Британскиот премиер Кир Стармер денеска изјави дека тој и лидерите на Франција, Германија и Полска, како и украинскиот претседател Володимир Зеленски, се согласиле дека позицијата на Русија во мировните преговори е „неприфатлива“ и дека за тоа разговарале со американскиот претседател Доналд Трамп.

Зборувајќи заедно со францускиот претседател Емануел Макрон, германскиот канцелар Фридрих Мерц и полскиот премиер Доналд Туск на самитот на Европската политичка унија во Тирана, Стармер рече дека лидерите се координираат за нивниот одговор.

Украински официјален претставник во Истанбул ја обвини Русија за „неприфатливи“ територијални претензии за поткопување на разговорите.

„Руските барања се разделени од реалноста и одат многу подалеку од сè што е претходно дискутирано. Тие вклучуваат ултиматуми Украина да се повлече од нејзината територија за прекин на огнот и други неконструктивни услови“, изјави извор за Ројтерс, опишувајќи ги разговорите меѓу претставниците на двете земји во Истанбул.

Украина е подготвена да ги преземе најбрзите можни чекори за мир, изјави претседателот Володимир Зеленски откако тој и европските лидери телефонски разговараа со американскиот претседател Доналд Трамп.

„Нашиот став е – доколку Русите одбијат целосно и безусловно примирје и крај на убиствата, мора да следат остри санкции“, рече Зеленски.

„Притисокот врз Русија мора да се задржи додека не биде подготвена да ја заврши војната.

Телефонскиот разговор меѓу Зеленски, Макрон, Мерц, Стармер и Туск со американскиот претседател се случил по завршувањето на разговорите меѓу украинската и руската делегација во Истанбул.

Турскиот претседател Реџеп Таип Ердоган денеска во Тирана ја повика Европа да ги охрабри преговорите меѓу Украина и Русија без поставување услови, како и да покаже интерес за страдањата на Палестинците во Појасот Газа.

Говорејќи на самитот на Европската политичка заедница, тој рече дека Турција прави се што може во врска со тековните руско-украински преговори во Истанбул, додавајќи дека се сретнал со украинскиот претседател Володимир Зеленски.

Зборувајќи за Газа, Ердоган ги повика европските земји да ја покажат потребната волја и интерес да помогнат во воспоставувањето на прекин на огнот.

– Во Газа веќе 20 месеци се случува катастрофа без преседан. Мораме да кажеме стоп за ова, мораме да кажеме доста е. Агресивниот став на Нетанјаху го загрозува целиот наш регион и луѓето од различни вери. Очекуваме Европа да го покаже потребниот интерес. Рамнодушноста на Европа кон гладот ​​на луѓето во Газа е некомпатибилна со хуманоста – рече тој.

Турскиот претседател истакна дека ЕУ треба да ги преиспита шенгенските визни практики за да ја поттикне економската и социјалната мобилност, истовремено пофалувајќи ги новите европски одбранбени инвестиции.

Украинскиот министер за одбрана Рустем Умеров, кој ја предводи украинската делегација на преговорите во Истанбул, по завршувањето на преговорите со руската страна најави можна размена на затвореници со Русија по принципот „1000 за 1000“, пренесоа украинските медиуми.

„Го знаеме датумот, но сè уште нема да го откриеме“, рече Умеров, додавајќи дека размената би можела да се случи наскоро.

❗️A “1000 for 1000” prisoner exchange may take place in the near future. We know the date, but we will not say it yet, – the head of the Ukrainian delegation Umerov. pic.twitter.com/8ttwcQSn9A

— 🪖MilitaryNewsUA🇺🇦 (@front_ukrainian) May 16, 2025