Свет
(Видео) Во својата божиќна порака кралот Чарлс изрази благодарност до лекарите за поддршката во процесот на лекување

Во овогодинешната божиќна порака, кралот Чарлс одлучи да им се заблагодари на сите што му помогнаа на неговото семејство во 2024 година.
По една предизвикувачка година во која тој и неговата снаа Кејт Мидлтон се отворија за нивните дијагнози за рак, кралот Чарлс истакна дека секој поминува низ некакво страдање во одреден момент од својот живот.
“Across the Commonwealth, we are held together by a willingness to listen to each other, to learn from one another and to find just how much we have in common.”
📺 Today, in his annual Christmas Broadcast, His Majesty has spoken of the importance of supporting and learning from… pic.twitter.com/Xej3yvyolc
— The Royal Family (@RoyalFamily) December 25, 2024
„Степенот до кој меѓусебно си помагаме и поддржуваме, без разлика дали сме верници или не, е мерка за нашата цивилизација. Денеска ви зборувам од поранешна болничка капела во Лондон. Мислам особено на многуте професионалци и волонтери овде во Обединетото Кралство кои ги користат своите вештини и љубезност за да се грижат за другите, често на своја штета“, изјави кралот Чарлс.
Тој истакна дека искрено им е благодарен на несебичните лекари и медицински сестри кои го поддржаа него и членовите на неговото семејство оваа година низ проблемите што ги донесе болеста.
„Тие ни помогнаа со тоа што ни ја дадоа потребната сила, грижа и утеха. Јас сум длабоко благодарен на сите што ни испратија убави зборови и охрабрување“, рече тој.
За потсетување, Кејт Мидлтон неодамна официјализираше дека го завршила третманот со хемотерапија во септември, додека третманот на кралот Чарлс продолжи и ќе продолжи и следната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.