Свет
(Видео) Додека Европа гори, студен бран на јужната хемисфера ги спушти температурите на рекордно ниско ниво

Невообичаено силен студен бран на јужната хемисфера ја погоди Аргентина спуштајќи ги температурите на рекордно ниски нивоа и убивајќи најмалку девет лица во последните 10 дена, а бројот на бездомници драматично се зголеми, според податоците од невладина организација специјализирана за ова прашање.
Студениот бран стана уште посилен на почетокот на неделата, а живата во термометрите покажа дури -19 степени в зори во средата во главниот град Буенос Аирес. Ова е најниската измерена температура во последните 34 години, според Аргентинската метеоролошка служба, пренесуваат медиумите во регионот.
🇦🇷|❄️ Nevada histórica cubre una ciudad costera en Argentina
Una intensa ola polar provocó una nevada sin precedentes en Miramar, cubriendo playas, calles y techos con un manto blanco que no se veía desde hace más de 30 años.
La ciudad balnearia pic.twitter.com/OQOJTxP5ay
— Carlos alberto Pedeaña villeras (@PedeanaCarlos) July 1, 2025
Што се однесува до поширокото подрачје на главниот град, во Ел Паломар беа измерени -7,4 Целзиусови степени, што е најниската температура во последните 58 години и втората најниска од 1935 година.
#Viral 🌡️❄️ Mientras el hemisferio norte del planeta arde con más de 40 °C, en el sur el frío hace historia: 🧊 🇦🇷 En Miramar, #Argentina, nevó en la playa por primera vez en 34 años 🏖️🌨️ 🇨🇱 En #Chile, el termómetro bajó hasta -19 °C 🌎🥶 Video: Jean Suriel pic.twitter.com/DQ7NDgVQxs
— Noticias En La Mira (@OficialEnLaMira) July 2, 2025
Атлантските плажи, како што е Мирамар, која се наоѓа на 450 километри од Буенос Аирес, беа покриени со снег на почетокот на неделата, што не се случило веќе 12 години.
Во градот Масинчао, мала заедница од 3.000 жители во Патагонија, 1.400 километри јужно од главниот град, термометрите се движат помеѓу -12 степени и -18 Целзиусови степени од понеделникот. Сепак, далеку од рекордот од -35° Целзиусови, кој датира од 1991 година.
Невладината организација специјализирана за помош на бездомниците, „Проекто 7“, објави дека девет лица починале од изложеност на студ во целата земја во последните 10 дена од почетокот на зимата на јужната хемисфера. Сепак, властите сè уште не ги потврдиле овие податоци, ниту го презентирале официјалниот број на жртви.
Невладината организација се осврна на случаите за кои пишуваше локалниот печат во провинциите во последните недели. Жена беше пронајдена почината на паркинг во Мар дел Плата (југ), маж беше пронајден мртов на клупа во Парана (север).
Медиумите потсетуваат дека додека во Аргентина умираат од студ, Европа гори од високи температури. Веќе неколку дена Франција, Италија, Шпанија, Португалија, Грција, Германија и Турција се борат со бран екстремна топлина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Скандал во Генералното собрание: стотици дипломати му го свртеа грбот на Нетанјаху, ја напуштија салата

Премиерот на Израел, Бенјамин Нетанјаху, се обрати на денешното продолжение на сесијата на Генералното собрание на ОН, а пред говорот, стотици дипломати ја напуштија салата.
Кога Нетанјаху се качи на говорницата, неколку стотици дипломати од целиот свет, решија да испратат јасна и директна порака, пренесуваат медиумите.
Delegates walk out in protest as Israeli PM Benjamin Netanyahu – who has an ICC arrest warrant against him for alleged war crimes in Gaza – arrived at the podium to address the #UNGA80 assembly. pic.twitter.com/1oXNP14wPk
— Al Jazeera English (@AJEnglish) September 26, 2025
Во исто време, израелските дипломати кои останаа во салата се обидоа со аплауз да го одвлечат вниманието на присутните во салата, како и на публиката која го следеше Генералното собрание преку ТВ екрани или преноси во живо преку веб-страницата на ОН.
Претседавачите на Генералното собрание на Обединетите нации се обидоа да воспостават ред и мир во салата, но тоа не беше можно.
На овој начин, бројни дипломати го искажаа своето мислење за израелската политика на Блискиот Исток и со заминувањето, јасно ставија до знаење дека не сакаат да го слушаат обраќањето на израелскиот премиер, според написите.
Фото: принтскрин
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Свет
Зеленски: Ќе ги вратиме изгубените територии преку дипломатија, а не со сила

Украинскиот претседател Володимир Зеленски, зборувајќи за потенцијалните нови граници меѓу Русија и Украина, рече дека Украина е подготвена да разговара за тоа.
„Ако утре има прекин на огнот, ако немаме сила да ги вратиме овие територии, тогаш сме подготвени да разговараме за тоа. Подготвени сме да ги вратиме некогаш во иднина преку дипломатски средства, а не со сила“, рече Зеленски во интервју за „Аксиос“, одговарајќи на прашањето дали е подготвен да ги признае промените на границите.
Тој исто така рече дека би бил подготвен да поднесе оставка по завршувањето на војната, но дека Украина продолжува да одговара на руските напади.
Зеленски исто така рече дека ако руските претставници не ја запрат војната во Украина, подобро е да си најдат свои нуклеарни засолништа.
Украинскиот претседател е убеден, рече тој по средбата со американскиот претседател Доналд Трамп, кој потоа објави на платформата Truth Social, дека сега верува дека Украина може целосно да ја добие војната, и дека добил поддршка од Трамп за целни напади врз руските енергетски објекти и фабрики за оружје.
„Секако, бев позитивно изненаден“, рече Зеленски, кратко пред да го напушти Генералното собрание на ОН и да се врати во Киев, коментирајќи ја објавата на Трамп.
Кога беше прашан што се променило, Зеленски рече дека тоа е „односот на Трамп со Путин“ и дека по средбата во Алјаска каде што Трамп му дал на Путин, според него, „повеќе отколку што заслужува“, американскиот претседател сфатил дека сојузот со Путин „нема да му донесе успех“.
Зеленски рече дека Трамп му рекол дека Украина треба да изврши реципрочни напади „око за око“ врз руската енергетска инфраструктура и складиштата за оружје и дека тој ќе „работи за да се осигури“ дека Украина ќе добие неодреден нов систем со долг дострел.
Украинскиот претседател додаде дека Трамп наскоро би можел повторно да го промени курсот, според написите.
Фото: принтскрин