Европа
(Видео) Во Франција дуваше ветер до 200 километри на час, брановите биле високи 20 метри

Невремето Кијаран денеска ја зафати северна Европа со силни ветришта и дожд, однесе еден живот во Франција и ги стопира аеродромскиот и железничкиот сообраќај и фериботите.
Le plus gros de la tempête s’écarte sur les départements de la Manche ainsi que la Seine Maritime, une vidéo prise à l’instant à Granville avec une mer complètement déchaînée, soyez prudent la #tempete #ciaran poursuit son chemin 😉🙏. pic.twitter.com/1J4ei8yTMj
— MeteoEnFrance (@Meteo_EnFrance) November 2, 2023
Паднато дрво усмрти возач на камион североисточно од Париз, а 1,2 милион домаќинства во Франција останаа без струја.
Властите во Финистер, Бретања, ги повикаа луѓето да останат дома за да ги избегнат ветровите што достигнуваат брзина до 207 километри на час. Брановите во северозападната француска провинција пораснаа до 20 метри, пренесува „Ројтерс“.
It’s a wild cycling day today!#StormCiaran #Ciaran pic.twitter.com/mDDsiPlsl0
— De Filmende Fietser (@FilmendeFietser) November 2, 2023
Бурата Кијаран, која пристигнува по бурата Бабет пред две недели, носи силна млазна струја од Атлантикот. Донесе големи дождови и силен ветер, кои веќе предизвикаа поплави во Северна Ирска.
Во Велика Британија најпогодени се Каналските Острови. Би-би-си јавува дека на островот Гернзи биле уништени прозорци и покриви од куќи поради што семејствата барале засолниште во хотели.
This is how Channel Island looks right now#StormCiaran #Ciaran pic.twitter.com/NTwhkfD4hm
— Shadab Javed (@JShadab1) November 2, 2023
И блискиот југ на Англија беше погоден. Голем број училишта се затворени, а итните служби ги предупредуваат жителите да го избегнуваат брегот.
Холандската авиокомпанија КЛМ објави дека откажала неколку десетици летови од аеродромот „Шипхол“ во Амстердам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Зеленски: Русија со дронови ја дестабилизира Европа

Украинскиот претседател Володимир Зеленски ја обвини Русија дека се обидува да ја дестабилизира Европа со користење беспилотни летала за саботажи и немири.
Зеленски, во видео обраќање доцна во вторникот, рече дека Москва ја користи својата таканаречена „флота во сенка“ не само за финансирање на војната со транспорт на нафта со танкери, туку и за саботажи и разни напори за поткопување на стабилноста низ целиот континент.
„Неодамнешните лансирања на беспилотни летала од танкери се еден таков пример“, рече тој, повикувајќи се на разузнавачки информации од украинските надворешни служби.
The Head of Foreign Intelligence reported in detail on how the Russians are utilizing tankers of their “shadow fleet” – not only to finance the war, but also for sabotage and various destabilization attempts in Europe. Recent launches of drones from tankers are one such example.… pic.twitter.com/B09UQo9EZK
— Volodymyr Zelenskyy / Володимир Зеленський (@ZelenskyyUa) October 7, 2025
Официјалните информации за потеклото на беспилотните летала неодамна забележани во земји, вклучувајќи ги Данска и Германија, сè уште не се потврдени.
Русија негираше каква било вмешаност.
Дмитриј Медведев, заменик-шеф на Советот за национална безбедност на Русија, посочи дека самите украински сили би можеле провокативно да користат вакви беспилотни летала за да ја вовлечат Европа во војна против Русија.
Украина, исто така, произведува беспилотни летала со долг дострел.
фото: принтскрин
Европа
Путин: Украинците се повлекуваат на целата фронтова линија

Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и дека Москва има целосна стратешка иницијатива на бојното поле.
На состанокот со високи воени команданти, Путин рече дека украинските сили се повлекуваат од фронтот во сите сектори.
Тој нагласи дека Киев се обидува да пука длабоко на руска територија, но дека тоа нема да помогне да се промени ситуацијата во војната што трае повеќе од три и пол години.
„Во моментов, руските вооружени сили целосно ја држат стратешката иницијатива“, рече Путин на состанок во северозападна Русија, според Кремљ.
„Оваа година ослободивме речиси 5.000 километри територија, 4.900 километри и 212 населени места.“
Украинските сили, рече тој, „се повлекуваат по линијата на борбен контакт, и покрај обидите за жесток отпор.“
фото: принтскрин
Европа
Мелони: Пријавена сум во Меѓународниот кривичен суд за соучество во геноцид

Италијанската премиерка Џорџа Мелони вчера изјави дека таа и двајца министри се пријавени во Меѓународниот кривичен суд за наводно соучество во геноцид поврзан со израелската офанзива во Газа.
Во интервју за италијанската телевизиска станица РАИ, Мелони рече дека министерот за одбрана Гвидо Кросето и министерот за надворешни работи Антонио Тајани се пријавени во Меѓународниот кривичен суд и рече дека „мисли“ дека тоа се однесува и на Роберто Чинголани, шефот на одбранбената групација Леонардо.
„Верувам дека нема друг случај во светот или во историјата со вакви обвинувања“, рече Мелони.
Таа не прецизираше кој го поднел случајот против неа и министрите.
Меѓународниот кривичен суд истражува, гони и суди лица обвинети за геноцид, воени злосторства и злосторства против човештвото.
Италија беше место на серија демонстрации во изминатата недела, при што стотици илјади луѓе излегоа на улиците во знак на протест против масовните убиства во Газа, а многу демонстранти беа насочени кон Мелони.
Нејзината десничарска влада, во голема мера цврст поддржувач на Израел, неодамна се дистанцира од она што го нарекува „несразмерна“ офанзива во Газа, но не прекина никакви трговски или дипломатски врски, ниту ја призна државата Палестина.
Мелони рече дека е „зачудена“ од обвинувањето за соучество во геноцид бидејќи „секој што ја познава ситуацијата знае дека Италија, на пример, не одобрила нови испораки на оружје во Израел по 7 октомври“.
фото: принтскрин