Европа
(Видео) Драматични снимки од голема вулканска ерупција на Исланд: eвакуирани речиси 4.000 жители

На југозапад од Исланд вчера еруптира вулкан по неколкунеделни интензивни земјотреси, соопшти метеоролошката служба на таа земја.
На полуостровот Рејкјанес локалните власти евакуираа речиси 4.000 жители на градот Гриндавик во последните денови и ја затворија блиската геотермална бања „Сина лагуна“, јавува „Ројтерс“.
Ова е четврта вулканска ерупција на Исланд во последните три години.
На ерупцијата ѝ претходеле, како што јави „Исланд монитор“, голем број земјотреси вчеравечер околу 21 часот на полуостровот Рејкјанес.
The moment a large volcano erupted in Grindavik, Iceland less than an hour away from the capital in Reykjavík. pic.twitter.com/J4afl0Bukj
— Citizen Free Press (@CitizenFreePres) December 18, 2023
Непроверените податоци, на кои се повикува овој портал, укажуваат дека најголемиот земјотрес во серијата бил со јачина од 4,2 степени според Рихтеровата скала и дека се случил во 21.03 часот по локално време.
🌋 #Eruption has started again at Reykjanes peninsula. Now closer to the town of Grindavik near the Blue Lagoon. News is just breaking and first pictures are coming in #iceland pic.twitter.com/xacRcVUr6i
— Vidar Svansson (@pjesi) December 18, 2023
На полуостровот Рејкјанес почна да еруптира вулкан, а вулканологот Торвалд Тордарсон вели дека на прв поглед ова е најлошото сценарио.
Рејкјанес е вулканско и сеизмичко жариште југозападно од главниот град Рејкјавик. Во март 2021 година лавата избувна спектакуларно од пукнатина долга 500-750 метри во земјата во вулканскиот систем Фаградалсфјал.
Во изминатите недели веќе беше извршена евакуација, а речиси 4.000 жители на рибарскиот град Гриндавик се преместени на безбедно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците објавија снимка: „Со беспилотно летало уништивме моќен руски дрон во лет“

Украинските сили соборија руски повеќенаменски дрон Zala Kub со помош на беспилотно летало FPV, а снимката од акцијата беше споделена на социјалните мрежи од украинскиот волонтер Серхи Стерненко, пренесува „Милитарњи“.
„Таквото летало можеше да предизвика голема штета, па затоа е одлично што беше уништен во воздух“, рече Стерненко.
Zala Kub е дизајниран за прецизни удари на копнени цели – кога ќе ги открие, вертикално навлегува и исфрла експлозивен товар на горниот дел од возилото, каде што тенковите и оклопните возила се најранливи поради нивниот потенок оклопен слој.
Ова беспилотно летало е развиено од рускиот концерн „Калашников“, а првпат беше прикажано во 2019 година на меѓународната воена изложба IDEX во Обединетите Арапски Емирати.
Украина долго време користи беспилотни летала FPV како пресретнувачи за уништување руски летала. Ваквите дронови, во зависност од опремата, како дневни и термални камери, чинат меѓу 1.600 и 2.500 долари. Тие може да летаат со брзина до 160 километри на час, да имаат дострел до 35 километри и да останат во воздухот до еден час.
Европа
Судот ќе ја изрече пресудата за Депардје во мај

Кривичниот суд во Париз во четвртокот објави дека на 13 мај ќе ја изрече пресудата за актерот Жерар Депардје за сексуално вознемирување две жени за време на снимањето филм во 2021 година.
Француското Обвинителство во четвртокот побара 18-месечна условна казна и глоба од 20.000 евра за Депардје, објави весникот „Ле Паризиен“ и другите медиуми.
Седумдесет и шестгодишниот Депардје, истакната личност во француската кинематографија, е обвинет за сексуално вознемирување две жени за време на снимањето филм од 2021 година. Ова е првпат актерот, кој се соочува со многубројни обвинувања за сексуално вознемирување во текот на годините, да биде изведен пред суд.
Депардје призна дека ја фатил една од жените за бутот, но негира дека тоа е напад. Неговиот адвокат рече дека наводите против клиентот се лажни и дека истражителите биле пристрасни.
Европа
(Видео) Нереални снимки од протестот: Пикачу ги поддржа граѓаните во Турција

Надреално видео од Покемон кој наводно бега од полицијата за време на протестите во Турција стана вирална. Имено, некој облечен како Пикачу е снимен како бега од полицијата која брка демонстранти. Снимката наводно е направена во Анталија.
Виралното видео, кое нашироко се споделува на социјалните мрежи, се чини дека потекнува од турскиот фоторепортер Исмаил Коцероглу.
Исмаил во четвртокот објави видео на својот Инстаграм профил, на кое се гледа како костимиран демонстрант бега со толпа граѓани.
Дали е автентична снимката на која Пикачу бега од полицијата не е потврдено.
Сепак, Исмаил продолжи да поставува видеа од овој маскиран демонстрант. Синоќа, тој повторно објави видео од Пикачу како шета низ улиците на Анталија, наведувајќи дека Пикачу „се приклучил на осмиот ден од демонстрациите“.