Свет
(Видео) Драма во Париз: Музејот Лувр итно евакуиран, паника по исламистички напад
Музејот Лувр во Париз беше затворен „од безбедносни причини“ денеска, додека Франција е во состојба на готовност по нападот во североисточниот град Арас.
– Лувр доби писмена порака во која се наведува дека постои ризик за музејот и неговите посетители. Решивме да се евакуираме додека ги извршуваме неопходните проверки – изјавила портпаролката на Лувр за агенцијата Франс прес.
Неименуван полициски извор за локалните медиуми изјавил дека до музејот била испратена закана за бомба, по што била донесена одлука објектот да се затвори во ден кога врие од туристи.
Музејот претходно официјално објави дека е затворен.
– Музејот Лувр од безбедносни причини денеска, сабота, 14 октомври ги затвора вратите. На лицата кои резервирале посета истиот ден ќе им бидат вратени парите – беше наведено.
На социјалните мрежи се појавија снимки од евакуацијата на стотици посетители од познатиот музеј.
BREAKING:
Visitors are being evacuated from the Louvre Museum in Paris after a bomb threat pic.twitter.com/LUoPBkTvkE
— Visegrád 24 (@visegrad24) October 14, 2023
Највисоко ниво на безбедносна тревога беше прогласено во петокот во Франција.
Да потсетиме дека францускиот претседател Емануел Макрон нареди мобилизација на 7.000 војници за да се засилат безбедносните патроли во земјата, еден ден откако 20-годишен исламски екстремист со нож избоде до смрт локален учител во средно училиште во градот Арас.
– Франција ја подигна безбедносната тревога на највисоко ниво, по смртта на наставникот кој беше избоден со нож во средно училиште – изјави за „ТФ1“ францускиот министер за внатрешни работи Жералд Дарманин.
Кабинетот на Макрон соопшти дека воената мобилизација ќе се спроведува до понеделник навечер и ќе продолжи до понатамошно известување со редовни патроли во главните градски центри и популарните туристички локации.
Кабинетот на францускиот претседател потврди дека француските безбедносни сили спречиле нов „обид за напад“ во друг регион, без да прецизираат за кој регион станува збор.
– Училиштето во Арас беше цел на варварскиот исламистички тероризам – изјави Макрон по посетата на училиштето, велејќи дека жртвата „веројатно спасила многу животи“ со неговата храброст во обидот да го блокира напаѓачот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Апокалиптични сцени од Турција: силен ветер уништи објекти
Силни ветрови ја погодија северозападната турска провинција Коџаели предизвикајќи значителна материјална штета, при што на повеќе објекти им биле целосно откорнати покривите, јавуваат локалните медиуми.
На снимките објавени од локалниот портал „Коџаели Гундем“ се гледа моментот кога силен ветер подигнува покрив од зграда во населбата Диловаси и го носи од објектот. На друга снимка, објавена подоцна, покривот може да се види речиси неоштетен како лежи на земја.
A massive storm hits #Istanbul, #Turkey. pic.twitter.com/YOzRNoToE4
— Siraj Noorani (@sirajnoorani) January 8, 2026
Дополнителни видеа од местото Хереке прикажуваат куќа што останала без покрив, а предмети од внатрешноста се расфрлани по просториите поради силните налети на ветерот.
Од Кабинетот на гувернерот на провинцијата Коџаели уште во средата било издадено предупредување дека се очекуваат олујни ветрови со брзина од 50 до 70 километри на час, додека во повисоките предели ударите можеле да достигнат и до 80–90 километри на час.
Фото: pexels
Свет
Шефот на гренландска рударска компанија: САД сакаат инвестиции во минерали, преговорите се во тек
САД разгледуваат можност за инвестиции во ископување стратешки минерали на Гренланд, потврди извршниот директор на рударската компанија Аморок, Елдур Олафсон, во изјава за Си-Ен-Би-Си.
Компанијата работи во јужниот дел на Гренланд, каде што се занимава со ископување и истражување на злато, бакар, германиум, галиум и други стратешки минерали. Олафсон наведе дека се водат разговори со американски владини институции за можни инвестиции, но дека договорите сè уште не се финализирани.
Според него, потенцијалната соработка би можела да вклучува договори за откуп, инфраструктурна поддршка и кредитни линии, без да прецизира за кои проекти станува збор.
Портпарол на Стејт департментот изјави дека САД сакаат да изградат долгорочни комерцијални односи кои ќе им користат и на Американците и на народот на Гренланд, додавајќи дека претседателот Доналд Трамп ја истакнал важноста на Гренланд за одбраната на САД.
Интересот на Вашингтон се засилува во период кога Трамп повторно ја нагласува идејата за купување на Гренланд, кој го смета за клучен за националната безбедност. Следната недела американскиот државен секретар Марко Рубио треба да разговара со дански претставници за иднината на островот.
Белата куќа ги гледа богатите минерални ресурси на Гренланд како можност за намалување на кинеската доминација на пазарот на стратешки минерали.
Фото: pexels
Свет
(Видео) Експлозија на гас разнесе станбена зграда во Германија
Три лица, меѓу кои и шестгодишно дете, загинаа во силна експлозија на гас што рано утринава целосно уништи станбена зграда во германскиот град Албштат. Уривањето се случило околу 5 часот наутро во градската населба Тајлфинген, а полицијата потврди дека загинатите се членови на исто семејство на возраст од 33, 30 и 6 години, пренесе Билд.
На местото на несреќата се ангажирани повеќе од 200 припадници на итните служби. Откако семејството првично се водело како исчезнато, спасувачите подоцна ги пронашле нивните тела во урнатините.
Детонацијата била исклучително силна и го вознемирила целото соседство. Еден од станарите изјавил за Шварцвелдер Ботен дека околу 5 часот наутро целата куќа му се затресла, предмети паѓале од полици, а стаклото на влезната врата пукнало. Друга соседка помислила дека станува збор за земјотрес.
Според полицијата, во експлозијата не била уништена само погодената куќа, туку и неколку околни згради биле сериозно оштетени. Соседите биле евакуирани и никој од нив не е повреден. Итните служби им укажале помош, а многумина биле во состојба на шок.
Од безбедносни причини, дотокот на гас во целата улица бил прекинат. Градоначалникот Тралмер изјавил дека нема опасност од нови експлозии и дека се очекува снабдувањето со гас за околните куќи повторно да биде воспоставено во текот на денот.
Фото: pexels

