Свет
(Видео) Возило „Тесла“ уништено со чекани во Лондон: „Ова е јавно уметничко дело“
Лондонски активисти од групата „Сите го мразат Илон“ јавно уништија возило „Тесла“ во знак на протест против милијардерот и извршен директор на американската компанија, Илон Маск. Користениот автомобил бил наменет за отпад, а организаторите велат дека неговото уништување било „јавно уметничко дело“ во кое учествувале и насобраните граѓани.
Гореспоменатата група тврди дека им покажала на луѓето безбеден и легален начин за уништување на „Тесла“. Инсталацијата, односно уништеното возило, ќе биде понудена на аукција за да се соберат пари за локални продавници за храна за луѓето кои имаат потреба, пишува „The Independent“.
„Има повеќе милијардери од кога било досега, и има повеќе народни кујни од кога било досега. Овие работи се јасно поврзани“, рече портпаролот на групата „Сите го мразат Илон“.
Групата ги повика жителите на Лонодн да се приклучат на протестната акција и додаде дека протестот им овозможи на обичните луѓе да станат уметници и да создадат симбол на отпор против влијанието на милијардерите. Исто така, беше истакнато дека групата не поддржува никакво незаконско уништување на други возила.
Познати по своите постери кои го исмејуваат технолошкиот милијардер, групата „Сите го мразат Илон“ објави реклами на лондонското метро и автобуските постојки. На еден од нив тие го преименуваа Тесла во „Свастикар“, заедно со слика на Маск како изведува нацистички поздрав на инаугурацијата на американскиот претседател Доналд Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

