Свет
(Видео) Гасоводот Иран-Турција во прекин по терористички напад?
Висок претставник на иранската државна компанија за гас тврди дека терористите стојат зад експлозијата и силниот пожар на цевководот кој пренесува природен гас од Исламската Република во Турција, пренесува „Ројтерс“.
„Утрово, терористите нападнаа цевковод за природен гас во Турција во близина на границата на Иран со Турција кај Базарган“, вели директорот за логистика во Националната иранска компанија за гас (НИГЦ), Мехди Џамшиди Дана.
Дана изјави за ИРНА дека борците на Курдската работничка партија (ПКК), герилска група активна во источна Турција, и претходно го напаѓале гасоводот.
Портпаролот на НИГЦ, Мохамед Асгари, во меѓувреме ја опиша експлозијата како инцидент, без да ја поврзе со тероризам. Според него, во инцидентот загинало најмалку едно лице.
Gürbulak sınır kapısı doğal gaz patlaması #gürbulak #gürbulaksınırkapısı #iransınırı pic.twitter.com/3N6RFB2Mwl
— Republicofgalatasaray (@Republicofgala1) March 31, 2020
Експлозијата го потресе гасоводот во близина на граничниот премин Гурбулак со Иран во турската источна провинција Агри околу 6 часот по локално време. Турските медиуми објавија дека експлозијата предизвикала огромен пожар, што можеле да го видат жителите во локалните села, при што огнот достигнал до 40 метри во висина.
Протокот на гас во гасоводот е прекинат бидејќи турските власти ја утврдуваат причината за експлозијата. Турските медиуми не пријавија жртви на терен.
НИГЦ соопшти дека извозот на гас во Турција ќе продолжи неколку дена по санирањето на гасоводот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Фото) Силен земјотрес ја погоди Грција, луѓето на плажите во паника
Силен земјотрес со јачина од 4,9 степени според Рихтеровата скала ја погоди Грција.
Според првата снимка на Геодинамичкиот институт во Атина, земјотресот се случил во 20:34 часот, а неговиот епицентар се наоѓа на 10 километри југозападно од Андравида.
Фокусната длабочина на земјотресот била 14,1 км.
Потресот особено бил почувствуван во Илија, Ахаја и Закинтос.
Корисниците на социјалната мрежа „Х“ коментираат дека тресењето било толку силно, што било забележливо дури и на плажите.
„Некаде таму имаше 4.8 пред малку. Добро го слушнавме на плажата каде што сме“
Κάπου εκεί μέσα έκανε 4,8R πριν από λίγη ώρα. Τον ακούσαμε καλά και στην παραλία που είμαστε.#Σεισμος #Ηλεια #Κυλληνη pic.twitter.com/eNcjIRBQwb
— Romanos 🇬🇷 (@Mead_KDA) July 6, 2024
„Се слушна и на плажата во Пиргос…#земјотрес“
Ακούστηκε και στην παραλία στον Πύργο…#σεισμος
— Legian (@Legian28101878) July 6, 2024
„4.9 на плажата Вартоломеј во фокусот…“
4.9 στην παραλία του Βαρθολομιού το επίκεντρο…#σεισμος
— Chris Pro (@Chris__Pro) July 6, 2024
Засега нема пријави за штети или повредени.
Свет
Руски напад остави без струја над 100 илјади луѓе во Украина
Поради рускиот напад на енергетска централа во Украина денеска, 100.000 луѓе останаа без струја во северозападниот регион Суми.
Во тек е работа на обновување на снабдувањето со електрична енергија, објави националната компанија за дистрибуција на електрична енергија Укренерго, пренесе Би-би-си.
Преживеаните палестински затвореници тврдат дека Израелците прво…
Поради руските удари, дошло до итно исклучување на потрошувачите во регионот Суми и истоимениот град, кој граничи со Русија.
Засега нема информации за жртви или ранети, ниту за големината на материјалната штета.
Русија продолжува да ги таргетира енергетските капацитети низ Украина, често оставајќи ги потрошувачите без струја и вода за пиење.
За само три месеци Украина загуби девет гигавати производствен капацитет поради непријателски дејствија, објави Укренерго.
Ова е нешто повеќе од една третина од капацитетот што Украина го имаше пред почетокот на војната со Русија.
Полска го пренесува својот вишок електрична енергија во Украина за да и помогне да ја надмине кризата предизвикана од руските напади.
Во меѓувреме, украинската противвоздушна одбрана собори 24 од 27 беспилотни летала камикази од типот Шахед испратени од Русија во текот на изминатиот ден, објави командата на украинските воздухопловни сили.
Беспилотните летала беа пресретнати на повеќе области, вклучувајќи го и регионот Шуми, со употреба на електронско заглавување и противвоздушна одбрана, пренесува Танјуг.
Свет
Преживеаните палестински затвореници тврдат дека Израелците прво ги ослободиле, а потоа фрлале бомби врз нив
Преживеаните палестински затвореници во Газа сведочеа дека набрзо откако биле ослободени од израелски притвор, израелските сили фрлиле бомби врз нив, при што загинале голем број луѓе.
Фарид Собх во видео-сведочењето рече дека бил приведен со околу 15 Палестинци.
“По четири дена во притвор, бевме ослободени. Ни беа врзани лисици и очи. Израелските војници постојано не мачеа. Дури и уринираа врз нас. Ме тепаа, ме клоцаа и ме тепаа цела”, рече тој.
Собх рече дека после тоа биле ослободени и дека кога тргнале на пат, фрлиле гранати кон нив и испукале ракета со дрон.
„Некои (седум) мои луѓе беа убиени. Избегав и за чудо преживеав. Дојдов во оваа болница (Насер во Кан Јунис) за да ги проверам повредите што ги добив“, рече тој.
Махмуд Абу Таха, уште еден преживеан, ги потврди наводите на Собх, пренесува Танјуг.