Свет
(Видео) Детали за страшната експлозија во Абу Даби: Граѓаните стравуваа од терористички напад

Тимовите за цивилна одбрана во главниот град на Обединетите Арапски Емирати, Абу Даби, соопштија дека гаснеле пожар предизвикан од експлозија на плинска боца рано наутро во средата, додека американската амбасада издаде предупредување за можен терористички напад со ракета или беспилотно летало, пренесуваат агенциите.
Според соопштението на државната новинска агенција, во пожарот нема повредени.
„Специјализирани тимови го изгаснаа пожарот, превентивно ја евакуираа зградата и пожарот е ставен под контрола“, соопштија тие.
Дел од меѓународните медиуми објавија за експлозијата во Абу Даби, додека на Твитер се проширија снимки од експлозијата, кои многумина го опишаа како напад на проектили или беспилотни летала од страна на Хутите.
According to #IRGC affiliated media, #Houthi rebels conducted a drone strike at Abu-Dhabi, the #UAE's capital. As a result, a small loitering drone hit a commercial building in the city center resulting in damages to civilian property. Houthis are terrorizing people in UAE. pic.twitter.com/aIbowylgr7
— Babak Taghvaee – Μπάπακ Τακβαίε – بابک تقوایی (@BabakTaghvaee) February 8, 2022
Експлозијата се случи на улицата Хамдан во главниот град на Обединетите Арапски Емирати, каде што се одржува Светското клупско фудбалско првенство.
Државната новинска агенција соопшти дека пожарот бил последица на експлозија на боца со гас. Некои снимки покажуваат нешто што личеше на огнена топка на покривот на зградата додека на улицата можеа да се видат возила на брза помош, пренесуваат агенциите.
Yerel kaynakların aktardığı bilgilere göre #AbuDhabi'de yaşanan patlamanın Hussiler tarafından yapılmış bir füze saldırısı olabileceği yönünde. pic.twitter.com/Qsh6lF9DPN
— Erhan Akbaş (@akbaserhan) February 8, 2022
Инцидентот предизвика страв од можен напад на јеменските бунтовници Хути, одговорни за нападот со беспилотни летала врз нафтените постројки во главниот град на ОАЕ во јануари, што резултираше со тројца смртни случаи.
Во последните недели, Емиратите спречија други ракетни напади насочени кон таа земја.
Властите нагласија дека сите дежурни екипи се справуваат со ситуацијата и ја повикаа јавноста да ги следи вестите на официјалните власти на Обединетите Арапски Емирати и да избегнува ширење гласини и лажни информации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.