Свет
(Видео) Жена го задавила па го обезглавила љубовникот, подоцна го нападнала и својот адвокат пред судот
Жена обвинета за обезглавување на својот љубовник, откако го задавила за време на секс со дрога, го нападнала својот адвокат пред судот во вторникот, пренесуваат медиумите во светот.
Тејлор Шабизнис (25) го нападна својот адвокат Квин Џоли околу 8 часот и 48 минути во судница во Гринбеј, Висконсин, и изгледаше како да го удри со лактот во главата.
Сепак адвокатот, најверојатно не се здобил со посериозни повреди, пишуваат медиумите.
Кавгата, наводно, настанала откако сведокот не се појавил да сведочи за психичката состојба на Шабизнис.
Таа е обвинета за убиство од прв степен, осакатување и сексуален напад од трет степен, откако мајката на жртвата ја открила отсечената глава на нејзиниот син во кофа, покриена со крпа, во нејзиниот дом.
Според полицијата, Шабизнис признала дека извршила орален секс и користела секс играчка на нејзината жртва, Шад Рок Тирион, откако тој починал. Таа се изјаснила за невина поради ментална болест.
Имаше извештаи дека Шабизнис е разумна, но одбраната ангажирала и друг експерт за да го спроведе прегледот. Сепак, неговиот извештај не е целосен, изјави во вторникот адвокатот на одбраната Квин Џоли. За тоа сведочење побара уште две недели.
Судијата Томас Волш се согласи да го одложи судењето. Шабизнис потоа го нападна Џоли, а полицаецот ја собори на земја.
Одложеното надлежно рочиште – кое требаше да се одржи денеска, е закажано за 6 март. Судијата предложи судењето да биде на 15 мај.
Изворите, како што пишуваат медиумите, велат дека таа го задавила Тирион во домот во Грин Беј, сексуално го нападнала и му го распарчила телото, оставајќи делови од телото низ целата куќа и во возилото.
Кога детективите го пребарале домот, тие рекле дека пронашле делови од телото во кеси, кутии или контејнери за складирање во подрумот. Пронашле и неколку кујнски ножеви.
Медицинскиот вештак рече дека жртвата умрела од задушување за време на, како што им рекол Шабизнис, сексуален однос.
Шабизнис беше уапсена минатата година откако мајката на Шад Рок Тирион ја пронашла неговата отсечена глава во канта во нејзиниот подрум.
Подоцна полицијата ја пронашла Шабизнис облеана во крвава облека, со гребаници и исекотини на рацете.
„Проклета глава. Не ми се верува дека ја оставив главата“ – рекла таа, а потоа им рекла на полицајците дека ќе се „забавуваат“ додека му ги бараат сите органи.
Шабизнис раскажала како седнала врз него, го задушувала додека легнал со лицето надолу на креветот и како го гледала како кашла крв и „чека да умре“, пренесува „Дејли Мејл“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.