Портпаролот на Кремљ Дмитриј Песков денеска изјави дека Украина продолжува да ги одбива преговорите со Русија, додека Москва останува подготвена да ги продолжи преговорите врз основа на договорот од Истанбул од 2022 година.

Песков посочи дека е премногу рано да се зборува за распоредување мировни сили во Украина, што го пренесоа некои медиуми, пренесе РИА Новости.

„Знаете дека засега украинската страна одбива какви било преговори. Всушност, самиот претседател Володимир Зеленски ги забрани овие преговори со документи“, им рече Песков на новинарите.

32-годишен Нигериец е уапсен утрово откако се обидел со секира да нападне двајца полицајци во Падова во северна Италија, јави „АНСА“.

Нигериец е уапсен поради обид за двојно убиство, јавува медиумот.

Се наведува дека полицаецот морал да пука во напаѓачот за да го спречи да нападне и дека го ранил во ногата.

Според написите, напаѓачот е хоспитализиран.

Двајца тинејџери се убиени, а четворица се повредени, меѓу кои и едно 13-годишно девојче, во пукање во импровизиран клуб во Хјустон, Тексас, американската сојузна држава Тексас, соопшти полицијата.

16-годишно машко лице починало на самото место, а 14-годишно женско лице починало во болница, пренесува АП.

Четири повредени женски лица се хоспитализирани, 13-годишно е во критична состојба, 18-годишно е во тешка состојба, а 17-годишно и 19-годишно лице се во стабилна состојба, соопшти полицијата.