Свет
(Видео) Голем протест за Палестина во Лондон, властите предупредија дека поддржувачи на Хамас ќе бидат уапсени

Илјадници демонстранти се приклучија на пропалестинскиот митинг во центарот на Лондон денеска среде војната меѓу Израел и Хамас. Маршот започна околу 13 часот, а пропалестинските активисти претходно денеска го обоија седиштето на Би-би-си во црвено.
Активистичката група Палестинска акција ја презеде одговорноста за вандализмот на зградата рано утринава, обвинувајќи ја телевизијата дека има „палестинска крв на рацете“. Поддржувачите на демонстрациите запалија црвени, зелени и црни факели и извикуваа „Слободна, слободна Палестина“ и „Од река до море, Палестина ќе биде слободна“. Палестинска акција известува дека тензиите накратко зовреле меѓу демонстрантите и граѓаните на улицата Риџент.
Маршот го организира Кампањата за солидарност на Палестина заедно со голем број други групи, меѓу кои: Пријатели на Ал Акса, Коалиција „Стоп за војната“, Муслиманско здружение на Британија, Палестински форум во Британија и Кампања за нуклеарно разоружување.
Лондонската полиција распореди повеќе од 1.000 полицајци за да го обезбеди маршот и предупреди дека секој што ќе покаже поддршка за Хамас или ќе отстапи од рутата може да биде уапсен.
A major protest against Israel is taking place in London right now pic.twitter.com/oslNJg4oVO
— Visegrád 24 (@visegrad24) October 14, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Две лица загинаа, а 19 се ранети во четвртиот ирански напад врз Израел

Иран утрово започна четврти бран ракетни напади врз Израел, во рамки на Операцијата „Вистинско ветување 3“, соопшти иранската државна телевизија. Ова претставува одмазда за претходните напади на израелските воздухопловни сили врз ирански цели во четвртокот навечер.
Израелските одбранбени сили (ИДФ) потврдија дека детектирале ракети истрелани од Иран и веднаш активирале одбранбени механизми. Во неколку израелски региони се огласија сирени, а жителите беа повикани да се засолнат.
„Израелските воздухопловни сили се во моментална операција за пресретнување на ракетите. Граѓаните мора да ги следат инструкциите и да останат во засолништа додека не се елиминира опасноста“, соопшти прес-службата на ИДФ.
Израелските медиуми известуваат дека експлозии се слушале во Тел Авив и Ерусалим. Медицинските служби потврдија дека најмалку две лица загинале, а 19 се ранети откако ракета погодила станбена зграда во централен Израел.
„Најмалку една жена е во сериозна состојба, а неколкумина се уште се под урнатините“, изјави Ели Бин, директор на „Маген Давид Адом“, израелската верзија на Црвениот крст.
Од друга страна, според израелскиот весник „The Jerusalem Post“, најмалку 63 лица се повредени од гранатирањето, додека поголемиот дел од иранските ракети биле соборени или не стигнале до целта.
Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.