Свет
(Видео) Жесток напад врз Русија: гори едно од најголемите складишта за ракети

Украина синоќа изврши напад со дрон врз складиште за ракети и муниција во руската област Твер.
Голем напад на украински беспилотни летала во рускиот регион Твер предизвика огромна експлозија и принуди делумно евакуација на населението во близина на местото на големо руско складиште за оружје, јавува „Ројтерс“, повикувајќи се на воени блогери и медиуми, и додава дека нема информации за жртви.
Во објавата на Киев на социјалната мрежа Х се наведува дека рано утринава сè уште одекнуваат детонации и дека пожарот зафатил површина од пет квадратни километри.
⚡️A massive blaze has erupted at a warehouse storing highly flammable fuel and lubricants in Yaroslavl, Russia.
The fire is spreading rapidly, with thick black smoke visible from miles away. The cause of the blaze remains unknown. pic.twitter.com/o628vSwFlC
— KyivPost (@KyivPost) September 17, 2024
Се вели дека ова е, веројатно, најголемиот украински удар на руска територија од почетокот на војната.
Украинските медиуми покажаа сателитски податоци на НАСА FIRMS, кои го потврдуваат тоа.
Се наведува дека беспилотните летала паднале на еден од најголемите складишта на ракети и муниција во Русија.
Во тој реон почна евакуација на населението од неколку населени места.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.