Свет
(Видео) Жена во Јапонија извлечена од урнатините пет дена по земјотресот, има над 90 години
Жена на 90-годишна возраст, заробена под урнатините пет дена по силниот земјотрес во централна Јапонија, е спасена против сите шанси. Но, денеска се очекува дека снегот и невремето ќе ги отежнат спасувачките напори.
Најмалку 126 лица загинаа во земјотресот со јачина од 7,5 степени според Рихтер на Нова година и во последователните потреси, а 222 лица се уште се водат за исчезнати. Во земјотресот се урнаа згради, имаше голем пожар, а имаше и цунами бранови повисоки од еден метар.
Надежта за пронаоѓање на преживеани обично исчезнува три дена по разорниот земјотрес. Меѓутоа, старицата поминала пет дена под урнатините на урнатата куќа во градот Сузу пред да биде спасена синоќа. Таа била пренесена во болница и јасно одговарала на прашањата, јавува јавната телевизија НХК.
An elderly woman has been rescued tonight, 124 hours after the earthquake occurred in Japan’s Ishikawa Prefecture on Monday. She was found trapped in a collapsed house in Suzu City. Her survival is a miracle. This footage is from The Chunichi Shimbun. Watch ↓. 🇯🇵 🚨 pic.twitter.com/oOUjsqVi7F
— Cole Cameron (@colecameron) January 6, 2024
„Почекај!“ На снимката од полицијата од местото на настанот, која ја објавија локалните медиуми, можеше да се слушне како спасувачите ја повикуваат жената. “Ќе бидеш добро!” извикуваа тие додека околу нив паѓаше дожд. “Остани позитивна!”
Портпаролот на токиската полиција потврди за АФП дека спасувањето го извршиле полицајци од Токио и Фукуока, но не можеше да даде повеќе детали. Многу заедници на полуостровот Ното, каде што се случи земјотресот во понеделникот, се отсечени поради оштетените патишта, а некои од околу 1.000 свлечишта ги блокираат и возилата за помош.
До денес попладне се предвидува студен дожд да премине во снег на полуостровот, на страната на Јапонското Море на главниот остров Хоншу во земјата. Лошото време се заканува дополнително да ја усложни тешката мисија на илјадници полицајци, војници и други спасувачи.
Исто така, може да ги влоши условите за повеќе од 30.000 луѓе во 366 владини засолништа бидејќи помошта бавно стигнува до областите без вода или струја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
ЕУ: Веќе нема ризик од кршење на владеењето на правото во Полска
Европската комисија денеска објави дека планира да ја затвори постапката против Полска до крајот на мај, бидејќи веќе не постои ризик од сериозно кршење на владеењето на правото.
Потпретседателката на Комисијата за вредности и транспарентност, Вера Јоурова, изјави дека полските власти покажале решителност да ги исправат неправилностите во областа на правдата, дека признале дека има проблем во таа област, дека се подготвени да го елиминираат, дека европското законодавство има приоритет пред националното законодавство и дека се обврзале дека ќе ги спроведуваат одлуките на Судот на правдата на Европската унија и Европскиот суд за човекови права поврзани со владеењето на правото, вклучително и независноста на судството.
„Мислам дека во случајот со Полска веќе нема очигледен ризик од сериозно кршење на владеењето на правото“, рече Јоурова и најави дека по дискусијата на состанокот на министрите за европски прашања во вторник овој месец, ќе предложи до Комисијата да ја затвори постапката.
Таа додаде дека приговор на ваквата оценка има само унгарскиот министер за правда Јанош Бока, кој обвинува дека Комисијата во овој случај се води од политички причини, а не од реални промени во полското правосудство.
Во текот на осумте години на власт, претходната полска влада предводена од националистичката партија Право и Правда спроведе низа реформи во судството, со што се доведе во прашање поделбата на власта и независноста на судството, како и слободата на медиумите. Поради ова, Полска беше блокирана од милијарди евра кои и беа наменети во европскиот буџет.
Новата полска влада предводена од премиерот Доналд Туск, која ја презеде функцијата во декември минатата година, најави дека ќе обезбеди повторно воспоставување на независноста на судството и ќе го поништи она што претходната влада го направи во таа област.
Слична постапка се води и против Унгарија, чија влада со години е во конфликт со европските институции и другите членки на ЕУ за почитување на владеењето на правото во таа земја.
Свет
Поддршката за Бајден на најниско ниво во последните две години
Поддршката за американскиот претседател Џо Бајден падна на најниско ниво во речиси две години овој месец, што одговара на најнискиот процент од неговиот мандат, покажа денеска објавената анкета на Ројтерс и Ипсос.
Истражувањето покажа дека само 36 отсто од Американците го одобруваат настапот на Бајден, што е намалување од 38 отсто во април.
Ова е враќање на најниското ниво на поддршка за демократски претседател во јули 2022 година, половина година пред Бајден да се соочи со републиканскиот кандидат Доналд Трамп на изборите на 5 ноември.
Поранешниот претседател Трамп има мала предност пред актуелниот претседател во клучните држави за кои се верува дека ќе го одредат победникот.
Друга анкета на Ројтерс и Ипсос, исто така, покажа дека многу демократи не се согласуваат со одговорот на Бајден на израелската офанзива на Појасот Газа, што дополнително ги загрозува неговите изгледи на ноемвриските избори.
Европа
Илјадници бегаат од руската офанзива во регионот Харков
Во борбите за вториот по големина град во Украина досега се раселени околу 14.000 луѓе, покажуваат податоците на Светската здравствена организација (СЗО), пренесува Би-би-си.
Руските сили неодамна започнаа летна офанзива, заземајќи неколку села на североисточната граница на Украина во близина на градот Харков додека се обидуваат да ја пробијат ослабената линија на фронтот на Украина.
Регионалниот лидер на Харков изјави дека седум лица се повредени во ноќните напади на руски беспилотни летала врз градот. Во меѓувреме, најмалку едно лице загина во напад на украинско беспилотно летало над границата со Белгород, јавуваат руските медиуми.
Говорејќи на брифинг со новинарите, Јарно Хабихт од СЗО рече дека 14.000 луѓе избегале од борбите во областа, но 189.000 луѓе кои останале во близина на границата со Русија се соочиле со „значителни ризици поради борбите“.
Украина сè уште контролира околу 60 отсто од Вовчанск, пограничниот град во центарот на неодамнешните борби, изјави заменик-гувернерот Роман Семенука за националната телевизија во понеделникот.
Друг украински воен функционер изјави за АФП дека борбите во Харков „остануваат тешки и динамично се менуваат“.