Свет
(Видео) Драма во Кина: седумгодишно девојче однесено од надојдената река, исправено пред моментот на живот или смрт

Вистинска драма се одвивала во Кина кога седумгодишно девојче паднало во надојдена река и случаен минувач го спасил од давење.
Како што вчера објави кинеската новинска агенција „Ксинхуа“, во градот Кингјуан во провинцијата Гуангдонг на југот на земјата се случила ситуација во која за миг се одлучувало за живот или смрт.
A moment of life and death! A man in China's Qingyuan City jumped into a river to save a drowning girl. #EverydayHero #China pic.twitter.com/41VAZt6u27
— China Xinhua News (@XHNews) September 13, 2023
Таа област, инаку, беше зафатена од обилните врнежи предизвикани од тајфунот Кајкуи, кој го зафати регионот пред нешто повеќе од една недела.
Во видеото објавено на социјалната мрежа Икс (поранешен Твитер), Ксинхуа наведува дека маж, без двоумење скокнал во реката штом ја видел водата што го носи девојчето.
Тој допливал до неа, ја фатил и ја повлекол кон брегот.
Мажот успеал да го спаси девојчето кое било целосно мокро, но живо, а луѓето околу неа проверувале дали е се во ред со неа и дали има одредени повреди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Шефот на „Ферари“ ќе служи општествено корисна работа и ќе плати милиони за наследство

Претседателот на „Ферари“ и групацијата „Стелантис“, Џон Елкан, се согласи на една година општествено корисна работа и, заедно со својот брат и сестра, ќе платат милиони евра за да решат спор околу данокот на наследство во Италија, објавува BBC.
Според италијанските обвинители, Џон Елкан и неговите браќа и сестри, Лапо и Џиневра, ќе им платат на италијанските власти 183 милиони евра. Неговиот адвокат нагласи дека договорот не претставува признавање на одговорност, туку можност брзо да се заврши оваа афера.
Даночниот спор се однесува на имотот на бабата на Џон Елкан, Марела Карачоло, која почина во 2019 година. Обвинителите тврдат дека браќата и сестрите Елкан не пријавиле имот од околу 1 милијарда евра и приход од 248,5 милиони евра, засновајќи ја својата одбрана на фактот дека нивната баба била жител на Швајцарија.
Обвинителите прифатија договор за спогодба, по што побараа од судијата да ја отфрли кривичната постапка против браќата и сестрите Елкан, што беше прифатено.
Џон Елкан ќе мора да предложи објект каде што ќе извршува општественокорисна работа, со опции кои вклучуваат центри за стари лица или центри за зависности. Неговиот адвокат, Паоло Синискалки, го објасни правниот контекст на спогодбата.
Европа
Левицата победи во Норвешка: историски резултат за десничарските популисти

Левицата, предводена од премиерот Јонас Гар Сторе од Лабуристичката партија, ќе остане на власт во Норвешка откако победи на парламентарните избори обележани со подемот на популистичката десница, која го постигна својот најдобар резултат во својата историја.
По изборите фокусирани на локални прашања, но под влијание и на геополитичките турбуленции, со речиси сите преброени гласови, се очекува левичарскиот блок да освои тесно мнозинство од 87 од 169 места во Парламентот.
„Знаевме дека ќе биде тесно и беше. Знаевме дека мора да дадеме се од себе и дадовме се од себе. И го направивме тоа“, им рече Сторе на поддржувачите.
На власт од 2021 година, 65-годишниот премиер освои нов четиригодишен мандат, најверојатно на чело на малцинска влада.
Со речиси 28 проценти од гласовите, неговата Лабуристичка партија ќе мора да ги здружи силите со сите други левичарски партии со кои има бројни несогласувања.
фото: принтскрин
Свет
Португалскиот премиер ја повика Кина да ги искористи врските со Русија за мир во Украина

Португалскиот премиер Луис Монтенегро се сретна со кинескиот претседател Кси Џинпинг денеска во Пекинг, повикувајќи го да ги искористи блиските врски на неговата земја со Русија за да се заложи за „праведен и одржлив мир“ во Украина.
Средбата се случи само неколку дена по воената парада во кинескиот главен град каде што Кси, севернокорејскиот лидер Ким Џонг Ун и рускиот претседател Владимир Путин беа во центарот на вниманието, претставувајќи го она што шефицата за надворешна политика на ЕУ, Каја Калас, го нарече „автократски сојуз“.
Кинескиот претседател рече дека втората по големина економија во светот е подготвена да ги зајакне своите стратешки врски со Португалија.
фото: принтскрин