Во Специјалниот суд во Белград денеска продолжи судењето на Урош Блажиќ, обвинет за масакрот во селата кај Младеновац во кој беа убиени девет лица. На почетокот на судењето, Стефан Стефановиќ, адвокатот на семејствата на убиените деца, побара како доказ да бидат доставени IP-адресите на Урош Блажиќ, неговиот татко, како и на сите луѓе со кои комуницирал непосредно пред масакрот а потоа пред присутните се обрати првообвинетиот Блажиќ, пишуваат медиумите во соседството.

„Сакаме да бидат доставени сите IP-адреси, не е утврдено дали имало влијание однадвор дека е извршен овој масакр. Не утврдивме дали имало планови или имало влијание од странство. Немаме пораки, немаме повици. Семејствата инсистираат на тоа“, рече Стефановиќ.

Обвинителите тогаш се спротивставија на предлогот и нагласија дека IP-адресите нема да донесат нови докази и дека постапката само ќе се одолговлекува.

Тогаш обвинетиот Урош Блажиќ побара од судијата да ја дополни неговата одбрана.

Родителите на убиените деца се побунија.

„Сфатив дека сите овде сте во право тука. Ви благодарам што сте толку љубезни кон мене, заслужив полоши зборови и осуда. Барав мотив, но нема мотив толку многу луѓе да загинат. Цел живот глумев, се жртвував, замислував дека сите ме мразат, а овие млади сакаа да ми помогнат, а јас бев арогантен. Одбив да ја прифатам вината, извинете што не го кажав ова веднаш. Сакам да изразам најдлабоко сочувство. Не можам да го минимизирам ова. Мојата судбина е во ваши раце, сакам најстрога казна. Да ми дадете да потпишам да ми го извадат окото и да и го дадат на Анѓела, да ми ја земат ногата и ‘рбетниот мозок и да ги дадат на другите повредени“, рече Блажиќ и додаде:

„Знам што ме чека, јас сум мртов човек“.

На Урош Блажиќ му се заканува казна од 20 години бидејќи во моментот на делото сè уште немал 21 година, пренесуваат српските медиуми.

Врховниот лидер на Иран, кој ги поддржува милитантите на Хамас и Хезболах во конфликтот со Израел во Газа и Либан, рече дека израелските лидери треба да се соочат со смртни казни, а не со налози за апсење.

Ајатолахот Али Хамнеи се повика на одлуката на Меѓународниот кривичен суд (МКС) кој во четвртокот издаде налози за апсење на израелскиот премиер Бенјамин Нетанјаху, неговиот поранешен министер за одбрана Јоав Галант и лидерот на Хамас Ибрахим Ал-Масри.

„Тие издадоа налог за апсење, но тоа не е доволно… Мора да се изрече смртна казна за овие криминални водачи“, рече Хамнеи, мислејќи на израелските лидери.

Судиите на МКС изјавија во својата одлука дека постојат причини да се верува дека Нетанјаху и Јоав Галант се кривично одговорни за дела, вклучително и убиство, прогон и употреба на глад како воено оружје како дел од широкиот и систематски напад врз цивилното население на Газа.

Одлуката предизвика бес во Израел, кој ја нарече срамна и апсурдна. Жителите на Газа изразија надеж дека ова може да помогне да се стави крај на насилството и одговорните за воените злосторства да се изведат пред лицето на правдата. Израел, од друга страна, ја отфрла јурисдикцијата на судот со седиште во Хаг и ги негира воените злосторства во Газа.

Налогот за водачот на Хамас, Ибрахим Ал-Масри, ги наведува наводите за масовни убиства за време на нападот врз Израел на 7 октомври 2023 година, кој ја предизвика војната во долгата блокада на палестинската енклава, и наводите за силување и земање заложници. Израел соопшти дека Ал-Масри, познат и како Мохамед Деиф, бил убиен во воздушен напад во јули, но Хамас ниту го потврди ниту го демантираше тоа.

Безбедносните камери го снимија моментот кога авион се урна недалеку од аеродромот во Литванија. Авионот со четворица членови на екипажот се урна утринава во 5:30 часот по локално време во станбена зона во Вилнус, на неколку километри од пистата.

Снимките кои кружат на социјалните мрежи покажуваат како авионот се подготвува за слетување.

На небото се гледаат светлата на авионот додека полека ја спушта висината. И тогаш, во еден момент, доаѓа до страшна експлозија и блесок што го осветлува небото.

BREAKING VIDEO: Huge fireball as cargo plane crashes into residential building while approaching Vilnius International Airport in #Lithuania, leaving at least 1 dead, 3 injured.
pic.twitter.com/UBb96ZJ1g0

— Breaking News Video (@BreakingAlerter) November 25, 2024

Еден член на екипажот загина при падот, а останатите тројца со повреди беа извлечени од леталото и беа пренесени во болница. Авионот се излизгал неколку стотици метри пред да удри во станбена зграда.

Според официјални лица, 12 лица кои биле во објектот во моментот на ударот биле извлечени живи.

Причината за падот на авионот се’ уште не е позната, а истрагата е во тек. Бројни теории кружат за тоа што му претходело на падот, а според надлежните не е исклучена ниту можноста од терористички напад.

„Еден од членовите на екипажот е пронајден без знаци на живот“, изјави Вилмантас Виткаускас, шеф на Државниот кризен центар. Виткаускас рече дека е прерано да се извлечат какви било заклучоци за тоа што ја предизвикало несреќата и дека околностите и причините се истражуваат.

Во овој момент нема индикации дека на авионската несреќа и претходела експлозија во леталото. Се верува дека авионот паднал поради технички дефект или човечка грешка. Но, не е исклучена ниту опцијата дека се работи за терористички чин, пишуваат локалните медиуми.

„Ова е една од верзиите за несреќата, која ќе биде истражена и проверена. Пред нас е многу работа. Собирањето докази може да потрае цела недела, нема да има брзи одговори“, рече Паулаускас.