Свет
(Видео) Во втор мистериозен пожар, запалени неколку бродови во иранско бродоградилиште

Најмалку седум брода биле запалени во средата во пристаништето Бушехр во Персискиот Залив во Иран, во кое се наоѓа единствената нуклеарна централа во Иран, пренесува иранската новинска агенција „Тасним“.
Тоа беше втор пожар пријавен тој ден, со уште еден инцидент во фабрика за алуминиум во Ламерд во јужен Иран.
Нема повредени во пожарот во бродоградилиштето „Делвар“ во Бушер, но пожарникарите едвај успеале го стават пожарот под контрола, а густ чад го обвиткал градот. Причината за пожарот сè уште не е утврдена, пренесува иранската новинска агенција „Фарс“.
Пожарот доаѓа неколку дена откако американски воен брод во Сан Диего беше уништен од експлозија и пожар, при што беа повредени 20 лица. Командантот на силите Кудс на Иранската револуционерна гарда, Есмаил Гана, коментираше: „Американците не треба да обвинуваат други, тоа е пожар што самите го подметнаа“.
Според иранската новинска агенција „Мехр“, пожарот во корпорацијата „Саут алуминиум“ во Ламерд бил предизвикан од протекување на нафта и предизвикал мала штета.
דיווח באיראן: לפחות שלוש אוניות עלו באש בנמל בושהר. לא דווח על נסיבות האירוע@GBrizman @yoavz pic.twitter.com/iYn2lAoiu1
— כאן חדשות (@kann_news) July 15, 2020
Инцидентите во Бушхер и Ламерд доаѓаат во време на серија необјаснети експлозии и катастрофи во Исламската Република, вклучително и пожарот на 2 јули што го оштети нуклеарниот објект „Натанз“ и експлозијата во воениот комплекс „Парчин“ една недела пред тоа.
Според извештајот во „Њујорк тајмс“, кој го цитира агент на блискоисточна разузнавачка служба, Израел стои зад експлозијата во Натанз. Официјален претставник рече дека бомбата предизвикала „значителна штета“ и ја вратила нуклеарната програма на Техеран со месеци наназад.
„Зграда користена за производство на центрифуги на нуклеарната локација Натанц беше разнесена со моќна бомба“, изјавил официјалниот претставник за весникот.
Еден прупадник на ИРГЦ исто така потврдил за весникот дека бил употребен експлозив. Тој ја отфрли можноста за компјутерски напади како причина. Сепак, неименуваниот официјален претставник рекол дека Израел не е одговорен за другите пожари во Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кина го поддржува 30-дневното примирје предложено од Украина, Европа и САД

Кина го поддржува 30-дневното примирје предложено од Украина, Европа и САД, изјави портпаролот на кинеското Министерство за надворешни работи Лин Џијан.
Кинеското Министерство за надворешни работи соопшти: „Ги поддржуваме сите напори кои придонесуваат за мир и се надеваме дека релевантните страни ќе продолжат да го решаваат проблемот преку дијалог и преговори“, повикувајќи на обврзувачки мировен договор што ќе биде прифатлив за сите страни.
Европа
Полска пронајде докази за подметнатиот пожар во трговскиот центар во Варшава, го затвори рускиот конзулат; Русија бесна

Полска ќе го затвори рускиот конзулат во Краков откога пронајде докази дека Москва е одговорна за големиот пожар, кој речиси целосно уништи трговски центар во Варшава во мај 2024 година, изјави денес полскиот министер за надворешни работи.
❗🔥🇵🇱 – A huge fire hit the “Marywilska 44” shopping center in Warsaw, consuming almost all of its 1,400 commercial units, including kiosks.
The shopping mall, one of the largest in the city, belonged to Mirbud and is practically destroyed.
Authorities are fighting the fire,… pic.twitter.com/7Z34ZGyBzQ
— 🔥🗞The Informant (@theinformant_x) May 12, 2024
Веќе напнатите односи меѓу Варшава и Москва достигнаа нови височини со руската инвазија на Украина во 2022 година. Полска тврди дека нејзината улога како еден од најважните бедеми на Киев ја направила цел на руски саботажи, сајбер-напади и дезинформациски кампањи, што Москва го негира.
Вчера, премиерот Доналд Туск изјави дека Полска со сигурност знаела дека руските тајни служби стојат зад големиот пожар на улицата Меривилска во главниот град.
„Поради доказите дека руските специјални служби извршиле неприфатлив чин на саботажа против трговскиот центар на улицата Меривилска, решив да ја повлечам мојата согласност за работа на Конзулатот на Руската Федерација во Краков“, напиша министерот за надворешни работи, Радослав Сикорски на „Икс“.
Како одговор, руското Министерство за надворешни работи објави дека Полска намерно ги прекинува врските со Москва, објави државната новинска агенција РИА.
„Варшава продолжува намерно да ги уништува односите дејствувајќи против интересите на своите граѓани“, изјави портпаролката на руското Министерство за надворешни работи, Марија Захарова, цитирана од државната новинска агенција РИА. Таа додаде дека Русија набргу ќе даде соодветен одговор.
Свет
Првпат во историјата светот ја сака Кина повеќе од САД: Трамп е помалку популарен од Путин

Според најновите податоци, популарноста на САД значително опадна по враќањето на Доналд Трамп во Белата куќа.
Индексот на перцепција на демократијата за 2025 година, анкета што ги следи ставовите на граѓаните кон демократијата, геополитиката и светските сили, анкетира повеќе од 110.000 луѓе во 100 земји.

Глобална нето-перцепција за земјите, при што негативните проценти укажуваат на негативна перцепција, а позитивните проценти укажуваат на позитивна перцепција. Кина сега е попопуларна од САД
Резултатите покажуваат дека мнозинството испитаници имаат негативно мислење за САД, што претставува стрмен пад во споредба со минатата година. Најголемата загуба на довербата се случи во Европската Унија – како што се очекуваше, со оглед на тоа што американскиот претседател Трамп постојано ја опишуваше ЕУ како ужасна, патетична и создадена да ги експлоатира Соединетите Американски Држави.
Андерс фог Расмусен, поранешен генерален секретар на НАТО и основач на фондацијата „Алијанса на демократиите“, која учествуваше во создавањето на индексот, рече дека овие резултати не го изненадуваат.
Додека Америка го губи својот углед, Кина полека го гради. Првпат во историјата Кина ги престигна САД во вкупниот глобален впечаток, а нејзиниот имиџ е во голема мера позитивен во речиси сите региони, освен во Европа.
Русија, чиј меѓународен углед го допре дното по инвазијата на Путин врз Украина во 2022 година, сè уште е рангирана малку полошо од САД, но исто така бележи мали подобрувања.
Ниту Трамп не стои подобро. Според резултатите од анкетата, тој е помалку популарен во светот дури и од Владимир Путин и од кинескиот лидер Шји Џјинпинг.
Од сите јавни личности вклучени во анкетата, вклучувајќи ги Илон Маск, Бил Гејтс, покојниот папа Франциско, Тејлор Свифт и Ким Кардашјан, Трамп помина најлошо.
Од сите анкетирани земји, Израел има најлош глобален углед, особено на Блискиот Исток и во Јужна Азија. Негативниот впечаток за Израел е сè пораспространет, дури и во европските земји, кои досега беа негови сојузници, како што е Германија. Постои растечка вознемиреност и критики за израелската политика во Газа и на Западниот Брег.
Минатата година Меѓународниот кривичен суд издаде налози за апсење на премиерот Бенјамин Нетанјаху и на поранешниот министер за одбрана Јоав Галант под сомнение за воени злосторства.