Свет
(Видео) Двојничката на Меркел заминува во пензија, водеше двоен живот а никогаш не ја запозна канцеларката

Шеесет и петгодишната Урсула Ванецки има сон конечно да ја запознае канцеларката Ангела Меркел и да размени совет со неа како да направи Шлезиска торта од сливи, пренесува „Гардијан“.
„ Сигурно знам дека сака да ја прави таа торта, со прелив од трошки. Замислувам како седиме во нејзината градина, пиеме кафе и јадеме торта – со крцкави трошки – далеку од очите на јавноста“ рече Ванецки.
Меркел знае за Ванецки, која ја имитира речиси откако стана канцелар, па дури и испрати потпишана книга, што Ванецки ја смета за премолчено одобрување на нејзината неконвенционална улога.
Нејзиното присуство во јавноста како водечка германска двојничка на Ангела Меркел, во сè, од сатирични ТВ емисии и отворање супермаркети до приватни свадби и роденденски прослави, ја преокупира во изминатите 16 години, иако таа тоа го нарекува нејзино „хоби“.
Кога Меркел (67) ќе се повлече од својата функција следниот месец, истото планира да го стори и 65-годишната Ванецки.
„ Најмногу се радувам што повторно ќе можам да носам лак за нокти и големи обетки, нешто што Меркел никогаш не го прави“, се пошегува таа.
Нејзиниот втор живот започна речиси случајно, без апсолутно никаков напор од нејзина страна, рече Ванецки во неодамнешното интервју на интернет од нејзиниот скромен трисобен стан во Атендорн, Западна Германија.
„ Кога мојот внук беше многу мал, ја виде Ангела Меркел на ТВ вести и ѝ рече на мајка си: „Тоа е баба“. Потоа на една свадба облеков костум во боја на кајсија, нешто слично како што носеше таа – бојата ни одговара на двете – а подоцна се облеков како она за одење на карневал. И така започна сè“ – рече таа.
И покрај тоа што е повисока од Меркел и носи чевли број 40, во споредба со 38-те на Меркел, како и тоа што има подолги, тенки нозе, таа вели дека повеќето луѓе не ја забележуваат разликата, особено ако никогаш не ја виделе Меркел во живо.
Ванецки глуми во бројни филмови на британската фотографка и филмска режисерка Алисон Џексон, која е специјализирана за сценарија кои користат двојници на познати личности.
Еднаш дури успеа да се најде и на насловни страница на списание за хомосексуални жени, во кое ја глумеше Меркел во интимен амбиент со друга жена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција воведува социјални станови за справување со станбената криза

Грчката влада најави две нови мерки за ублажување на една од најтешките станбени кризи во Европа — воведување социјален наем и социјални станови.
Министерката за социјална кохезија и семејство Домна Михаилиду изјави дека проектите ќе се базираат на користење на запуштени државни имоти, меѓу кои и поранешни воени кампови во Атина, Солун и Патра, каде ќе се изградат 1.500–1.700 станови за домаќинства со средни приходи.
Втората мерка предвидува јавнo-приватно партнерство: приватните инвеститори ќе ги обновуваат напуштените јавни згради, а на државата ќе ѝ препуштаат најмалку 30 отсто од новите станови.
Иако мерките се оценети како позитивен чекор, експертите предупредуваат на бавни административни постапки и сложеност на имотните односи, што може да го успори процесот.
Според анализата на платформата „Просперити“ просечната цена на недвижнините во Грција достигнува 300.000 евра, додека новоградбите се достапни само за висока класа. Стапката на сопственост паднала за 12 отсто, а младите сѐ потешко доаѓаат до свој дом.
„Просперити“ предлага дополнителни решенија — наем со можност за купување, државни гаранции и даночни олеснувања, како и попрогресивен данок за празни станови и создавање национална база на податоци за недвижнини.
Како што вели Антониос Маркопулос од „Просперити“: „Клучот за стабилизирање на пазарот е транспарентност.“
Фото: архива
Регион
Стармер: Балканот е европско искушение

Британскиот премиер Кир Стармер (Кир) го опиша Западен Балкан како европски „казан“, отворајќи го денес самитот со лидерите во Лондон, кој е главно фокусиран на решавање на предизвикот со миграцијата, објави Радио Слободна Европа (RSE).
Премиерот е домаќин на лидерите на шесторката од Западен Балкан – Северна Македонија, Црна Гора, Србија, Албанија, Босна и Херцеговина и Косово, додека Велика Британија се обидува да се договори за понатамошни мерки за намалување на бројот на мигранти кои доаѓаат нелегално.
Велика Британија, според написите, е во тековни преговори со некои од земјите за домаќинство на таканаречени центри за враќање каде што Велика Британија би можела да ги испрати одбиените баратели на азил пред да бидат депортирани.
„Регионот е опишан како раскрсница на Европа, но честопати бил и европско искушение – казан каде што безбедноста на нашиот континент е ставена пред искушени“, рече британскиот премиер.
Стармер додаде дека разговорите ќе се фокусираат на безбедноста, миграцијата и економскиот раст, и дека лидерите ќе разговараат за тоа како да се справат со „малигното влијание“ на Русија, како и за искоренување на корупцијата и вообичаените миграциски прашања.
„Западен Балкан долго време е витална транзитна рута за криминални банди на шверцери. Не сакате да ги видите овие банди како дејствуваат на ваша територија, а сите ние ги трпиме последиците од нивните постапки“, рече Стармер.
Покрај лидерите од Србија, Црна Гора, Босна и Херцеговина, Косово, Северна Македонија и Албанија, британскиот премиер ги пречека претставниците на Германија, Франција и другите членки на ЕУ на Самитот во Лондон, додека британскиот крал Чарлс III организираше прием за учесниците.
Самитите на Берлинскиот процес се одржуваат еднаш годишно, а последниот беше во октомври 2024 година во Берлин.
Фото: принтскрин
Свет
Захарова го нарече полскиот министер за надворешни работи „Осама бин Сикорски“

Марија Захарова, портпаролка на руското Министерство за надворешни работи, го нарече полскиот министер за надворешни работи Радослав Сикорски „Осама бин Сикорски“ по неговиот повик до Киев да изврши терористички напад врз нафтоводот „Дружба“, кој ги снабдува Унгарија и Словачка со руска нафта, објавува Спутник.
„Полскиот министер за надворешни работи Сикорски, одговарајќи на унгарскиот министер за надворешни работи Петер Сијарто, изрази надеж дека нафтоводот „Дружба“ ќе биде дигнат во воздух. Кои други објекти од цивилната инфраструктура, од гледна точка на Осама бин Сикорски, треба да бидат уништени?“, напиша Захарова на својот Телеграм канал.
Порано денес, полскиот министер практично го покани режимот во Киев да изврши терористички напади врз нафтоводо„Дружба“, кој ги снабдува Унгарија и Словачка со руска нафта, изразувајќи надеж дека украинските вооружени сили ќе успеат да го онеспособат, според написите.
Претходно, Окружниот суд во Варшава го отфрли барањето на Германија за екстрадиција на украински државјанин осомничен за саботажа на гасоводите „Северен тек“ и нареди негово итно ослободување, објавија медиумите.
Унгарскиот министер за надворешни работи Петер Сијарто на 22 август објави дека снабдувањето со нафта за Унгарија преку гасоводот „Дружба“ е суспендирано по трет пат во последно време поради украинскиот напад. Словачка и Унгарија потоа поднесоа жалба до Европската комисија во врска со прекините во испораката на нафта и побараа гаранции за нивната безбедност. Унгарскиот министер за надворешни работи, исто така, објави дека унгарските власти му забраниле на Роберт Бровди, командантот на беспилотните системи на украинските вооружени сили, влез во земјата и, следствено, во Шенген зоната. Подоцна, на маргините на Руската недела на енергија, Сијарто им изјави на новинарите дека нападите врз нафтоводот „Дружба“ всушност се напади врз суверенитетот на Унгарија.
Фото: принтскрин