Свет
(Видео) Екстремно силно невреме ја зафати Италија: силен дожд и град го парализираа Милано, има жртви
Околу 4 часот утринава Милано и околината ги зафати силно невреме со силен дожд, град и удари на ветер со брзина поголема од 100 километри на час, што е второ невреме за нешто повеќе од 12 часа.
Жена загина во Монца, а најмалку три лица се повредени во Милано кога силен дожд и силен ветер ја погодија северна Ломбардија.
Storm now near milano🙄#vtm #Storm #tempesta #tornado #italy #italia pic.twitter.com/DjviTs4hLo
— Vanessa van cartier (@Vanessavancart2) July 24, 2023
Ноќниот дожд во Милано беше краток, но многу интензивен, а прогнозите укажуваат на можност за нови врнежи, пренесува агенцијата „Анса“.
Невремето предизвика сериозни штети и на електричната мрежа, па јавниот превоз доцни.
Голем број луѓе на социјалните мрежи објавија дека нема струја во многу делови од градот, а имало и неколку повици до Противпожарната бригада, но рано е да се процени штетата, наведува италијанската агенција.
Anche qui in Provincia #lodi mai vista una tempesta così. #ClimateBreakdown #ClimateEmergency #milano #storm pic.twitter.com/Mm97fCHOAL
— 🌪️Nemesya🌪️ (@Nemeenya) July 25, 2023
Пријавени се оштетувања на покривот, како и последователни поплави поради количината дожд и град што падна за краток временски период во Милано, како и многу соборени дрвја. Нема извештаи за повредени.
Шеснаесетгодишно девојче загина во извиднички камп во Чегедол, во италијанската провинција Бреша, кога дрво паднало врз шаторот во кој таа спиела за време на невремето.
Кампот бил евакуиран од пожарникари, јавува „Анса“.
Unbelievable storm #milan #milano #corvetto #summerrain pic.twitter.com/xcQ7m4SBk3
— Gianluca Schiano (@GianluLA) July 25, 2023
Поради невремето, евакуиран е и извидничкиот камп во Вал Дориз.
Вчера, доцна вечерта, ново невреме ја погоди и Бријанца во Монца и собори многу дрвја, а автомобил со семејство – мајка, татко и две и полгодишно девојче – беше погоден од дрво.
Мажот, кој добил повреди на главата, е хоспитализиран, а според информациите, неговата сопруга и ќерката не се повредени.
Невреме со грмотевици денеска се очекува и во Трентино Алто Адиџе, Венето и Фриули – Венеција Џулија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Марта Кос: Проширувањето е значајно и за Словенија и за Европската Унија
Марта Кос, словенечката кандидатка за еврокомесар денеска изјави дека проширувањето е синоним за ЕУ.
„За мене, проширувањето е синоним за ЕУ, а ЕУ е синоним за мир. Понатаму, мирот претставува стабилност, безбедност, иднина, поврзаност и инклузија“, додаде Кос, претставувајќи ја својата кандидатура за еврокомесар пред Комисијата на националното собрание за ЕУ.
Таа укажа на важноста на портфолиото на проширување и за Словенија и за ЕУ и додаде дека е убедена дека нејзините вештини ќе бидат најочигледни во оваа област.
Кос пред Комитетот, чие мислење не е обврзувачко, изјави дека исполнува три клучни услови за еврокомесар: компетентност, посветеност на ЕУ и независност.
„Вредностите и целите на ЕУ се свети за мене“, рече таа, пренесува агенцијата „СТА“.
Таа посочи дека успешната интеграција на Словенија во ЕУ може да послужи како вреден пример за другите земји од Западен Балкан кои се стремат да се приклучат.
Според неа, напредокот на Словенија и ЕУ е меѓусебно поврзан со напредокот и развојот на нејзините соседи.
Кос повика и на поблиска соработка со Националното собрание и предложи годишно обраќање до парламентот, кое ќе следи по говорот на претседателката на Европската комисија, Урсула фон дер Лајен, за состојбата на Унијата во Европскиот парламент, пренесува Танјуг.
Свет
Нетанјаху вети дека ќе ги врати жителите на северот во нивните домови
Израелскиот премиер Бенјамин Нетанјаху вети дека ќе ги врати во своите домови десетиците илјади жители евакуирани од северната погранична област со Либан.
„Реков претходно, ќе ги вратиме жителите на северот во нивните домови безбедно и токму тоа ќе го направиме“, објави Нетанјаху во кратката видео порака.
Тој не ги спомна експлозиите насочени кон Хезболах во Либан во изминатите два дена, пренесоа агенциите.
Во меѓувреме, бројот на жртвите од денешните најнови експлозии на комуникациски уреди низ Либан се зголеми од девет на 14, а повеќе од 450 луѓе се ранети, соопшти либанското Министерство за здравство.
Началникот на израелската армија, генерал-полковник Херзи Халеви изјави подоцна оваа вечер дека Израел подготвил дополнителни планови против Хезболах и е подготвен да нападне.
Израел има „многу повеќе опции“ кои се уште не се искористени во борбата против Хезболах, објави „Тајмс оф Израел“.
„Имаме многу можности кои се уште не се активирани, видовме некои од овие работи и ми се чини дека сме добро подготвени и се подготвуваме да ги реализираме овие планови“, рече Халеви и додаде дека во секоја фаза цената за Хезболах треба да биде висока, пренесе медиумот.
Свет
Уште една жртва од поплавите во Чешка, Полска и Унгарија ги зајакнуваат насипите околу реките
Чешката Република соопшти дека бројот на жртвите од катастрофалните поплави во земјата, кои ја погодија централна Европа, се искачи на четири, додека во Полска и Унгарија волонтери и персонал за итни случаи брзаат да ги зајакнат заштитните насипи околу реките, бидејќи нивото на водата почна да расте, пренесува Ројтерс.
Најлошите поплави што ја погодија централна Европа во најмалку две децении оставија зад себе трага на уништување што се протега од Романија до Полска, оставајќи затрупани градови во кал и урнатини, уништени мостови и потонати автомобили.
Домаќинствата и владите на погодените земји се соочуваат со штети кои можат да се измерат во милијарди долари, пренесува медиумот.
Со пријавена нова жртва во Чешка, бројот на загинати во Европа од поплавите се искачи на 23.
Според официјалните податоци, по седум лица загинале во Романија и Полска, а уште пет во Австрија.
Новооткриената жртва во Чешка, 70-годишна старица од село, била пронајдена на 20 метри од нејзината куќа. Таа била евакуирана во саботата, но следниот ден го напуштила центарот за евакуација за да се врати дома, објави чешката телевизија.
Во таа земја водата главно се повлекува, но нивото на водата се уште е на својот врв во некои делови на јужна Бохемија.
Во Вроцлав, Полска, голем број луѓе редат вреќи со песок од рака на рака за да се зацврстат бреговите на реката Одра. На југ од таму, тоа го прават полските војници. Највисок водостој во Вроцлав се очекува утре.
Во Унгарија, властите отворија брана во северозападниот дел на земјата за да ја пренасочат водата од реката Лејте во еден резервоар и да ги заштитат градовите.
Во Будимпешта, Дунав се очекува да се искачи на највисокото ниво – над 8,5 метри, во петок или сабота.
Во исто време, силно невреме и се заканува на Италија.
Предупредувања за силен дожд, ветрови и поплави се издадени во поголемиот дел од Италија, јавува Би-Би-Си.
Веќе се објавени извештаи за поплави во Пескара во централна Италија, додека италијанската метеоролошка служба предупредува дека невремето ќе го погоди северниот брег на регионот Емилија-Ромања.
На поплави во наредните денови предупредуваат и властите во Хрватска, Унгарија, Словачка и Полска, јавува Танјуг.