Свет
(Видео) Ердоган ги нападна Америка и Британија: Сакаат Црвеното Море да го претворат во море од крв

Пристигна првата реакција на турскиот претседател Реџеп Таип Ердоган на синоќешните воздушни напади на САД и Обединетото Кралство врз воени цели на бунтовниците Хути во Јемен, поддржани од Иран.
BREAKING — Erdogan says US and UK strikes in Yemen targeting the Houthis are disproportionate uses of force.
“They are eager to turn the Red Sea into a bloodbath. We see that the Houthis are making very successful defenses against the strikes”
— Ragıp Soylu (@ragipsoylu) January 12, 2024
„САД и Обединетото Кралство се обидуваат да го претворат Црвеното Море во море од крв. Гледаме дека Хутите многу успешно се бранат од овие напади“, рече Ердоган додавајќи дека ударите на западните сили се „непропорционална употреба на сила“.
На крајот на минатата година Хутите почнаа да напаѓаат комерцијални бродови во Црвеното Море за да му покажат поддршка на палестинскиот Хамас во борбата против израелските вооружени сили во окупираниот Појас Газа.
Во такви услови многу сопственици на бродови ги пренасочуваа своите пловила, а САД иницираа меѓународна мисија која треба да ја заштити пловидбата. Во ноќта кон петокот американските и британските вооружени сили нападнаа воени цели во Јемен, а Хутите најавија одговор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Се запали градинка во Загреб – пожaрот избил од клима уредот

Пожар изби попладнево во градинка во Загреб.
Според информациите на хрватските медиуми, причина за избувнување на пожарот е палење на клима уредот.
Првата личност која се обидела да се справи со огнот била жена која го гаснела со ПП апарат. Во меѓувреме сите деца навреме го напуштиле објектот и биле испратени на безбедно.
Пожарот се проширил низ една од просториите, а неговото натамошно ширење го спречиле загрепските пожарникари, кои дојавата за пожарот ја добиле околу 16:55 часот.
Допрва ќе се утврдуваат околностите под кои избил пожарот во градинката.
Свет
Зошто папата не може да биде донатор на органи

Официјални лица од Ватикан објаснија зошто поглаварот на Католичката црква не може да биде донатор на органи и по смртта, без разлика дали е регистриран како донатор или не.
Телото на папата Франциско утрово беше префрлено во базиликата Свети Петар за католичките верници да му оддадат последна почит пред погребот кој ќе се одржи во сабота во 10 часот. Јавноста ќе може да му оддаде почит на папата Франциско до петок.
Кога Ватикан беше домаќин на европската донација на органи во октомври 2014 година, папата Франциско го опиша чинот на донирање органи како „сведоштво за љубов кон ближниот“. Сепак, папата не може да биде донатор на органи и ќе биде погребан со сите органи што ги имал во моментот на неговата смрт. Дури и да одлучил да биде донатор на органи порано во животот, пред да биде избран за папа, таа одлука се поништува.
Иако многумина шпекулираат дека папата не може да биде донатор поради неговата возраст, вистинската причина излезе на виделина кога на чело на Католичката црква беше Бенедикт Шеснаесетти, за кој се знаеше дека има картичка за дарување органи. Еден лекар се залагаше за практиката папата да биде донатор на органи, за да послужи како пример, но Ватикан го замоли да престане и објасни дека Бенедикт Шеснаесетти всушност не би можел да ги донира своите органи доколку умре како Папа.
Бенедикт доброволно се пензионира во 2013 година, но додека тој сè уште беше поглавар на црквата, неговиот секретар, монсињор Георг Гаенсвајн, испрати писмо до докторот кое подоцна го објавија медиумите. Во писмото објаснува: „Точно е дека Папата поседува картичка за донирање органи, но спротивно на јавното мислење, картичката издадена во 1970-тите стана де факто неважечка со изборот на кардиналот за папа“.
Официјални лица на Ватикан објаснија дека кога папата ќе умре, неговото тело во целост и припаѓа на Црквата и мора да биде погребано недопрено. Според Ројтерс, официјалните лица додале дека органите на папата, доколку се донираат, ќе станат реликвии во други тела доколку покојниот Папа на крајот биде прогласен за светец.
Коментирајќи ја одлуката на Папата Бенедикт да стане донатор на органи, портпаролот на Ватикан Федерико Ломбарди тогаш рече: „Папата очигледно направи избор пред многу години. Како граѓанин можеше да ја донесе таа одлука, но сега има поинаква улога“.
Свет
Германија, Франција и Британија: Израел мора да ja пушти хуманитарната помош за Газа

Германија, Франција и Велика Британија итно го повикаа Израел да ја укине блокадата за испорака на хуманитарна помош во Појасот Газа, која е на сила повеќе од 50 дена.
„Палестинските цивили, вклучително и еден милион деца, се соочуваат со акутен ризик од глад, епидемии на болести и смрт. Ова мора да се запре“, се вели во заедничката изјава на трите земји објавена денеска. Израел мора да им дозволи на Обединетите нации и хуманитарните организации пристап до затворената крајбрежна зона за да можат безбедно да работат таму, се вели во извештајот.
„Хуманитарната помош никогаш не смее да се користи како политичко средство. Според меѓународното право, Израел е должен да дозволи непречен премин на хуманитарна помош“, се вели во соопштението. Исто така, се додава дека палестинското исламистичко движење Хамас не смее да ја пренасочува помошта за своја финансиска корист или да користи цивилна инфраструктура за воени цели.
Трите европски земји ги осудија и изјавите на израелскиот министер за одбрана Израел Кац за желбата за трајна окупација на Појасот Газа.
„Палестинските територии не треба да се намалуваат или да се менуваат демографски“, порачаа Германија, Франција и Велика Британија.
Портпаролот на израелското Министерство за надворешни работи категорично ги отфрли обвинувањата дека Израел ја политизира хуманитарната помош. Тој изјави дека Израел е должен да дава помош само доколку цивилното население не е соодветно снабдено, што, според него, не е така, што е во спротивност со извештаите на ОН и другите хуманитарни организации.