Свет
(Видео) Вооружен конфликт меѓу војската на Тајланд и Камбоџа, загина најмалку еден цивил

Вооружени судири избувнаа меѓу Тајланд и Камбоџа рано утрово, објавија армиите на двете земји, тврдејќи дека првите истрели биле испукани од другата страна.
Тајландската војска во соопштението наведува дека вооружените сили од соседна Камбоџа отвориле оган врз спорната погранична област во близина на храмот Та Моан Том, на околу 360 километри од главниот град Бангкок. Пред да бидат испратени војници со тешко оружје, над областа прелетал дрон за надзор, се додава во соопштението.
🇰🇭 #Cambodia – 🇹🇭 #Thailand: Footage showing Cambodian soldiers exchanging fire with Thai troops at border positions. pic.twitter.com/0hazj1g1vb
— POPULAR FRONT (@PopularFront_) July 24, 2025
Соседната земја е обвинета за неодамна поставување мини во пограничната област, додека Камбоџа одговара дека станува збор за неосновани обвинувања.
„Мора да бидеме внимателни“
Според објава на Фејсбук од влијателниот поранешен камбоџански премиер Хун Сен, тајландската војска гранатирала две од нивните провинции.
Тајландскиот премиер Фумтам Вечајачаи рече дека ситуацијата е многу деликатна. „Мора да бидеме внимателни. Ќе го почитуваме меѓународното право.“
Тајланд и Камбоџа го оспоруваат суверенитетот над неколку точки по должината на нивната копнена граница од 817 километри повеќе од еден век, што доведе до седумдневен вооружен конфликт во 2011 година. Гувернерот на тајландската провинција Сурин, Чамнан Чуента, ги повика жителите во објава на Фејсбук да се засолнат и да се подготват за евакуација.
🇹🇭 #Thailand – 🇰🇭 #Cambodia: Clashes erupted between Thai and Cambodian soldiers as both sides are shelling each other’s positions. pic.twitter.com/c8NJA1sxjY
— POPULAR FRONT (@PopularFront_) July 24, 2025
Тајландски власти: Најмалку еден цивил убиен во покраината Сурин
Најмалку еден цивил е убиен во тајландската покраина Сурин, соопштија властите, според Би-би-си.
Портпаролот на владата Џирају Хунгсу, кој ги потврди смртните случаи, исто така рече дека седум војници се ранети. Тој додаде дека бројот на повредени цивили не е познат, но дека меѓу нив е и петгодишно дете кое е „сериозно повредено“.
Од друга страна, портпаролот на Министерството за одбрана на Камбоџа одговори дека тајландските сили извршиле упад, на што нивните сили одговориле во самоодбрана.
Фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Нема да дозволам Израел да го анектира Западниот Брег

Американскиот претседател Доналд Трамп изјави дека нема да дозволи Израел да го анектира Западен Брег, одбивајќи ги барањата на дел од крајно десните израелски политичари за проширување на израелскиот суверенитет врз оваа територија.
„Не, нема да дозволам. Тоа нема да се случи. Доста е, време е ова да запре“, рече Трамп во Белата куќа, објаснувајќи дека темата ја покренал по телефонскиот разговор со премиерот Бенјамин Нетанјаху за состојбата во Појасот Газа.
Притисокот за анексија доаѓа од дел од десното крило на коалицијата на Нетанјаху, кое бара формално воведување на израелскиот суверенитет врз Западен Брег. Овие барања предизвикуваат силна загриженост кај арапските лидери, од кои дел се сретнаа со Трамп на маргините на Генералното собрание на Обединетите нации во Њујорк.
Западен Брег е освоен од Израел во војната во 1967 година. Палестинците со децении го бараат како дел од својата идна држава, заедно со Источен Ерусалим и Појасот Газа. На оваа територија денес живеат околу 2,7 милиони Палестинци и околу 700.000 израелски доселеници. Повеќето земји во светот не ги признаваат израелските населби таму и ги сметаат за нелегални според меѓународното право.
Изјавата на Трамп доаѓа во чувствителен момент на засилени судири во Газа и зголемен дипломатски притисок за изнаоѓање долгорочно решение за израелско-палестинскиот конфликт.
Свет
Трамп најави нови царини на лекови, камиони и мебел

Американскиот претседател Доналд Трамп објави дека од 1 октомври ќе стапат на сила нови царини: 100 отсто на увоз на брендирани лекови, 25 на тешки камиони, 50 на кујнски ормари и 30 проценти на тапациран мебел.
Трамп изјави дека целта е заштита на домашното производство и националната безбедност, додека Американската стопанска комора и повеќе сојузници предупредија дека мерките ќе ги погодат блиските трговски партнери и голем дел од индустријата.
Свет
Покренато обвинение против поранешниот шеф на ФБИ

Федерална голема порота во Вирџинија подигна обвинение против поранешниот директор на ФБИ, Џејмс Коми, поради наводно лажно сведочење пред Конгресот во 2020 година.
Коми се изјасни за невин и порача дека ќе се брани на судење кое е закажано за 9 октомври. Ако биде прогласен за виновен, му се заканува казна до пет години затвор.
Обвинението го води поранешна адвокатка на Доналд Трамп, што предизвика реакции и критики од демократите, кои случајот го оценија како „срамотен напад врз владеењето на правото“.