Свет
(Видео) Драматични сцени од Франција: Демонстрантите го запалија базенот што се гради за Олимписките игри, пожарот се прошири на автобуската станица
Демонстрантите во Франција, кои четири дена по ред протестираат по убиството на 17-годишник од страна на полицаец, вчера го запалија Центарот за водни спортови на Олимпијадата во Париз во 2024 година.
Судејќи според снимките објавени на социјалните мрежи, демонстрантите го запалија базенот, кој се’ уште е во изградба.
Густ чад се издигна низ небото над Водниот центар, исто така видлива на снимката.
VIDEO: The 2024 Olympic Swimming Pool in the northeastern suburbs of Paris. pic.twitter.com/bWSrarQGnx #Paris #Macron #GuerreCivile #Aubervilliers #ViolencesPolicières
— Manchester Chronicle 🐝 (@WithyGrove) June 30, 2023
Пожарот се проширил на блиската автобуска станица, каде се уништени 12 автобуси.
На 28 јуни избувнаа протести во неколку француски градови, откако еден ден претходно полицаец застрела тинејџер (17) од алжирско и мароканско потекло.
Демонстрантите започнаа пожари веќе првата вечер, палејќи корпи за отпадоци и автомобили, а имаше и напади врз полицијата, која потоа употреби солзавец.
Само за време на синоќешниот протест низ земјата беа распоредени 45.000 полицајци и жандарми.
Во градот Кламар, полициски час е на сила од 29 јуни, додека на некои места градскиот превоз не сообраќа по 19 часот.
Инаку, полицаецот кој пукал во тинејџерот доби кривична пријава за убиство со умисла и е во истражен затвор.
На повеќе места во Франција синоќа имаше насилни протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.