Свет
(Видео) Голем напад со дронови врз Киев, експлозии одекнуваа два часа
Руските сили извршија воздушен напад врз Киев рано утринава, а експлозии одекнуваа низ главниот град на Украина и регионот речиси два часа, додека делови од погодените беспилотни летала паднаа врз неколку централни области на градот, соопштија официјални лица.
Очевидци изјавија за „Ројтерс“ дека слушнале најмалку пет експлозии низ Киев, а снимките од украинските медиуми покажуваат дека неколку автомобили се оштетени.
Според „Франс 24“, воените власти на Киев во неделата соопштија дека Русија лансирала 32 беспилотни летала камикази во напад на Украина, додавајќи дека 25 од нив биле соборени. Повеќето од беспилотните летала, соопшти украинската војска, биле насочени кон регионот на Киев.
Градоначалникот на Киев, Виталиј Кличко, соопшти дека едно лице е повредено во Подил, една од најстарите населби во градот и дека избувнал пожар во близина на еден од градските паркови.
❗ As a result of a nighttime Russian attack on Kyiv one person was injured. 26 out of 33 drones were intercepted by Ukrainian Air Defense. Most wreckage landed in open areas, but some damage was reported. pic.twitter.com/yNrB96X2jV
— UNITED24media (@United24media) September 10, 2023
Делови од соборените беспилотни летала паднале на областите Дарницки, Соломјански, Шевченковски, Свјатошински и Подилски, објавија Кличко и градската воена управа. Во населбата Шевченковски, остатоци од дрон предизвикаа пожар во стан, кој брзо беше локализиран. Во моментов нема извештаи за повредени, објави на Телеграм Сергеј Попко, шеф на воената администрација во Киев.
Москва редовно врши ноќни напади на територијата на Украина, а во рускиот напад во средата загинаа 17 лица во градот Костијантиновка, јавува Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.