал 13 известува за пожар во близина на седиштето на израелското Министерство за одбрана во Тел Авив, додека Израел Хајом јавува дека ракети паднале на седум различни локации во централниот дел на земјата.
Свет
Израел до Иран: Ако ги нападнете нашите градови, ќе возвратиме на рафинериите и лидерите на режимот

Израел му порача на Иран дека, во случај на напад на балистичка ракета врз израелски населби и цивилни цели, ќе одговори со гаѓање на иранските рафинерии и лидерите на режимот.
Како што изјави за „Канал 12“ висок израелски безбедносен функционер, Израел јасно му ставил до знаење на Техеран дека нема да толерира напади врз цивили и дека во тој случај цели ќе бидат стратешката инфраструктура и политичкото раководство на Иран.