Свет
(Видео) Голема експлозија во Кенија, има загинати

Во голема експлозија на гас во главниот град на Кенија, Најроби, загинаа најмалку две лица, а повредени се најмалку 222. Камион со гас експлодираше во областа Ембакаси околу 23:30 часот, „предизвикувајќи голем пожар“, изјави владиниот портпарол Исак Мваура.
Оштетени се станбени згради, комерцијални објекти и автомобили, а на видеото се гледа како голем пожар беснее во близина на станбените блокови. Претходно владата соопшти дека експлозијата се случила во фабрика за гас. Причината се уште се утврдува.
WATCH: Massive gas explosion in Nairobi, Kenya. At least 2 dead, 167 injured. Death toll expected to rise pic.twitter.com/cfle9onXYT
— BNO News (@BNONews) February 2, 2024
Мваура рече дека огнената топка од експлозијата „се раширила многу“, а летечка плинска боца удрила во складиште за облека и текстил, палејќи го. Тој додаде дека пожарот се проширил низ неколку населени места.
Two people killed, 222 injured after an explosion at a gas refilling company in Embakasi, Nairobi. pic.twitter.com/Ekn5w46Bfl
— Citizen TV Kenya (@citizentvkenya) February 2, 2024
Очевидци изјавија за локалните медиуми дека почувствувале потреси веднаш по експлозијата. Многумина од повредените наводно имаат повреди при вдишување, а меѓу нив има најмалку 25 деца, пишува весникот Стандард.
„Бев изгорен додека се обидував да избегам“, изјави за Ројтерс еден од повредените, Бонифасис Сифуна. „Експлодираше точно пред мене, ударот ме собори и ме зафати во пламен. Имам среќа што бев доволно силен да излезам“.
Кенискиот Црвен крст објави на социјалните мрежи дека екипажите „неуморно се борат со пламените јазици“. Мваура рече дека местото на експлозијата е обезбедено и формиран е команден центар за да помогне во координирањето на спасувачките операции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.