Свет
(Видео) Димна бомба фрлена врз премиерите на две европски земји: итно беа евакуирани

Димна бомба беше фрлена врз премиерите на Холандија и Полска, Дик Шуф и Доналд Туск, додека тие зборуваа на комеморативен настан во градот Вагенинген.
На прославата по повод 80-годишнината од ослободувањето на Холандија, полскиот премиер Доналд Туск се најде во центарот на инцидент кога беше фрлена во негов правец димна бомба за време на церемонијата, непосредно пред да го запали симболичниот „пламен на ослободувањето“.
W TVNie już mówią że przeżył 😂😂😂😂😂
Tusk dostał racą ‼️szkoda że tylko racą? i niech w łeb Ale skurwiela kochają nie tylko w Polsce 😂😂😂😂 Szybko go zabrali do schronu😂 pic.twitter.com/OtnvSltQ9y
— 🇵🇱Bon Scott🇵🇱 (@callofkosa) May 5, 2025
Со него на сцената беше неговиот холандски колега Дик Шуф.
За време на церемонијата, запаливата направа падна пред нозете на полскиот премиер, фрлен од некој во толпата, од кои некои држеа транспаренти со кои беше критикувана војната во Појасот Газа. Туск веднаш беше отстранет од сцената.
Според светските медиуми, овој инцидент можеби бил насочен против полскиот премиер.
Во исто време, за време на претходниот дел од церемонијата, кога зборуваше холандскиот министер за одбрана Рубен Брекелманс, некои луѓе извикуваа пропалестински слогани.
Холандските медиуми објавија информации за пет апсења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Напад во кривичниот суд во Њујорк, има повредени

Тројца судски службеници денес биле нападнати со нож и повредени во зградата на Кривичниот суд на Менхетен, потврдија два извори од њујоршката полиција кои се запознаени со нападот.
„Осомничениот напаѓач е приведен по нападот врз службениците во зградата на судот на Централната улица во Њујорк. Нападот се случил близу фоајето“, изјавил неименуван полициски извор за NBC.
Еден судски службеник се здобил со посекотини на лицето, друг на вратот, а третиот бил повреден кога осомничениот го фрлил на подот обидувајќи се да побегне, се наведува во извештајот на американската телевизиска мрежа.
Сите тројца повредени се медицински згрижени и се чувствуваат добро, а истрагата е во тек, иако засега не е јасно што бил мотивот за нападот.
Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.