Свет
(Видео) Голем пожар во зграда во центарот на Сао Паоло
Најмалку едно лице загина во пожар кој избувнал во напуштена зграда во центарот на бразилскиот градот Сао Паоло, објави телевизијата „Глобо“. Станува збор за 26-катна зграда која поради пожарот се урнала. Едно лице загинало додека пожарникарите се обидувале да го спасат.
Телевизиските снимки го покажуваат застрашувачкиот момент во кој пожарникар се обидува да дојде до човек заглавен во зградата за време на нејзиниот колапс, еден час по избувнувањето на огнот.
Пожарникарите продолжиле да се борат со огнената стихија што се проширила и на соседна зграда, која била евакуирана и не била загрозена од колапс.
Причината за пожарот засега не е позната, но се шпекулира дека станува збор за истекување на гас. Се стравува дека може да има повеќе жртви.
Тројца луѓе се водат за исчезнати, изјави Андре Илија, претставник на противпожарната служба. Во гаснењето на пожарот учествувале 160 пожарникари со 57 возила за противпожарна заштита.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.
Свет
Ердоган по повод Денот на Европа: Односот на некои земји кон кризата во Газа ја разниша вербата во европските вредности
Претседателот на Турција, Реџеп Таип Ердоган, објави порака по повод Денот на Европа, во која посочи дека политиката што ја спроведуваат некои европски институции и земји во контекст на кризата во Газа ја разнишаа вербата во европските вредности.
Ердоган изјави дека 9 мај, кога беше објавена декларацијата на Шуман, со која беа поставени темелите на европската интеграција, во Турција се доживува како Ден на Европа од 1999 година кога Анкара го доби статусот на кандидат за членство во Европската Унија.
„Денот на Европа, 9 Мај, не само што го означува почетокот на политичкото и економското единство на Европа туку ги означува и мирот и стабилноста, кои се плод на децениските заеднички напори“, посочи тој.
Свет
ОН: 109 Палестинци убиени, 296 ранети во Појасот Газа од понеделник до среда
Најмалку 109 Палестинци беа убиени, а 296 ранети во израелските напади врз Појасот Газа од понеделник до среда попладне, вклучително и жени и деца што беа убиени во нападите на станбени куќи во Рафа, соопшти канцеларијата на Обединетите нации за координација на хуманитарните прашања (УНОЧА) врз основа на податоците добиени од Министерството за здравство во Газа контролирано од Хамас.
УНОЧА соопшти дека 32 лица биле убиени во шест израелски напади врз Рафа, меѓу кои 11 деца и осум жени.
Девет лица, меѓу кои четири деца и две жени, загинаа во израелски напад врз бегалски камп југоисточно од Рафа.
Девет лица загинаа во нападот во источна Рафа, меѓу кои четири деца и три жени.
Две деца и две жени загинаа кога беше погодена нивната куќа во источниот дел на Раф.
Пет лица, меѓу кои една жена и едно дете, загинаа во израелски напад врз куќа во западна Рафа.
Според УНОЧА, во два одделни напада на истокот и западот на Рафа загинаа уште пет лица, пренесе „Ал џезира“.