Свет
(Видео) Жени се тепаа во продавница: едната му го подаде бебето на случаен минувач и почна да се тепа

Тешка тепачка меѓу жени во супермаркет во Нов Јужен Велс.
Две жени првин се карале, па почнале да се удираат една со друга, а трета му го дала своето бебе на случаен минувач за да се приклучи и таа во тепачката. Мажот, кој заврши со бебето в раце, претходно грубо го оттурнале кога се обидел да интервенира.
Жената што го предаде бебето потоа го удира мажот во црвената кошула, а освен нив, двете жени продолжуваат да се караат меѓу себе.
За кратко и човекот кај кого беше бебето го остави и скокна во тепачката.
На видеото потоа се гледаат колички и кутии со сокови како паѓаат додека најмалку четири лица се тепаат. Двајцата мажи потоа се гледаат како се тркалаат на подот.
Полицијата соопшти дека била повикана за да интервенира.
Засега не се знае кој ја почнал тепачката, која била причината за тепачката, како и состојбата на учесниците во тепачката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Противниците на Трамп денеска на масовни протести низ САД

Околу 1.200 демонстрации се планирани денеска ширум САД, а организаторите очекуваат тоа да биде најголемиот ден на протести против американскиот претседател Доналд Трамп и неговиот сојузник Илон Маск, објави Ројтерс.
Протестите наречени „Одземени раце“ ќе им дадат можност на противниците на Трамп да го изразат своето незадоволство од надворешната и внатрешната политика на Трамп на САД, наведува агенцијата.
„Ова е масовен протест кој испраќа многу јасна порака до Маск, Трамп, републиканските конгресмени и сите сојузници на движењето Направете ја Америка повторно голема (MAGA) дека не сакаме нивните раце во нашата демократија, заедници, училишта, пријатели и соседи“, рече Езра Левин, ко-основач на Indivisible, една од групите што ги организираа настаните овој викенд.
Според податоците од веб-страницата на настанот, околу 150 активистички групи се пријавени за учество.
Планирани се протести во сите 50 држави, како и во Канада, Британија, Франција, Германија, Мексико и Португалија.
Најголемите собири се очекуваат на Националниот плоштад во Вашингтон.
Групите кои се противат на обновената воена акција на Израел во Газа и акциите на администрацијата на Трамп против протестите во кампусите ќе учествуваат и на протестите во Вашингтон, објавија организаторите, пренесува Танјуг.
Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Свет
Најмалку 47 лица повредени во судир на два туристички автобуси во Токио

Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнале од железничката станица во Токио и патувале до езерото Кавагучи во соседната префектура Јаманаши.
Според полицијата, автобусите кои биле под управа на истата компанија постојано забрзувале и намалувале поради гужвата на патот, а несреќата се случила кога возачот на последниот автобус не забележал дека првиот автобус закочил.