Европа
(Видео) Досега невидена снимка од Путин: играше пикадо и пинг-понг, па отиде на риболов

Се појави видео на кое се гледа како сегашниот руски претседател Владимир Путин е во посета на Финска на почетокот на 90-тите. Финскиот радиодифузен сервис YLE доби како никогаш досега виден аматерски филм од анонимен извор. Видеото е направено набргу откако Путин, кој тогаш имал 40-ина години, станал советник на Анатолиј Собчак, градоначалникот на Санкт Петербург.
Путин и Собчак на снимката играат пинг-понг против телохранителите на градоначалникот. Путин во еден момент се насмевна. Потоа отиде на риболов. Путин е свртен со грбот кон камерата, иако јасно е свесен дека го снимаат, пишува „Гардијан’.
Archival videos of Putin from the early 1990s were published by Finnish broadcaster Yle
“A unique home archive shows how Putin spent his free time at a luxury villa in southern Finland during the collapse of the Soviet Union.”
At the time, Putin was head of the foreign… pic.twitter.com/WJYX8pi1U4
— NEXTA (@nexta_tv) September 24, 2023
На враќање сопругата на Путин во тоа време, Људмила, ја вади уловената риба. Во видеото се гледаат и нивните две ќерки, Марија и Катерина. Путин потоа игра пикадо. Филмот е снимен во угостителска вила во сопственост на финската компанија „Томесто“, која увезувала дрва од Русија.
Вилата се наоѓала на островот Торсо, околу 95 километри западно од Хелсинки, на јужниот брег на Финска. Инаку, сегашниот руски претседател се врати во Ленинград – сегашен Санкт Петербург – во 1990 година по поминати пет години како разузнавач на КГБ во источногерманскиот град Дрезден.
Тој му се приклучи на тимот на Собчак и стана шеф на Комитетот за надворешни односи, одговорен за трговски прашања и странски инвестиции. Од тој период датираат и првите обвинувања против Путин за корупција. Путин тврди дека поднел оставка од КГБ во август 1991 година во знак на протест поради неуспешниот пуч против Михаил Горбачов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Што прави папата?

Кардиналите ќе се состанат на конклава по смртта на папата Франциско за да го изберат неговиот наследник – но кои се вистинските должности и овластувања на поглаварот на Католичката црква? Зборот папа доаѓа од грчкиот „pappas“ што значи „татко, патријарх“. Поради оваа причина, верниците го нарекуваат и „Свети Отец“.
Управител на Црквата
Сметан за наследник на Свети Петар, на кого Христос му ја доверил мисијата за управување со Црквата, папата е духовен водач на повеќе од 1,4 милијарди католици ширум светот. Неговата улога е да ја зачува и поучува христијанската вера, да ги толкува евангелијата и да го обезбеди единството на Црквата.
Шефот на државата
Папата е и шеф на државата Ватикан, независна држава опкружена со Рим, која со 44 хектари е најмалата во светот. Во ова својство, папата има апсолутна власт – извршна, законодавна и судска.
Папите ги примаат шефовите на држави на „приватна аудиенција“ што овозможува размена на мислења за актуелни теми или позиции на Светата столица, која како духовна и административна власт за римокатолиците во светот има статус на суверен субјект според меѓународното право.
Доктрина и учење
Папата пишува документи како што се енциклики или апостолски опомени, со што ги одредува доктринските и моралните прашања, ги води верниците и ја реформира Црквата. Во дванаесетте години од неговиот понтификат, Франциско на тој начин го отвори патот за благослов на истополовите парови, ги ограничи латинските миси и презеде мерки за борба против сексуалното насилство во Црквата.
Папата има и учителска мисија преку своите говори. Покрај тоа што проповеда на миси, тој секоја среда наутро во Ватикан одржува јавни катехези за време на неделната општа аудиенција.
Именувања
Папата го има последниот збор во назначувањето епископи во епархиите ширум светот, од кои има приближно три илјади. Папата назначува и кардинали, а оние помлади од 80 години го избираат неговиот наследник. Неговиот збор е конечен дури и во именување на блажените и светителите. Може да свикува и синоди – собири на лаици и верски поглавари на кои ќе разговараат за одредени теми.
Патувања
Покрај тоа, тој патува низ светот за да се сретне со верниците, одговарајќи на официјалните покани од шефовите на држави. Најголем патник бил папата Јован Павле Втори кој во своите 26 години понтификат остварил 104 патувања во странство. Вториот е Франциско со 47 патувања.
Римски бискуп
Папата, покрај тоа што е поглавар на целата Католичка црква, е и водач на својата епархија, Римската епархија. Поради сите обврски, оваа должност најчесто се делегира на генералниот викар. И покрај тоа, папата учествува во животот на локалната црква, редовно појавувајќи се во црквите во главниот град на Италија за време на големите празници.
Европа
(Видео) Запечатена резиденција на папата, во Ватикан владее седисвакација

Ватикан ја запечати официјалната резиденција на папата Франциско, симболично започнувајќи период на жалост.
На снимката објавена од Ватикан се гледа кардиналот Кевин Џозеф Фарел, камерленгото, како гледа како службеник на Ватикан става црвена лента на вратата од резиденцијата на папата, ја врзува, а потоа става восочен печат на лентата. После тоа, Фарел ја проверува пломбата и се уверува дека вратата е цврсто затворена.
The papal apartments in the Apostolic Palace — unused during Pope Francis’ pontificate — have been officially sealed by Cardinal camerlengo Kevin Farrell following the Pope’s death. This act marks the beginning of the “sede vacante” period, during which the See of Peter remains… pic.twitter.com/p3PcYqN050
— EWTN Vatican (@EWTNVatican) April 21, 2025
Запечатувањето на папската резиденција е традиционален обред што го изведува камерленго, привремениот управител на Ватикан, а историски служел за да се спречи ограбувањето на папските одаи.
Овој чин го симболизира официјалниот крај на понтификатот на папата Франциско и почетокот на периодот на седисвакација – период без папа.
Европа
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата

Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо во базиликата Свети Петар во Ватикан, каде што многу од неговите претходници го најдоа своето последно почивалиште.
Во тестаментот објавен од Ватикан, Франциско јасно ја изразил својата желба да биде погребан „во земја, без посебни украси“, а над неговиот гроб треба да стои едноставна плоча со неговото папско име на латински: Franciscus.
Папата исто така напишал дека договорил неименуван добротвор да ги покрие трошоците за неговиот погреб.
„Трошоците за подготовка на погребот ќе бидат покриени од сумата што ја обезбеди добродетелот, кој договорив да биде префрлен во базиликата Света Марија Велика“, стои во тестаментот.