Рускиот министер за надворешни работи Сергеј Лавров денеска изјави дека Русија и Иран во блиска иднина ќе потпишат договор за партнерство, со значително внимание посветено на прашањата за одбраната.

„Главниот фактор за зајакнување на руско-иранските односи ќе биде претстојниот договор за сеопфатно стратешко партнерство меѓу Русија и Иран. Договорот се подготвува за потпишување во блиска иднина“, рече Лавров за време на говорот на Меѓународната конференција за евроазиска безбедност во Минск, објави Риа Новости.

Тој додаде дека договорот ќе ја потврди желбата на двете страни за поблиска соработка на полето на одбраната и интеракцијата во интерес на мирот и безбедноста на регионално и глобално ниво.

Светот може да биде сведок на граѓанска војна во САД, предупреди претседателот на Белорусија Александар Лукашенко на Втората меѓународна конференција во Минск за евроазиска безбедност.

Според него, во последните години многу земји на планетата се дестабилизирани, а САД не се исклучок.

„Се плашам дека може да бидеме сведоци на граѓанска војна во САД, а тие, лудаците, тоа го прават со свои раце, додека сакаат да воведат ред во нашиот свет“, рече Лукашенко.

Тој додаде дека американските власти мора прво да воведат ред во себе и тоа да го покажат на целата меѓународна заедница.

Во еден ресторан во Берлин утринава избувнал пожар, а според информациите од противпожарната служба, во инцидентот се повредени голем број луѓе.

Портпаролот на противпожарната служба изјави дека пожарот првично избувнал во приземјето, каде што се наоѓа ресторанот, а подоцна се проширил и на првиот кат од станбената зграда, пренесува „Билд“.

Причината за пожарот се уште не е позната, според медиумот.

Портпаролот на противпожарната бригада изјави за германската новинска агенција „ДПА“ дека четири лица се пренесени во болница поради сомневање за труење со чад.

На неповредените жители им била укажана помош на лице место и им бил даден чај и ќебиња.

„Нема повеќе луѓе во опасност“, изјави портпаролот на противпожарната служба.

Многу станари морале да ги напуштат домовите, а според противпожарната служба, неколку станови веќе не се вселивни. Еден од жителите пријавил силна бучава, а потоа забележал чад на скалите и ја напуштил зградата, пренесува порталот „Фокус“.

Пожарот најверојатно избувнал во ресторанот на приземјето на комерцијалната и станбена зграда и преку цевките за вентилација се проширил до покривот, изјави портпаролот на противпожарната служба. Пожарникарите со специјален алат го отвориле покривот за да може да излезе чадот, а оштетени се и некои соседни згради.

Најмалку 20 противпожарни возила се на терен, вклучително и многу амбулантни возила, јави новинарот на „ДПА“.