Свет
(Видео) Жена со две деца спасена од урнатините по 228 часа
![](https://makfax.com.mk/wp-content/uploads/2023/02/Screenshot_11-1.jpg)
Со натчовечки напори на спасувачките и волонтерски тимови кои деноноќно ги пребаруваат урнатите згради во подрачјата погодени од земјотресот, и денеска се спасени неколку животи, пишуваат локалните медиуми. По 77-годишната жена, која беше спасена по повеќе од 220 часа под урнатините, светлината на денот ја видоа и мајката и двете деца.
Збунетата жена ги прашала своите спасувачи „Кој ден е денес? откако таа и нејзините две деца беа извлечени од урнатините во Антакија 228 часа по разорниот земјотрес, а локалните медиуми спасувањето го нарекоа чудо.
Madenci varsa umut her zaman vardır…
Anne ve iki çocuğu 228 saat sonra kahramanlarımız tarafından kurtarıldı.#madeniscisi #deprem #hatay #kahramanmaras #sondakika pic.twitter.com/Y4teOEcZ69— GENEL MADEN İŞÇİLERİ SENDİKASI (GMİS) (@genelmaden_is) February 15, 2023
Членот на спасувачката екипа Мехмет Ериилмаз го опиша моментот кога ги нашле мајката и нејзините две деца и ги извлекле на слобода.
„Мајката беше среќна што нè виде. Прво ја држев за рака. Разговаравме и ја смиривме“, изјави тој за „Анадолија“, додавајќи дека мајката прво побарала вода, но дека поради околностите не смееле да направат ништо без интервенција на првата помош. Потоа ги прашала своите спасители: „Кој ден е денес?
Спасената жена се вика Ела и има две деца, девојче и момче, кои заедно со неа биле извлечени од урнатините. „Анадолија“ извести дека се работи за странска државјанка, но не ја наведоа нејзината националност.
Претходно, тимови во јужна Турција соопштија дека сè уште може да ги слушнат гласовите на преживеаните заробени во урнатините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.